ಆದ್ಯತ್‌ರ ಪುಸ್ತಕ 41:40 - ಕೊಡವ ಬೈಬಲ್

⁴⁰ ನೀನ್‌ ನಾಡ ಅರಮೆನೆಕ್‌ ಅದಿಕಾರಿಯಾತ್‌ಪ್ಪಿಯ. ನೀಡ ತಕ್ಕ್‌ಕ್‌ ನಾಡ ಜನಯೆಲ್ಲಾ ತಗ್ಗಿತ್‌ ನಡ್‌ಪ. ಆಚೇಂಗಿ ಸಿಂಹಾಸನತ್‌ರ ವಿಷಯತ್‌ಲ್‌ ಮಾತ್‌ರ ನಾನ್‌ ನೀಕಿಂಜಿ ಬಲ್ಯಂವೊನಾಯಿತ್‌ಪ್ಪಿ.

ಆದ್ಯತ್‌ರ ಪುಸ್ತಕ 41:40 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 39:9

ಈ ಮನೆಲ್ ನಾಕ್ಯಿಂಜ ಬಲ್ಯಂವೊ ದಾರು ಇಲ್ಲೆ. ನೀನ್‌ ಅಂವೊಂಡ ಪೊಣ್ಣಾಯಿತ್‌ ಉಳ್ಳಾಂಗ್‌ ನಿನ್ನ ಬುಟ್ಟಿತ್‌ ಬೋರೆ ಎಲ್ಲಾಂಡ ಮೇಲೆ ನಾಕ್‍ ಅದಿಕಾರ ತಂದಿತ್. ಇನ್ನನೆ ಇಪ್ಪಕ ಇಂತ ಮೋಸವಾನ ಕಾರ್ಯತ್‌ನ ಮಾಡಿತ್, ಯೆಹೋವಂಗ್‌ ವಿರುದ್ದವಾಯಿತ್‌ ನಾನ್‌ ಎನ್ನನೆ ಪಾಪ ಮಾಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 44:18

ಅಕ್ಕ ಯೆಹೂದ ಅಂವೊಂಡ ಪಕ್ಕ ಬಂದಿತ್: ಸ್ವಾಮಿ, ನಾನ್‌ ನಿಂಗಡ ಕೂಡೆ ತಕ್ಕ್‌ ಪರಿಯುವಕ್‌ ನನ್ನ ಬುಡೀಂದ್‌ ಬೋಡುವಿ. ನಿಂಗಡ ಆಳ್‌ರ ಮೇಲೆ ಚೆಡಿ ಮಾಡತಿ. ನಿಂಗ ಫರೋಹನಂಗ ಸರಿಸಮವಾಯಿತ್‌ ಉಳ್ಳಿರ.

ಆದ್ಯತ್‌ರ ಪುಸ್ತಕ 45:26

ಅಯಿಂಗ ಅಂವೊಂಗ್: ಯೋಸೇಫ ಇಂಞು ಬದ್‌ಕಿಯಂಡುಂಡ್. ಅಂವೊ ಐಗುಪ್ತ ದೇಶತ್‌ರ ಅದಿಪತಿಯಾಯಿತ್‌ ಉಂಡ್‍ೕಂದ್‌ ಎಣ್ಣ್‌ಚಿ. ಇದ್‌ನ ಕ್‍ೕಟಿತ್‌ ಯಾಕೋಬ ದಂಗಾಚಿ. ಅಂವೊಂಗ್‌ ನಂಬ್‌ವಕ್‌ ಕಯಿಂಜಿತ್‌ಲ್ಲೆ.

ಎಸ್ತೆರ್‌ 10:3

ಯೆಹೂದ್ಯನಾನ ಮೊರ್ದೆಕೈ, ರಾಜನಾನ ಅಹಷ್ವೇರೋಷಂಗಿಂಜ ದಂಡನೆ ಸ್ತಾನತು, ಯೆಹೂದ್ಯ ಜನಡ ಮದ್ಯತ್‌ ದುಂಬ ಮರ್ಯಾದಸ್ತನಾಯಿತು, ತಾಂಡ ಬಲ್ಯ ಬೆಂದ್‌ಕಡ ಗುಂಪ್ ಅಂವೊನ ಪ್ರೀತಿಚಡುವಂವೊನಾಯಿತು ಇಪ್ಪದ್‌ ಅಲ್ಲತೆ, ತಾಂಡ ಜನಕ್‌ ನಲ್ಲದ್‌ನ ಬಯಂದಿತ್, ತಾಂಡ ಕುಲತ್‌ರ ಜನಕ್‌ ಸಮಾದಾನ ಕ್‌ಟ್ಟ್‌ವನೆಕೆ ತಕ್ಕ್‌ ಪರಿಯುವಂವೊನಾಯಿತು ಇಂಜತ್.

ಎಸ್ತೆರ್‌ 3:1

ಇದೆಲ್ಲಾ ಆನಪಿಂಞ ರಾಜನಾನ ಅಹಷ್ವೇರೋಷ, ಅಗಾಗ್‌ ಕುಲಕ್‌ ಕೂಡ್‌ನ ಹಮ್ಮೆದಾತಂಡ ಮೋಂವೊನಾನ ಹಾಮಾನ ಎಣ್ಣುವಂವೊನ ಗೌರವ ಪಡ್‌ತಿತ್, ತಾಂಡ ಪಕ್ಕ ಉಳ್ಳ ಎಲ್ಲಾ ಪ್ರಬುಕ್ಕಳೂಕಿಂಜ ಅಂವೊಂಗ್‌ ಬಲ್ಯ ಅದಿಕಾರತ್‌ರ ಸ್ತಾನತ್‌ನ ಕೊಡ್‌ತತ್.

ಜ್ಞಾನತ್‌ರ ಪಡಿಮ 22:29

ತಾಂಡ ಕೆಲಸತ್‌ನ ಸಾಮಾರ್ತನಾಯಿತ್‌ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯ ಸಾಮಾನ್ಯ ಮನುಷ್ಯಂಗಕ್‌ ಅಲ್ಲ ಆಚೇಂಗಿ ರಾಜಂಗಕ್‌ ಸೇವೆ ಮಾಡುವ.

ಅಪೊಸ್ತಲ 7:10

ಅಂವೊಂಗ್ ಬಂದ ಕಷ್ಟತ್ಂಜ ಬುಡ್‌ತಿತ್ ಐಗುಪ್ತ ದೇಶತ್‍ರ ರಾಜನಾನ ಫರೋಹನಂಡ ಮಿಂಞ ಅಂವೊಂಗ್ ನಲ್ಲರೆಕೆಯು ಜ್ಞಾನವು ಕೊಡ್‌ತಿತ್ ಆಶೀರ್ವಾದ ಮಾಡ್‍ಚಿ. ಫರೋಹನ ಅಂವೊನ ಐಗುಪ್ತ ದೇಶಕ್ ಪಿಂಞ ತಾಂಡ ಅರಮನೆಕ್ ಅದಿಕಾರಿಯಾಯಿತ್ ನೇಮಿಚಿಟ್ಟತ್.