ಆದ್ಯತ್‌ರ ಪುಸ್ತಕ 38:25 - ಕೊಡವ ಬೈಬಲ್

²⁵ ಅವಳ ಕೊಲ್ಲ್‌ವಕ್‌ ಅಯಿಂಗ ಪೊರ್ಮೆ ಕಾಕಿಯಂಡ್‌ ಬಪ್ಪಕ, ಅವ ತಾಂಡ ಮಾಂವಂಗ್, ಅಡೆ ಬೆಚ್ಚ ವಸ್ತುನೆಲ್ಲ ಅಯಿಚಿತ್: ಈ ವಸ್ತುಯೆಲ್ಲ ದಾಡದೋ, ಅಂವೊಂಡಗುಂಡ್‌ ನಾನ್‌ ಕುಳುಮೆಕಾರ್ತಿಯಾನ. ಈ ಮುದ್ರೆರ ಮೋಯಿರ, ದಾರ ಪಿಂಞ ಈ ಕೋಲ್‌ ದಾಡದ್‍ೕಂದ್‌ ನೋಟ್ೕಂದ್‌ ಎಣ್ಣಿತ್‌ ಅಯಿಚತ್.

ಆದ್ಯತ್‌ರ ಪುಸ್ತಕ 38:25 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:32

ಆ ಚಾಯಿ ರಂಗ್‌ರಂಗ್‌ರ ಅಂಗಿನ ಅಪ್ಪಂಡ ಪಕ್ಕ ಎಡ್‌ತಂಡ್‌ ಪೋಯಿತ್: ಇದ್‌ ನಂಗಕ್‌ ಬೇಲ್‌ಲ್‌ ಕ್‌ಟ್ಟ್‌ಚಿ. ಇದ್‌ ನೀಡ ಮೋಂವೊ ಯೋಸೇಫಂಡ ಬಟ್ಟೆಯಾಂದ್‌ ನೋಟ್ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 38:18

ಅದ್‌ಂಗ್‌ ಅಂವೊ: ನಾನ್‌ ಎಂತನ ಅಡೆ ಬೆಕ್ಕಂಡೂಂದ್‌ ಕ್‍ೕಟತ್. ಅದ್‌ಂಗ್‌ ಅವ: ನೀಡ ಮುದ್ರೆರ ಮೋಯಿರ, ನೀಡ ಮಾಲೆ ಪಿಂಞ ನೀಡ ಕೈಯಿಲ್‌ ಉಳ್ಳ ಕೋಲ್‌ನ ತಾಂದ್‌ ಎಣ್ಣ್‌ಚಿ. ಯೆಹೂದ ಇದನೆಲ್ಲ ಅವಕ್‌ ಕೊಡ್‌ತಿತ್, ಅವಡ ಕೂಡೆ ಕೂಡ್‌ಚಿ. ಆನಗುಂಡ್‌ ಅವ ಕೆಲಕಾರ್ತಿಯಾಚಿ.

ರೋಮ್ 2:16

ಇದ್, ನಾನ್ ಎಣ್ಣುವ ದೇವಡ ನಲ್ಲ ಸುದ್ದಿರನೆಕೆ, ದೇವ ಯೇಸು ಕ್ರಿಸ್ತಂಡ ಮೂಲಕ ಮನುಷ್ಯಂಗಡ ಗುಟ್ಟ್‌ನೆಲ್ಲ ನ್ಯಾಯತೀರ್ಪ್ ಮಾಡ್‌ವ ದಿವಸತ್‍ಲ್ ಆಪ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

ಪ್ರಕಟನೆ 20:12

ಚತ್ತಯಿಂಗಳಾನ ಚೆರಿಯಯಿಂಗಳ, ಬಲ್ಯಯಿಂಗಳ, ದೇವಡ ಸಿಂಹಾಸನತ್‍ರ ಎದ್‍ಕೆ ನಿಂದಿತುಳ್ಳಾನ ಕಂಡಿಯೆ. ಅಕ್ಕ ಪುಸ್ತಕ ಎಲ್ಲಾ ತೊರ್ಂದತ್, ಅಲ್ಲಿಂಜ ಜೀವ ಪುಸ್ತಕ ಎಣ್ಣುವ ಬೋರೆ ಒರ್ ಪುಸ್ತಕವು ತೊರ್ಂದತ್; ಅಕ್ಕ ಆ ಪುಸ್ತಕತ್‍ಲ್ ಒಳ್‍ದಿತುಳ್ಳನೆಕೆ, ಚತ್ತಯಿಂಗಕ್ ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.