ಆದ್ಯತ್‌ರ ಪುಸ್ತಕ 41:16 - ಕೊಡವ ಬೈಬಲ್

¹⁶ ಅದ್‌ಂಗ್‌ ಯೋಸೇಫ: ಇದ್‌ ನಾಡಗೊಂಡ್‌ ಆಪುಲೆ, ಆಚೇಂಗಿ ದೇವನೇ ಫರೋಹನಂಗ್‌ ಒರ್‌ ನಲ್ಲ ಜವಾಬ್ ತಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 41:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:14

ಅಕ್ಕ ಇಸ್ರಾಯೇಲ್‌ ಅಂವೊಂಗ್: ನೀನ್‌ ಪೋಯಿತ್‌ ನೀಡ ಅಣ್ಣಂಗ ಪಿಂಞ ಆಡ್‌ಕೊರಿಯ ಎನ್ನನೆ ಉಂಡ್‍ೕಂದ್‌ ಅರ್‌ಜಂಡ್, ತಿರಿತ್‌ ಬಂದಿತ್‌ ನಾಕ್‍ ಎಣ್ಣ್‍ೕಂದ್‌ ಎಣ್ಣಿತ್, ಅಂವೊನ ಹೆಬ್ರೋನ್‌ ಕಣಿವೆಯಿಂಜ ಅಯಿಚಿ ಕೊಡ್‌ತತ್. ಅನ್ನನೆ ಯೋಸೇಫ ಶೆಕೆಮ್‌ಕ್‌ ಪೊರ್‌ಟತ್.

ಆದ್ಯತ್‌ರ ಪುಸ್ತಕ 40:8

ಅದ್‌ಂಗ್‌ ಅಯಿಂಗ: ಕಯಿಂಜ ಬಯಿಟ್ ನಂಗ ದಂಡಾಳು ಸ್ವಪ್ನ ಕಂಡತ್. ಅದ್‌ಂಡ ಅರ್ಥ ಎಣ್ಣಿ ತಪ್ಪಯಿಂಗ ಇಲ್ಲಿ ದಾರು ಇಲ್ಲೆಂದ್‌ ಎಣ್ಣ್‌ಚಿ. ಅಕ್ಕ ಯೋಸೇಫ: ಸ್ವಪ್ನತ್‌ರ ಅರ್ಥ ಎಣ್ಣ್‌ವದ್‌ ದೇವಕ್‌ ಕೂಡ್‌ನದ್‌ಂದ್‌ ನಿಂಗಕ್‌ ಗೊತ್ತಿಲ್ಲಯಾ? ನಿಂಗ ಎಂತ ಕಂಡಿರಾಂದ್‌ ನಾಕ್‍ ಎಣ್ಣೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 41:17

ಅಕ್ಕ ಫರೋಹನ ಯೋಸೇಫಂಗ್: ನಾಡ ಸ್ವಪ್ನತ್‌ಲ್‌ ನಾನ್‌ ನೈಲ್‌ ಪೊಳೆರ ಬರಿಲ್‌ ನಿಂದಿತ್‌ಂಜ.

ಆದ್ಯತ್‌ರ ಪುಸ್ತಕ 41:25

ಅಕ್ಕ ಯೋಸೇಫ ಫರೋಹನನ ನೋಟಿತ್: ದಂಡ್‌ ಸ್ವಪ್ನತ್‌ರ ಅರ್ಥವು ಒಂದೇ. ದೇವ ಮಾಡ್‌ವಕುಳ್ಳ ಕಾರ್ಯತ್‌ನ ಫರೋಹನಂಗ್‌ ಕಾಂಬ್‌ಚಿಟ್ಟಿತುಂಡ್.

ಆದ್ಯತ್‌ರ ಪುಸ್ತಕ 41:28

ಇದೇ ನಾನ್‌ ಫರೋಹನಂಗ್‌ ಎಣ್ಣ್‌ವಕಿಂಜ ವಿಷಯ. ದೇವ ತಾನ್‌ ಮಾಡ್‌ವಕುಳ್ಳದ್‌ನ ಫರೋಹನಂಗ್‌ ಕಾಟಿಕೊಡ್‌ತಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:42

ನೀಕ್ ಕ್‍ಟ್ಟ್‌ನ ಈ ಕಾಲತ್‍ಲಾಚೇಂಗಿ, ನೀಡ ಸಮಾದಾನ ಎನ್ನನೆ ಕ್‍ಟ್ಟ್‌ವಾಂದ್ ನೀಕ್ ಗೊತ್ತ್‌ಂಜತೇಂಗಿ ಎಚ್ಚಕ್ ನಲ್ಲದಾಯಿತಿಪ್ಪ, ಆಚೇಂಗಿ ಇಕ್ಕ ಅದ್ ನಿಂಗಕ್ ಒಳ್‍ಪ್‍ಚಿಟ್ಟಿತುಂಡ್.

ಅಪೊಸ್ತಲ 3:12

ಪೇತ್ರ ಇದ್‍ನ ನೋಟಿತ್, ಜನಕ್: ಇಸ್ರಾಯೇಲ್ ಜನಳೇ, ನಿಂಗ ಎನ್ನಂಗ್ ಇದ್‍ನ ನೋಟಿತ್ ಆಶ್ಚರ್ಯ ಪಡುವಿರ? ನಿಂಗ ಎನ್ನಂಗ್ ನಂಗಳ ಇನ್ನನೆ ನೋಟ್‍ವಿರ? ಇಂವೊನ ನಡ್‍ಪನೆಕೆ ಮಾಡ್‍ನದ್, ನಂಗಡ ಸ್ವಂತ ಶಕ್ತಿಯಿಂಜಲು ಅಲ್ಲ, ನಂಗಡ ಬಕ್ತಿಯಿಂಜಲು ಅಲ್ಲ.

ಅಪೊಸ್ತಲ 3:7

ಅಂವೊಂಡ ಬಲ್‌ತೆ ಕೈಯಿನ ಪುಡ್‌ಚಿತ್ ನೇತ್‍ಚಿ. ಅಕ್ಕಲೆ ಅಂವೊಂಡ ಕಾಲ್ ಪಿಂಞ ಕಾಲ್‍ರ ಕರಡ್ ಬಲಪಟ್ಟತ್.

1 ಕೊರಿಂಥ 15:10

ಆಚೇಂಗಿ ನಾನ್ ಇಕ್ಕ ಇಪ್ಪದ್ ದೇವ ನಾಡ ಮೇಲೆ ಕಾಟ್‍ನ ಕೃಪೆ ಮಾತ್ರ. ಅಂವೊ ನಾಡ ಮೇಲೆ ಕಾಟ್‍ನ ಕನಿಕರ ಪಾಳಾಯಿ ಪೋಯಿತ್ತ್‌ಲ್ಲೆ. ಅದ್ಂಡ ಬದ್‍ಲ್ ಅಯಿಂಗ ಎಲ್ಲಾಕಿಂಜ ನಾನ್ ದುಂಬ ಕೆಲಸ ಮಾಡಿಯೆ, ಆಚೇಂಗಿಯು ನನ್ನಗುಂಡ್ ಅನ್ನನೆ ಆಪಕಿಂಜಿಲೆ. ನಾಡ ಮೇಲೆ ಉಳ್ಳ ದೇವಡ ಕೃಪೇನಗುಂಡ್ ನಾನ್ ಅನ್ನನೆ ಮಾಡ್‍ವಕಾಚಿ.

2 ಕೊರಿಂಥ 3:5

ನಂಗಳಾಯಿತ್ ಎಂತಾಚು ಮಾಡ್‌ವಕ್ ಕಯ್ಯೂಂದ್ ಗೇನಮಾಡ್‌ವಕ್ ನಂಗಕ್ ಯೋಗ್ಯತೆ ಇಲ್ಲೆ; ನಂಗಡ ಯೋಗ್ಯತೆ ದೇವಡಯಿಂಜ ಬಂದಂಡುಂಡ್.