ಆದ್ಯತ್‌ರ ಪುಸ್ತಕ 38:2 - ಕೊಡವ ಬೈಬಲ್

² ಅಲ್ಲಿ ಅಂವೊ ಒರ್‌ ಕಾನಾನ್ಯನಾನ ಶೂಗ ಎಣ್ಣುವಂವೊಂಡ ಮೋವಳ ಕಂಡಿತ್, ಅವಳ ಮಂಗಲ ಕಯಿಚಿತ್, ಅವಡ ಕೂಡೆ ಕೂಡ್‌ಚಿ.

ಆದ್ಯತ್‌ರ ಪುಸ್ತಕ 38:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:3

ನೀನ್, ನಾಡ ಮೋಂವೊಂಗ್‌ ನಾನ್‌ ವಾಸಮಾಡಿಯಂಡುಳ್ಳ ಕಾನಾನ್‌ ದೇಶತ್‌ಂಜ ಮೂಡಿನ ಕೊಂಡ ಬಪ್ಪ್‌ಲೇಂದ್, ಬಾನಕು ಬೂಮಿಕು ದೇವನಾಯಿತುಳ್ಳ ಯೆಹೋವಂಡ ಮೇಲೆ ಆಣೆ ಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 28:1

ಅಕ್ಕ ಇಸಾಕ ಯಾಕೋಬನ ಕಾಕಿತ್‌ ಅಂವೊನ ಆಶೀರ್ವಾದ ಮಾಡಿತ್: ನೀನ್‌ ಕಾನಾನಿಯರಡ ಮೂಡಿಯಳ ಮಂಗಲ ಕಯಿಪಕ್ಕಾಗ.

ಆದ್ಯತ್‌ರ ಪುಸ್ತಕ 3:6

ಅಕ್ಕ ಆ ಪೊಣ್ಣಾಳ್‌ಕ್, ಈ ಮರತ್‌ರ ಪಣ್ಣ್‌ ತಿಂಬಕ್‌ ನಲ್ಲದಾಯಿತು, ನೋಟ್‌ವಕ್‌ ಚಾಯಿ ಉಂಡ್‍ೕಂದು, ಅವಕ್‌ ಜ್ಞಾನ ಕ್‌ಟ್ಟ್‌ವಕ್‌ ಅದ್‌ ಬೋಂಡ್‍ೕಂದು ಗೊತ್ತಾಯಿತ್, ಅದ್‌ನ ಪರಿಚಿತ್‌ ಅವ ತಿಂದತ್. ಅವಡ ವಡಿಯಂಗು ಕೊಡ್‌ಪಕ, ಅಂವೊನು ಅದನ ತಿಂದತ್.

ಆದ್ಯತ್‌ರ ಪುಸ್ತಕ 34:2

ಆಚೇಂಗಿ, ಅಲ್ಲಿಯತ್‌ರ ಪ್ರಭುವಾಯಿತಿಂಜ ಹಿವ್ವಿಯನಾನ ಹಮೋರಂಡ ಮೋಂವೊನಾನ ಶೆಕೆಮ ಅವಳ ಕಂಡಿತ್, ಅವಳ ಕಾಕಿಯಂಡ್‌ ಪೋಯಿತ್‌ ಅವಡ ಕೂಡ ಬುದ್ದಿತ್, ಅವಳ ಅವಮಾನ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 46:12

ಯೆಹೂದಂಡ ಮಕ್ಕ ಏರ, ಓನಾನ, ಶೇಲಾಹ, ಪೆರೆಚ, ಜೆರಹ ಎಣ್ಣುವಯಿಂಗಳೇ. ಇಯಂಗಡಲ್ಲಿ ಏರ್‌ ಪಿಂಞ ಓನಾನ ಕಾನಾನ್‌ ದೇಶತ್‌ಲ್‌ ಚತ್ತ್‌ ಪೋಚಿ. ಪೆರೆಚಂಡ ಮಕ್ಕ ಹೆಚ್ರೋನ, ಹಾಮೂಲ ಎಣ್ಣುವಯಿಂಗಳೇ.

ಆದ್ಯತ್‌ರ ಪುಸ್ತಕ 6:2

ದೇವಡ ಗುಣಕ್‌ ಕೂಡ್‌ನ ಕ್‌ಣ್ಣ ಮಕ್ಕ, ಈ ಲೋಕತ್‌ರ ಗುಣಕ್‌ ಕೂಡ್‌ನ ಮೂಡಿಯ ಕಾಂಬಕ್‌ ಚಾಯ ಉಂಡ್‍ೕಂದ್‌ ಕಂಡಿತ್, ಅಯಿಂಗಕ್‌ ಕುಶಿಯಾನ ಮೂಡಿಯಳ ಅಯಿಂಗಕಯಿಂಗಕ್‌ ಪೊಣ್ಣಾಯಿತ್‌ ಗೊತ್ತ್‌ ಮಾಡಿಯಂಡತ್.

ಆದ್ಯತ್‌ರ ಪುಸ್ತಕ 6:4

ಆ ಕಾಲತ್‌ ಲೋಕತ್‌ಲ್‌ ರಾಕ್‌ಶಸ ಮನುಷ್ಯಂಗ ಇಂಜತ್. ಅಲ್ಲಿಯಿಂಜ, ದೇವಡ ಗುಣಕ್‌ ಕೂಡ್‌ನಯಿಂಗ ಈ ಲೋಕತ್‌ರ ಗುಣಕ್‌ ಕೂಡ್‌ನ ಮೂಡಿಯಡ ಕೂಡೆ ಕೂಡ್‌ನಗುಂಡ್‌ ಅಯಿಂಗಕ್‌ ಪುಟ್ಟ್‌ನ ಮಕ್ಕ ಸಹ ಆ ಕಾಲತ್‌ಲ್‌ ಈ ಬೂಮಿರ ಮೇಲೆ ಬಲ್ಯ ಜನಳು ಶಕ್ತಿವಂತಯಿಂಗಳು ಆಯಿತ್‌ಂಜತ್.

2 ಕೊರಿಂಥ 6:14

ಕ್ರಿಸ್ತನ ನಂಬತಯಿಂಗಡ ಕೂಟ್‌ಲ್ ಕೂಡಿತ್ ಸಮವಲ್ಲತ ನೊಗತ್‌ನ ಪೊರ್‍ಕತೆ ಇರಿ. ನೀತಿಕು ಅನೀತಿಕು ಎಂತ ಸಂಬಂದ? ಬೊಳಿಕು ಇರ್‌ಟ್‌ಕು ಎಂತ ಸಂಬಂದ?