6 ಯೋಸೇಫ ಅಯಿಂಗಕ್: ನಾನ್ ಕಂಡ ಸ್ವಪ್ನತ್ನ ಕ್ೕಳಿ.
ಒರ್ ಬಯಿಟ್ ಯೋಸೇಫ ಒರ್ ಸ್ವಪ್ನ ಕಂಡಿತ್, ಅದ್ನ ತಾಂಡ ಅಣ್ಣತಮ್ಮಣಂಗಕ್ ಎಣ್ಣ್ಚಿ. ಅಯಿಂಗ ಅದ್ನ ಕ್ೕಟಿತ್ ಅಂವೊನ ಇಂಞು ದುಂಬ ದ್ವೇಶ ಮಾಡ್ಚಿ.
ನಂಗೆಲ್ಲಾರು ಬೇಲ್ಲ್ ಕದ್ನ ಕೆಟ್ಟಿಯಂಡಿಂಜತ್. ಅಕ್ಕ ನಾಡ ಕೆಟ್ಟ್ ಎದ್ದ್ ನಿಂದತ್. ಅದಾ, ನಿಂಗಡ ಕೆಟ್ಟ್ಯೆಲ್ಲ ಸುತ್ತ್ ಕೂಡಿತ್ ನಾಡ ಕೆಟ್ಟ್ರ ಮಿಂಞತ್ ಅಡ್ಡ ಬುದ್ದತ್ೕಂದ್ ಎಣ್ಣ್ಚಿ.
ಯೋಸೇಫ ಅಯಿಂಗಡ ವಿಷಯತ್ ಕಂಡ ದಂಡ್ ಸ್ವಪ್ನತ್ನ ಗೇನ ಮಾಡಿತ್, ಅಯಿಂಗಳ ನೋಟಿತ್: ನಿಂಗ ಗುಪ್ತಚಾರಂಗ. ನಂಗಡ ದೇಶ ಎಚ್ಚಕ್ ಬಲಹೀನವಾಯಿತುಂಡ್ೕಂದ್ ನೋಟ್ವಕ್ ಬಂದಿತುಳ್ಳಿರಾಂದ್ ಎಣ್ಣ್ಚಿ.
ಅಕ್ಕ ಯೆಹೂದ ಅಂವೊಂಡ ಪಕ್ಕ ಬಂದಿತ್: ಸ್ವಾಮಿ, ನಾನ್ ನಿಂಗಡ ಕೂಡೆ ತಕ್ಕ್ ಪರಿಯುವಕ್ ನನ್ನ ಬುಡೀಂದ್ ಬೋಡುವಿ. ನಿಂಗಡ ಆಳ್ರ ಮೇಲೆ ಚೆಡಿ ಮಾಡತಿ. ನಿಂಗ ಫರೋಹನಂಗ ಸರಿಸಮವಾಯಿತ್ ಉಳ್ಳಿರ.