ಆದ್ಯತ್‌ರ ಪುಸ್ತಕ 39:5 - ಕೊಡವ ಬೈಬಲ್

⁵ ಯೋಸೇಫಂಡ ಕೈಕ್‌ ಎಲ್ಲಾನ ಒಪ್ಪ್‌ಚಿಟ್ಟಪಿಂಞ ಯೆಹೋವ ಯೇಸೇಫಂಡ ಮೂಲಕ ಪೋಟಿಫರಂಡ ಮನೆನ ಆಶೀರ್ವಾದ ಮಾಡ್‌ಚಿ. ಮನೇಲ್‌ ಪಿಂಞ ಪೊರ್ಮೆ ಉಳ್ಳದ್‌ಲ್‌ ಪೋಟಿಫರಂಗ್‌ ಕೂಡ್‌ನ ಎಲ್ಲಾಂಡ ಮೇಲೆ ಯೆಹೋವಂಡ ಆಶೀರ್ವಾದ ಇಂಜತ್.

ಆದ್ಯತ್‌ರ ಪುಸ್ತಕ 39:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:2

ನಾನ್‌ ನಿನ್ನ ಬಲ್ಯ ಜನಾಂಗವಾಯಿತ್‌ ಮಾಡುವಿ. ನಾನ್‌ ನಿನ್ನ ಆಶೀರ್ವಾದ ಮಾಡಿತ್, ನೀಡ ಪೆದತ್‌ನ ಬಲ್ಯದ್‌ ಮಾಡುವಿ; ನೀನ್‌ ನೇರಾಯಿತು ಆಶೀರ್ವಾದ ಬಡಂತವನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 19:29

ಆಚೇಂಗಿ, ಯೆಹೋವ ಆ ಸಮತಟ್ಟ್‌ ಬೂಮಿಲ್‌ ಉಳ್ಳ ಪಟ್ಟಣತ್‌ನೆಲ್ಲಾ ನಾಶಮಾಡುವಕ ಅಬ್ರಹಾಮಂಡ ಕೋರಿಕೆನ ಗೇನಮಾಡಿತ್, ಲೋಟ ವಾಸಮಾಡಿಯಂಡಿಂಜ ಪಟ್ಟಣಂಗಕ್‌ ಬಂದ ಕ್‍ೕಡಿಂಜ ಲೋಟ ತಪ್ಪಿಚಿಡ್‌ವನೆಕೆ ಅಂವೊನ ಅಯಿಚಿರ್‌ತ್.

ಆದ್ಯತ್‌ರ ಪುಸ್ತಕ 30:27

ಆಚೇಂಗಿ ಲಾಬಾನ: ನೀಡ ಕಣ್ಣ್‌ಲ್‌ ನಾಕ್‍ ದಯೆ ಕ್‌ಟ್ಟಿತುಂಡೇಂಗಿ ನನ್ನ ಬುಟ್ಟಿತ್‌ ಪೋಕತೆ. ನೀಡಗುಂಡ್‌ ಯೆಹೋವ ನನ್ನ ಆಶೀರ್ವಾದ ಮಾಡಿತುಂಡ್‍ೕಂದ್‌ ನಾಕ್‍ ಸೂಷ್ಮತ್‌ಲ್‌ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಅಪೊಸ್ತಲ 27:24

ನೀನ್ ಬೊತ್ತತೆ, ನೀನ್ ಕೈಸರಂಡ ಮಿಂಞ ನಿಪ್ಪಿಯ. ನೋಟ್, ನೀಡ ಕೂಡೆ ಈ ಹಡಗ್‍ಲ್ ಪ್ರಯಾಣ ಮಾಡ್‌ವಯಿಂಗಡ ಪ್ರಾಣತ್‍ನ, ದೇವ ನೀಡ ಮೇಲೆ ಉಳ್ಳ ಕೃಪೆಯಿಂಜ ಕಾಪಾಡ್‌ವಾಂದ್ ನಾಡ ಪಕ್ಕ ಎಣ್ಣ್‌ಚಿ.

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.