ಆದ್ಯತ್‌ರ ಪುಸ್ತಕ 37:4 - ಕೊಡವ ಬೈಬಲ್

⁴ ಆಚೇಂಗಿ ಅಂವೊಂಡ ಅಣ್ಣತಮ್ಮಣಂಗಕ್‌ ಅಯಿಂಗಡ ಅಪ್ಪ ಅಯಿಂಗಕಿಂಜ ಅಂವೊನ ದುಂಬ ಪ್ರೀತಿಮಾಡಿಯಂಡುಂಡ್‍ೕಂದ್‌ ಗೊತ್ತಾಯಿತ್, ಯೋಸೇಫನ ದ್ವೇಶ ಮಾಡಿತ್, ಅಯಿಂಗಕ್‌ ಅಂವೊಂಡ ಕೂಡೆ ಸಮಾದಾನತ್‌ಲ್‌ ತಕ್ಕ್‌ ಪರಿಯುವಕ್‌ ಕಯಿಂಜ್‌ತ್‌ಲ್ಲೆ.

ಆದ್ಯತ್‌ರ ಪುಸ್ತಕ 37:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 27:41

ಅಂವೊಂಡ ಅಪ್ಪ ಯಾಕೋಬನ ಆಶೀರ್ವಾದ ಮಾಡ್‍ನಗುಂಡ್, ಅಂದಿಂಜ ಏಸಾವ, ಯಾಕೋಬಂಡ ಮೇಲೆ ಪಗೆ ಬೆಚ್ಚಂಡ್, ತಾಂಡ ಮನಸ್ಸ್‌ಲ್: ನಾಡ ಪಪ್ಪ ಬೆರಿಯ ಚತ್ತ್‌ ಪೋಪ. ಅಕ್ಕ ನಾನ್‌ ಯಾಕೋಬನ ಕೊಂದ್ರುವಾಂದ್‌ ಗೇನ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 37:11

ಯೋಸೇಫಂಡ ಅಣ್ಣಂಗ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ಪಟ್ಟತ್. ಆಚೇಂಗಿ ಅಂವೊಂಡ ಅಪ್ಪ ಅಂವೊ ಕಂಡ ಸ್ವಪ್ನ ಎಂತ ಆಯಿತಿಕ್ಕೂಂದ್‌ ಗೇನ ಮಾಡಿಯಂಡಿಂಜತ್.

ಆದ್ಯತ್‌ರ ಪುಸ್ತಕ 37:5

ಒರ್‌ ಬಯಿಟ್ ಯೋಸೇಫ ಒರ್‌ ಸ್ವಪ್ನ ಕಂಡಿತ್, ಅದ್‌ನ ತಾಂಡ ಅಣ್ಣತಮ್ಮಣಂಗಕ್‌ ಎಣ್ಣ್‌ಚಿ. ಅಯಿಂಗ ಅದ್‌ನ ಕ್‍ೕಟಿತ್‌ ಅಂವೊನ ಇಂಞು ದುಂಬ ದ್ವೇಶ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 4:5

ಆಚೇಂಗಿ ಅಂವೊ ಕಾಯಿನನ ಪಿಂಞ ಅಂವೊಂಡ ಕಾಣಿಕೆನ ಸ್ವೀಕಾರ ಮಾಡಿತ್‌ಲೆ. ಇದ್‌ಂಗಾಯಿತ್‌ ಕಾಯಿನಂಗ್‌ ದುಂಬ ಚೆಡಿ ಬಂತ್‌ ಅಂವೊಂಡ ಮೂಡ್‌ ಚಪ್ಪೆ ಪುಡ್‌ಚಿತ್.

ಆದ್ಯತ್‌ರ ಪುಸ್ತಕ 49:23

ಬಿಲ್ಲ್‌ಗಾರಂಗ ಅಂವೊನ ದುಂಬ ದುಃಖ ಪಡ್‌ತ್‌ಚಿ, ಅಂವೊಂಡ ಮೇಲೆ ಬಾಣ ಬುಟ್ಟಿತ್, ಅಂವೊನ ದ್ವೇಶ ಮಾಡ್‌ಚಿ.

ಮಾರ್ಕ 3:25

ಅನ್ನನೆ ಒರ್ ಕುಟುಂಬತ್‍ಲ್ ಉಳ್ಳಯಿಂಗ ಅಯಿಂಗಯಿಂಗಳೇ ಜಗಳ ಮಾಡಿಯಂಡ್ ಇಂಜತೇಂಗಿ ಆ ಕುಟುಂಬ ಒಡಂದ್ ಪೋಪಲ್ಲಾ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.

1 ಯೋಹಾನ 2:11

ಆಚೇಂಗಿ ಒಬ್ಬ ಅಂವೊಂಡ ಅಣ್ಣತಮ್ಮಣಂಗಕ್ ವಿರೋದ ಮಾಡ್‍ಚೇಂಗಿ ಅಂವೊ ಇರ್‌ಟ್‌ಲ್ ಇಂಜಂಡ್ ಇರ್‌ಟ್‌ಲೇ ನಡ್ಂದಂಡುಂಡ್. ಇರ್‌ಟ್ ಅಂವೊಂಡ ಕಣ್ಣ್‌ನ ಕಾಂಗತನೆಕೆ ಮಾಡ್‍ನಗುಂಡ್, ಅಂವೊ ಎಲ್ಲಿಕ್ ಪೋಪಾಂದ್ ಗೊತ್ತಿಪ್ಪುಲೆ.

1 ಯೋಹಾನ 3:10

ಇನ್ನನೆ, ದೇವಡ ಮಕ್ಕ ದಾರ್, ಸೈತಾನಂಡ ಮಕ್ಕ ದಾರ್‍ೕಂದ್ ನಿಂಗಕ್ ಗೊತ್ತಾಪ. ನೇರಾನ ಬಟ್ಟೇಲ್ ನಡ್‍ಕತಯಿಂಗ ಪಿಂಞ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‍ತಯಿಂಗಳಾನ ಅಯಿಂಗ ದೇವಡ ಮಕ್ಕ ಅಲ್ಲ.

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.

1 ಯೋಹಾನ 4:20

ದಾರೇಂಗಿ, ನಾನ್ ದೇವನ ಪ್ರೀತಿ ಮಾಡ್‌ವೀಂದ್ ಎಣ್ಣಿತ್ ತಾಂಡ ಅಣ್ಣತಮ್ಮಣಂಗಳ ದ್ವೇಶ ಮಾಡ್‍ಚೇಂಗಿ ಅಂವೊ ಒರ್ ಪೊಟ್ಟ್‌ಮಾರಿ. ನಂಗ ಎಕ್ಕಾಲು ಕಂಡಂಡ್ ಉಳ್ಳ ಅಣ್ಣತಮ್ಮಣಂಗಳ ಪ್ರೀತಿ ಮಾಡತೆ ಪೋನಕ ನಂಗ ಕಾಂಗತ ದೇವನ ಎನ್ನನೆ ಪ್ರೀತಿ ಮಾಡ್‌ವಕ್ ಕಯ್ಯು.