ಆದ್ಯತ್‌ರ ಪುಸ್ತಕ 4:20 - ಕೊಡವ ಬೈಬಲ್

²⁰ ಆದಾ ಯಾಬಾಲನ ಪೆತ್ತತ್. ಎತ್ತ್‌ ಕಡ್‌ಚಿಯಳ ಚಾಕಿಯಂಡ್‌ ಗುಡಾರತ್‌ಲ್‌ ಇಪ್ಪಯಿಂಗಕ್‌ ಅಂವೊನೇ ಮೂಲ ವಾಸಿಯಾಚಿ.

ಆದ್ಯತ್‌ರ ಪುಸ್ತಕ 4:20 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 25:27

ಆ ಕುಂಞಿಯ ಬಲ್ಯದಾನ ಪಿಂಞ ಏಸಾವ ನಲ್ಲ ಬೋಟೆಗಾರನಾಯಿತು, ಕಾಡ್‌ಲ್‌ ವಾಸಮಾಡ್‌ವಂವೊನಾಯಿತು ಇಂಜತ್. ಆಚೇಂಗಿ ಯಾಕೋಬ ದುಂಬ ಸಾದು ಮನುಷ್ಯನಾಯಿತು, ಗುಡಾರತ್‌ಲ್‌ ವಾಸಮಾಡ್‌ವಂವೊನಾಯಿತು ಇಂಜತ್.

ಆದ್ಯತ್‌ರ ಪುಸ್ತಕ 4:19

ಲೆಮೆಕ, ಆದಾ ಪಿಂಞ ಚಿಲ್ಲಾ ಎಣ್ಣುವ ದಂಡ್‌ ಪೊಣ್ಣಾಳ್‌ನ ಮಂಗಲ ಕಯಿಚತ್.

ಆದ್ಯತ್‌ರ ಪುಸ್ತಕ 4:2

ಅಲ್ಲಿಂಜ ಅವ ಅಂವೊಂಡ ತಮ್ಮಣನಾನ ಹೇಬೆಲನ ಪೆತ್ತತ್. ಹೇಬೆಲ ಕೊರಿಕಾಪಂವೊನಾಚಿ. ಕಾಯಿನ ವ್ಯವಸಾಯ ಮಾಡ್‌ವಂವೊನಾಚಿ.

ಆದ್ಯತ್‌ರ ಪುಸ್ತಕ 4:21

ಅಂವೊಂಡ ತಮ್ಮಣಂಡ ಪೆದ ಯೂಬಾಲ. ಇಂವೊ ಕಿನ್ನರಿ ಪಿಂಞ ಪಾಂಗೊಳ ಊದುವಯಿಂಗಕ್‌ ಮೂಲ ವಾಸಿಯಾಚಿ.

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

ಇಬ್ರಿಯ 11:9

ನಂಬಿಕೇರ ಮೂಲಕ, ಅಂವೊ ವಾಗ್ದಾನತ್‍ರ ದೇಶತ್‍ಲ್ ಬೋರೆ ದೇಶತ್‍ರಂವೊನೆಕೆ ಇಂಜಂಡ್, ಆ ವಾಗ್ದಾನತ್‍ರ ಬಾದ್ಯತೆಕಾರಳಾನ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗುಡಾರತ್‍ಲ್ ವಾಸ ಮಾಡಿಯಂಡ್ ಇಂಜತ್.