ಆದ್ಯತ್‌ರ ಪುಸ್ತಕ 39:9 - ಕೊಡವ ಬೈಬಲ್

⁹ ಈ ಮನೆಲ್ ನಾಕ್ಯಿಂಜ ಬಲ್ಯಂವೊ ದಾರು ಇಲ್ಲೆ. ನೀನ್‌ ಅಂವೊಂಡ ಪೊಣ್ಣಾಯಿತ್‌ ಉಳ್ಳಾಂಗ್‌ ನಿನ್ನ ಬುಟ್ಟಿತ್‌ ಬೋರೆ ಎಲ್ಲಾಂಡ ಮೇಲೆ ನಾಕ್‍ ಅದಿಕಾರ ತಂದಿತ್. ಇನ್ನನೆ ಇಪ್ಪಕ ಇಂತ ಮೋಸವಾನ ಕಾರ್ಯತ್‌ನ ಮಾಡಿತ್, ಯೆಹೋವಂಗ್‌ ವಿರುದ್ದವಾಯಿತ್‌ ನಾನ್‌ ಎನ್ನನೆ ಪಾಪ ಮಾಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 39:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:13

ಆಚೇಂಗಿ ಸೊದೋಮ್‌ ಪಟ್ಟಣತ್‌ರ ಜನ ಯೆಹೋವಂಡ ಮಿಂಞತ್‌ ಬಾರಿ ದುಷ್ಟಂಗಳು ಪಿಂಞ ಪಾಪ ಮಾಡುವಯಿಂಗಳಾಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 20:3

ಆಚೇಂಗಿ ಬಯಿಟ್ ದೇವ ಅಬೀಮೆಲೆಕಂಡ ಸ್ವಪ್ನತ್‌ಲ್‌ ಬಂದಿತ್: ಆ ಪೊಣ್ಣಾಳ್‌ನಗುಂಡ್‌ ನೀನ್‌ ಚಾವಿಯ. ಅವ ಬೋರೆ ಒಬ್ಬಂಡ ಪೊಣ್ಣಾಯಿತ್‌ ಉಂಡಲ್ಲಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 20:6

ಅದ್‌ಂಗ್‌ ದೇವ: ಅಕ್ಕು ನೀನ್‌ ಇದ್‌ನ ನಲ್ಲ ಮನಸ್ಸ್‌ಲ್‌ ಮಾಡಿತುಳ್ಳಿಯಾಂದ್‌ ನಾಕ್‍ ಗೊತ್ತುಂಡ್. ನೀನ್‌ ನಾಕ್‍ ವಿರೋದವಾಯಿತ್‌ ಪಾಪ ಮಾಡತನೆಕೆ ನಿನ್ನ ತಡ್‌ತಿತ್‌ ಅವಳ ಮುಟ್ಟ್‌ವಕ್‌ ನಾನ್‌ ಬುಟ್ಟಿತ್‌ಲ್ಲೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 20:9

ಅಲ್ಲಿಂಜ ಅಬೀಮೆಲೆಕ ಅಬ್ರಹಾಮನ ಕಾಕಿಚಿಟ್ಟಿತ್: ನೀನ್‌ ನಂಗಕ್‌ ಎಂತ ಕಾರ್ಯ ಮಾಡಿಯಾ? ನಾನ್‌ ನೀಕ್‌ ಎಂತ ತಪ್ಪ್‌ ಮಾಡಿಯೇಂದ್‌ ನೀನ್, ನಾಕ್‍ ಪಿಂಞ ನಾಡ ರಾಜ್ಯತ್‌ರ ಮೇಲೆ ಇಚ್ಚಕ್‌ ಬಲ್ಯ ಪಾಪ ಬಪ್ಪ್‌ಚಿಡ್‌ವಕ್‌ ಇಂಜಿಯೆ? ಮಾಡ್‌ವಕ್ಕಾಗಾಂದ್‌ ಉಳ್ಳ ಕಾರ್ಯತ್‌ನ ನೀನ್‌ ನಾಕ್‍ ಮಾಡಿತುಳ್ಳಿಯಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 24:2

ಇನ್ನನೆ ಇಪ್ಪಕ ಅಬ್ರಹಾಮ ತಾಂಡ ಮನೆಲ್ ಉಳ್ಳಯಿಂಗಡಡೆಲ್‌ ಮುಕ್ಯಂವೊನು, ಅಬ್ರಹಾಮಂಗ್‌ ಉಳ್ಳದ್‌ಲ್‌ ಎಲ್ಲಾಂಗು ಅದಿಕಾರಿಯು ಆಯಿತುಳ್ಳ ತಾಂಡ ಸೇವಕನ ಕಾಕಿತ್: ನೀಡ ಕೈಯಿನ ನಾಡ ತೊಡೆರ ಅಡಿಕ್‌ ಬೆಚ್ಚಿತ್,

ಆದ್ಯತ್‌ರ ಪುಸ್ತಕ 39:10

ಅವ ಯೋಸೇಫಂಡ ಕೂಡೆ ದಿನಾಲು ಇನ್ನನೆ ತಕ್ಕ್‌ ಪರ್‌ಂದಂಡಿಂಜತ್. ಆಚೇಂಗಿಯು ಯೋಸೇಫ ಅವಕ್‌ ಕೆಮಿ ಕೊಡ್‌ಕತೆ, ಅವಡ ಕೂಡೆ ಬುದ್ದ್‌ವಕು, ಅವಡ ಕೂಡೆ ಇಪ್ಪಕು ಒತ್ತಂಡ್‌ತ್‌ಲ್ಲೆ.

ಆದ್ಯತ್‌ರ ಪುಸ್ತಕ 41:40

ನೀನ್‌ ನಾಡ ಅರಮೆನೆಕ್‌ ಅದಿಕಾರಿಯಾತ್‌ಪ್ಪಿಯ. ನೀಡ ತಕ್ಕ್‌ಕ್‌ ನಾಡ ಜನಯೆಲ್ಲಾ ತಗ್ಗಿತ್‌ ನಡ್‌ಪ. ಆಚೇಂಗಿ ಸಿಂಹಾಸನತ್‌ರ ವಿಷಯತ್‌ಲ್‌ ಮಾತ್‌ರ ನಾನ್‌ ನೀಕಿಂಜಿ ಬಲ್ಯಂವೊನಾಯಿತ್‌ಪ್ಪಿ.

ಆದ್ಯತ್‌ರ ಪುಸ್ತಕ 42:18

ಮೂಂದ್‌ನೆ ದಿವಸತ್‌ಲ್‌ ಯೋಸೇಫ ಅಯಿಂಗಳ ನೋಟಿತ್: ನಾನ್‌ ದೇವಕ್‌ ಬೊತ್ತ್‌ವ ಮನುಷ್ಯ. ನಿಂಗ ಜೀವವಾಯಿತ್‌ ಇಪ್ಪಕ್‌ ಒರ್‌ ವಿಷಯ ಮಾಡಿ.

ಜ್ಞಾನತ್‌ರ ಪಡಿಮ 6:29

ಇಂಞೊಬ್ಬಂಡ ಪೊಣ್ಣ್‌ರ ಪಕ್ಕ ಪೋಪಂವೊಂಗು ಇನ್ನನೆ ಆಪ. ಅವಳ ಮುಟ್ಟ್‌ವಂವೊನು ದಂಡನೆಯಿಂಜ ಬಚಾವ್‌ ಆಪುಲೆ.

ಜ್ಞಾನತ್‌ರ ಪಡಿಮ 6:32

ಆಚೇಂಗಿ ಇಂಞೊಬ್ಬಂಡ ಪೊಣ್ಣಾಳ್‌ರ ಕೂಡೆ ವ್ಯಬಿಚಾರ ಮಾಡ್‌ವಂವೊ ಒರ್‌ ದಡ್ಡೆನಾಯಿತುಂಡ್. ಅನ್ನನೆ ಮಾಡ್‌ವಂವೊ ತಾಂಡ ಬದ್‌ಕ್‌ನೇ ನಾಶ ಮಾಡಿಯೊವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:48

ಆಚೇಂಗಿ, ತಾಂಡ ಒಡೆಯಂಡ ಮನಸ್ಸ್ ಗೊತ್ತಿಲ್ಲತೆ ತಪ್ಪ್ ಮಾಡ್‌ವಯಿಂಗಕ್ ಕಮ್ಮಿ ಶಿಕ್ಷೆ ಕ್‍ಟ್ಟುವ. ದೇವ ನಿಂಗಕ್ ದುಂಬ ತಂದಿತುಂಡೇಂಗಿ, ನಿಂಗ ದುಂಬ ಪ್ರತಿಫಲ ತರಂಡೂಂದ್ ಅಂವೊ ಕ್‍ೕಪ. ದೇವ ನಿಂಗಕ್ ಇಂಞು ದುಂಬ ತಂದಿತುಂಡೇಂಗಿ, ನಿಂಗ ಇಂಞು ದುಂಬ ಪ್ರತಿಫಲ ತರಂಡೂಂದ್ ಅಂವೊ ಎಣ್ಣ್‌ಚಿ.

1 ಕೊರಿಂಥ 4:2

ಅನ್ನನೆ ಉಳ್ಳಂವೊ, ಅಂವೊಂಗ್ ಒಪ್ಪ್‌ಚಿಟ್ಟ ವಿಷಯತ್‍ಲ್ ನಂಬಿಕಸ್ತನಾಯಿತ್ ಇಪ್ಪದ್ ಅಂವೊಂಡ ಜವಾಬ್ದಾರಿ ಆಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:10

ಎಜಮಾನಂಡ ಮನೆಲ್ ಒಂದು ಕಳ್ಳತ್ತನ ಮಾಡತೆ, ಎಲ್ಲಾ ವಿಷಯತ್‍ಲು ಎಜಮಾನಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಅಯಿಂಗಕ್ ಬುದ್ದಿ ಎಣ್ಣ್. ಅನ್ನನೆ ಇಂಜತೇಂಗಿ, ನಂಗಡ ರಕ್ಷಕನಾನ ದೇವಡ ಬೋದನೆನ ಕ್‍ೕಪಯಿಂಗ ಎಲ್ಲಾರು ಅದ್ಂಗ್ ಕೆಮಿ ಕೊಡ್‌ತಿತ್ ಮರ್ಯಾದೆ ತಪ್ಪ.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.

1 ಯೋಹಾನ 3:9

ದೇವಡ ಮಕ್ಕಳಾಯಿತ್ ಆನಯಿಂಗ ಪಾಪ ಮಾಡಿಯಂಡೇ ಇಪ್ಪುಲೆ. ಎನ್ನಂಗೆಣ್ಣ್‌ಚೇಂಗಿ, ದೇವಡ ಜೀವ ಅಂವೊಂಡಲ್ಲಿ ಬೇರ್‌ರೂರಿ ಪೋಯಿತುಂಡ್ ಪಿಂಞ ದೇವ ಅಯಿಂಗಡ ಅಪ್ಪನಾನಗುಂಡ್ ಪಾಪ ಮಾಡಿಯಂಡೇ ಇಪ್ಪಕ್ ಕಯ್ಯುಲೆ.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.

ಪ್ರಕಟನೆ 22:15

ನಾಯಿಂಗ, ಮಾಟಮಂತ್ರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ಕೊಲೆಮಾಡ್‍ವಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ಪೊಟ್ಟ್ ಪರಿಯುವಕ್ ಕುಶಿಪಟ್ಟಿತ್, ಅದ್ಂಡ ಪ್ರಕಾರ ಮಾಡ್‌ವಯಿಂಗ ಎಲ್ಲಾರು ಪಟ್ಟಣತ್‍ರ ಪೊರಮೆ ಇಪ್ಪ.