ಆದ್ಯತ್‌ರ ಪುಸ್ತಕ 33:3 - ಕೊಡವ ಬೈಬಲ್

³ ಅಲ್ಲಿಂಜ ಯಾಕೋಬ ಅಯಿಂಗಡ ಮಿಂಞತ ಪೋಯಿತ್, ಏಳ್‌ ಕುರಿ ನೆಲಕ್‌ ಅಡ್ಡ ಬುದ್ದಿತ್‌ ನಮಸ್ಕಾರ ಮಾಡಿತ್‌ ಅಂವೊಂಡ ಅಣ್ಣಂಡ ಪಕ್ಕ ಪೋಚಿ.

ಆದ್ಯತ್‌ರ ಪುಸ್ತಕ 33:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:2

ಅದ್‌ ಎನ್ನನೆ ಎಣ್ಣ್‌ಚೇಂಗಿ, ಅಬ್ರಹಾಮ ಕಣ್ಣೆಡ್‌ತಿತ್‌ ನೋಟ್‌ವಕ, ಮೂಂದ್‌ ಆಣಾಳ್‌ವ ಅಂವೊಂಡ ಪಕ್ಕತ್‌ಲ್‌ ನಿಂದಿತುಳ್ಳದ್‌ನ ಕಂಡತ್. ಅಂವೊ ಎದ್ದಿತ್‌ ಅಯಿಂಗಳ ಸ್ವೀಕಾರ ಮಾಡ್‌ವಕಾಯಿತ್‌ ಓಡಿಪೋಯಿತ್‌ ಅಯಿಂಗಡ ಮಿಂಞತ್‌ ಅಡ್ಡ ಬುದ್ದಿತ್:

ಆದ್ಯತ್‌ರ ಪುಸ್ತಕ 33:2

ಮಿಂಞತ್‌ ದಂಡ್‌ ಪಣಿಕಾರ್ತಿಯಳ ಪಿಂಞ ಅಯಿಂಗಡ ಮಕ್ಕಳ, ಮದ್ಯತ್‌ಲ್‌ ಲೇಯಾಳ ಪಿಂಞ ಅವಡ ಮಕ್ಕಳ, ಕಡೇಲ್‌ ರಾಹೇಲಳ ಪಿಂಞ ಯೋಸೇಫನ ನಿಪ್ಪಿಚಿಟ್ಟತ್.

ಆದ್ಯತ್‌ರ ಪುಸ್ತಕ 42:6

ಯೋಸೇಫ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ಂಜತ್. ಅಂವೊನೇ ಆ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿಯಂಡಿಂಜತ್. ಯೋಸೇಫಂಡ ಅಣ್ಣತಮ್ಮಣಂಗ ಅಂವೊಂಡ ಪಕ್ಕ ಬಂತಿತ್, ಅಂವೊಂಡ ಮಿಂಞ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 43:26

ಯೋಸೇಫ ಮನೆಕ್‌ ಬಂದದು ಅಯಿಂಗ ಅಯಿಂಗಡ ಕೈಯಿಲ್‌ ಬೆಚ್ಚಂಡಿಂಜ ಇನಾಮ್‌ನ ಮನೆರ ಒಳ್‌ಕ್‌ ಎಡ್‌ತ ಬಂತ್, ಅಂವೊಂಗ್‌ ಕೊಡ್‌ತಿತ್, ಅಂವೊಂಡ ಮಿಂಞತ್‌ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 48:12

ಅಕ್ಕ ಯೋಸೇಫ ಅಯಿಂಗಳ ಅಪ್ಪಂಡ ಮೊಣಕಾಲ್‌ರ ಮದ್ಯತ್‌ ಇಂಜ ಮಕ್ಕಳ ಕಾಕಿತ್, ಅಂವೊಂಡ ಅಪ್ಪಂಗ್‌ ಅಡ್ಡ ಬುದ್ದತ್.

ಜ್ಞಾನತ್‌ರ ಪಡಿಮ 6:3

ಆನಗುಂಡ್‌ ಮೋನೇ, ನಿನ್‌ ನೀಡ ಸ್ನೇಹಿತಂಡ ಕೈಕ್‌ ಚಿಕ್ಕಿ ಪೊಯಿತುಳ್ಳಗುಂಡ್, ನೀಡ ಸ್ನೇಹಿತಂಡ ಕೈಯಿಂಜ ಬಚಾವ್‌ ಆಪಕಾಯಿತ್‌ ನೀನ್‌ ಒರ್‌ ಕಾರ್ಯ ಮಾಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:11

ನಿಂಗ, ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪ.

ಯೋಹಾನ 10:15

ಅನ್ನನೆ, ನಾನ್ ನಾಡ ಕೊರಿಯಂಗಕಾಯಿತ್ ನಾಡ ಜೀವತ್‍ನ ಕೊಡ್‌ಪಕು ತಯಾರಾಯಿತ್ ಉಳ್ಳ.

ಯೋಹಾನ 10:4

ಅಂವೊ ತಾಂಡ ಕೊರಿಯಳ ಪೊರಮೆ ಬುಟ್ಟ ಪಿಂಞ, ಅಯಿಂಗಡ ಮಿಂಞತ್ ನಡ್ಂದ್ ಪೋಯಂಡಿಪ್ಪ. ಕೊರಿಯಂಗಕ್ ಅಂವೊಂಡ ಸದ್ದ್ ಗೊತ್ತುಳ್ಳಗುಂಡ್, ಅಂವೊಂಡ ಬಯ್ಯಕ್ ಪೋಪ.