ಆದ್ಯತ್‌ರ ಪುಸ್ತಕ 38:29 - ಕೊಡವ ಬೈಬಲ್

²⁹ ಆಚೇಂಗಿ ಕುಂಞಿ ಕೈನ ಬಯ್ಯಕ್‌ ಒಳಕ್‌ ಎಡ್‍ತಂಡತ್. ಇಂಞೊರ್‌ ಕುಂಞಿ ಮಿಂಞ ಪುಟ್ಟ್‌ಚಿ. ಅಕ್ಕ ಆ ಆರೈಕೆಕಾರ್ತಿ: ನೀನ್‌ ಎನ್ನನೆ ಮೀರಿಯಂಡ್‌ ಮಿಂಞ ಬಂದಿಯೇಂದ್‌ ಎಣ್ಣಿತ್‌ ಅಂವೊಂಗ್‌ ಪೆರೆಚ್‍ ಎಣ್ಣಿಯಂಡ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 38:29 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 38:28

ಅವ ಪೆರುವಕ ಒರ್‌ ಕುಂಞಿ ಕೈನ ಪೊರಮೆ ನ್‍ೕಟ್‌ಚಿ. ಅಕ್ಕ ಆರೈಕೆಕಾರ್ತಿ ಆ ಕುಂಞಿರ ಕೈನ ಪುಡ್‌ಚಿತ್‌ ಚೋಂದನೂಲ್‌ನ ಕೆಟ್ಟಿತ್: ಈ ಕುಂಞಿ ಆದ್ಯ ಪುಟ್ಟ್‌ಚೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 46:12

ಯೆಹೂದಂಡ ಮಕ್ಕ ಏರ, ಓನಾನ, ಶೇಲಾಹ, ಪೆರೆಚ, ಜೆರಹ ಎಣ್ಣುವಯಿಂಗಳೇ. ಇಯಂಗಡಲ್ಲಿ ಏರ್‌ ಪಿಂಞ ಓನಾನ ಕಾನಾನ್‌ ದೇಶತ್‌ಲ್‌ ಚತ್ತ್‌ ಪೋಚಿ. ಪೆರೆಚಂಡ ಮಕ್ಕ ಹೆಚ್ರೋನ, ಹಾಮೂಲ ಎಣ್ಣುವಯಿಂಗಳೇ.

ಮತ್ತಾಯ 1:3

ಯೂದ ತಾಮಾರ ಎಣ್ಣುವ ಪೊಣ್ಣಾಳ್‍ರಗುಂಡ್ ಪೆರೆಚ ಪಿಂಞ ಜೆರಹನನ ಪೆತ್ತತ್. ಪೆರೆಚಂಡ ಮೋಂವೊ ಹೆಚ್ರೋಮ. ಹೆಚ್ರೋಮಂಡ ಮೋಂವೊ ಅರಾಮ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:33

ನಹಸ್ಸೋನ ಅಮ್ಮಿನಾದಾಂಡ ಮೋಂವೊ; ಅಮ್ಮಿನಾದಾ ಅರಾಮಂಡ ಮೋಂವೊ; ಆರಾಮ ಎಸ್ರೋನಂಡ ಮೋಂವೊ; ಎಸ್ರೋನ ಪೆರೇಸಂಡ ಮೋಂವೊ; ಪೆರೇಸ ಯೂದಂಡ ಮೋಂವೊ; ಯೂದ ಯಾಕೋಬಂಡ ಮೋಂವೊ;