ಆದ್ಯತ್‌ರ ಪುಸ್ತಕ 37:9 - ಕೊಡವ ಬೈಬಲ್

⁹ ಯೋಸೇಫ ಇಂಞೊರ್‌ ಸ್ವಪ್ನ ಕಂಡಿತ್, ತಾಂಡ ಅಣ್ಣಂಗಡ ಪಕ್ಕ ಬಂದಿತ್: ನಾನ್‌ ಇಂಞು ಒರ್‌ ಸ್ವಪ್ನತ್‌ನ ಕಂಡ; ಸೂರ್ಯ ಚಂದ್ರ ಪಿಂಞ ಪನ್ನಂದ್‌ ಬಾನತ್ಮೀನ್‌ ನಾಡ ಮಿಂಞ ಅಡ್ಡ ಬುದ್ದತ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 37:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:3

ಆಚೇಂಗಿ ಬಯಿಟ್ ದೇವ ಅಬೀಮೆಲೆಕಂಡ ಸ್ವಪ್ನತ್‌ಲ್‌ ಬಂದಿತ್: ಆ ಪೊಣ್ಣಾಳ್‌ನಗುಂಡ್‌ ನೀನ್‌ ಚಾವಿಯ. ಅವ ಬೋರೆ ಒಬ್ಬಂಡ ಪೊಣ್ಣಾಯಿತ್‌ ಉಂಡಲ್ಲಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 37:10

ಈ ಸ್ವಪ್ನತ್‌ನ ತಾಂಡ ಅಪ್ಪಂಗು ಅಣ್ಣಂಗಕು ಎಣ್ಣ್‌ವಕ, ಅಂವೊಂಡ ಅಪ್ಪ ಅಂವೊನ ನೋಟಿತ್: ನೀನ್‌ ಎಂತಾ ಸ್ವಪ್ನ ಕಂಡಿಯಾ? ನಾನು, ನೀಡ ಅವ್ವಳು, ನೀಡ ಅಣ್ಣತಮ್ಮಣಂಗಳು ನೀಡ ಮಿಂಞತ್‌ ಅಡ್ಡ ಬೂವಾಂದ್‌ ಎಣ್ಣಿಯಂಡುಳ್ಳಿಯಾಂದ್‌ ಕ್‍ೕಟಿತ್‌ ಅಂವೊನ ಬಜ್ಜತ್.

ಆದ್ಯತ್‌ರ ಪುಸ್ತಕ 37:7

ನಂಗೆಲ್ಲಾರು ಬೇಲ್‌ಲ್‌ ಕದ್‌ನ ಕೆಟ್ಟಿಯಂಡಿಂಜತ್. ಅಕ್ಕ ನಾಡ ಕೆಟ್ಟ್‌ ಎದ್ದ್ ನಿಂದತ್. ಅದಾ, ನಿಂಗಡ ಕೆಟ್ಟ್‌ಯೆಲ್ಲ ಸುತ್ತ್‌ ಕೂಡಿತ್‌ ನಾಡ ಕೆಟ್ಟ್‌ರ ಮಿಂಞತ್‌ ಅಡ್ಡ ಬುದ್ದತ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 37:8

ಅದ್‌ಂಗ್‌ ಅಂವೊಂಡ ಅಣ್ಣಂಗ ಅಂವೊನ ನೋಟಿತ್: ನೀನ್‌ ನಂಗಳ ಆಳ್‌ವಿಕೆ ಮಾಡ್‌ವಿಯಾ? ನೀನ್‌ ನಂಗಳ ಅಡಕ್‌ವಿಯಾಂದ್‌ ಎಣ್ಣಿತ್, ಅಂವೊ ಕಂಡ ಸ್ವಪ್ನಕಾಯಿತು ಅಂವೊ ಅನ್ನನೆ ಎಣ್ಣ್‌ನಂಗಾಯಿತು ಅಯಿಂಗ ಅಂವೊನ ಇಂಞು ದ್ವೇಶ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 41:25

ಅಕ್ಕ ಯೋಸೇಫ ಫರೋಹನನ ನೋಟಿತ್: ದಂಡ್‌ ಸ್ವಪ್ನತ್‌ರ ಅರ್ಥವು ಒಂದೇ. ದೇವ ಮಾಡ್‌ವಕುಳ್ಳ ಕಾರ್ಯತ್‌ನ ಫರೋಹನಂಗ್‌ ಕಾಂಬ್‌ಚಿಟ್ಟಿತುಂಡ್.

ಆದ್ಯತ್‌ರ ಪುಸ್ತಕ 41:32

ಫರೋಹನಂಗ್‌ ದಂಡ್‌ ಕುರಿ ಈ ಸ್ವಪ್ನ ಬುದ್ದಗುಂಡ್, ಈ ಕಾರ್ಯತ್‌ನ ದೇವ ಕಂಡಿತವಾಯಿತ್‌ ಮಾಡ್‌ವಾಂದು, ಬೆರಿಯ ಮಾಡ್‌ವಾಂದು ನಿಂಗಕ್‌ ಗೊತ್ತಿರಡ್.

ಆದ್ಯತ್‌ರ ಪುಸ್ತಕ 42:6

ಯೋಸೇಫ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ಂಜತ್. ಅಂವೊನೇ ಆ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿಯಂಡಿಂಜತ್. ಯೋಸೇಫಂಡ ಅಣ್ಣತಮ್ಮಣಂಗ ಅಂವೊಂಡ ಪಕ್ಕ ಬಂತಿತ್, ಅಂವೊಂಡ ಮಿಂಞ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 43:26

ಯೋಸೇಫ ಮನೆಕ್‌ ಬಂದದು ಅಯಿಂಗ ಅಯಿಂಗಡ ಕೈಯಿಲ್‌ ಬೆಚ್ಚಂಡಿಂಜ ಇನಾಮ್‌ನ ಮನೆರ ಒಳ್‌ಕ್‌ ಎಡ್‌ತ ಬಂತ್, ಅಂವೊಂಗ್‌ ಕೊಡ್‌ತಿತ್, ಅಂವೊಂಡ ಮಿಂಞತ್‌ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 43:28

ಅದ್‌ಂಗ್‌ ಅಯಿಂಗ: ಅಕ್ಕು, ನೀಡ ಸೇವಕನಾನ ನಂಗಡ ಅಪ್ಪ ಚಾಯಿತೆ ಉಂಡ್. ಅಂವೊ ಬದ್‌ಕಿತುಂಡ್‍ೕಂದ್‌ ಎಣ್ಣಿತ್, ಪುನಃ ಅಂವೊಂಗ್‌ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 44:14

ಯೆಹೂದ ಪಿಂಞ ಅಂವೊಂಡ ಅಣ್ಣತಮ್ಮಣಂಗ ಯೋಸೇಫಂಡ ಮನೆಕ್‌ ಪೋಚಿ. ಅಲ್ಲಿಕತ್ತನೆ ಯೋಸೇಫ ಮನೆಲ್ ಇಂಜತ್. ಅಯಿಂಗೆಲ್ಲಾರು ಅಂವೊಂಗ್‌ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 44:19

ಸ್ವಾಮಿ, ನಿಂಗಕ್‌ ಅಪ್ಪ ಪಿಂಞ ತಮ್ಮಣ ಉಂಡಾಂದ್‌ ಕ್‍ೕಟಿರ.

ಆದ್ಯತ್‌ರ ಪುಸ್ತಕ 45:9

ನಿಂಗ ಬೆರಿಯ ನಾಡ ಅಪ್ಪಂಡ ಪಕ್ಕ ಪೋಯಿತ್: ದೇವ ನನ್ನ ಇಡೀ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ ಮಾಡಿತ್. ತಡೆಮಾಡತೆ ನೀನ್‌ ಇಕ್ಕಲೆ ನಾಡ ಪಕ್ಕ ಬಾ.

ಆದ್ಯತ್‌ರ ಪುಸ್ತಕ 46:29

ಯೋಸೇಫ ತಾಂಡ ರಥತ್‌ನ ತಯಾರ್‌ ಮಾಡಿತ್, ತಾಂಡ ಅಪ್ಪನಾನ ಇಸ್ರಾಯೇಲ್‌ನ ಕಾಂಬಕ್‌ ಗೋಷೆನ್‌ ಊರ್‌ಕ್‌ ಪೋಯಿತ್, ಅಲ್ಲಿ ಅಂವೊಂಡ ಅಪ್ಪನ ಕಂಡಿತ್, ಅಂವೊನ ತಬ್ಬಿಯಂಡ್‌ ದುಂಬ ನೇರ ಮೊರ್‌ಟತ್.

ಆದ್ಯತ್‌ರ ಪುಸ್ತಕ 47:12

ಯೋಸೇಫ ತಾಂಡ ಅಪ್ಪಂಗು, ಅಣ್ಣತಮ್ಮಣಂಗಕು, ತಾಂಡ ಅಪ್ಪಂಡ ಮನೆಕಾರ ಎಲ್ಲಾರ್‌ಕು ಅಯಿಂಗಯಿಂಗಡ ಕುಟುಂಬಕ್‌ ಬೋಂಡಿಯಾನ ಆಹಾರತ್‌ನ ಕೊಡ್‌ತತ್.

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.