ಆದ್ಯತ್‌ರ ಪುಸ್ತಕ 32:24 - ಕೊಡವ ಬೈಬಲ್

²⁴ ಇದಾನ ಪಿಂಞ ಯಾಕೋಬ ಗುಡಾರತ್‌ ಒಂಟಿಯಾಯಿತ್‌ ದಾರ್‌ ಇಲ್ಲತ ಇಂಜತ್. ಅಕ್ಕ ಒರ್‌ ಮನುಷ್ಯ ಅಂವೊಂಡ ಕೂಡೆ ಪೊಲಾಕಕತ್ತನೆ ಪೋರಾಡ್‌ಚಿ.

ಆದ್ಯತ್‌ರ ಪುಸ್ತಕ 32:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:2

ಅದ್‌ ಎನ್ನನೆ ಎಣ್ಣ್‌ಚೇಂಗಿ, ಅಬ್ರಹಾಮ ಕಣ್ಣೆಡ್‌ತಿತ್‌ ನೋಟ್‌ವಕ, ಮೂಂದ್‌ ಆಣಾಳ್‌ವ ಅಂವೊಂಡ ಪಕ್ಕತ್‌ಲ್‌ ನಿಂದಿತುಳ್ಳದ್‌ನ ಕಂಡತ್. ಅಂವೊ ಎದ್ದಿತ್‌ ಅಯಿಂಗಳ ಸ್ವೀಕಾರ ಮಾಡ್‌ವಕಾಯಿತ್‌ ಓಡಿಪೋಯಿತ್‌ ಅಯಿಂಗಡ ಮಿಂಞತ್‌ ಅಡ್ಡ ಬುದ್ದಿತ್:

ಆದ್ಯತ್‌ರ ಪುಸ್ತಕ 30:8

ಅಕ್ಕ ರಾಹೇಲ: ನಾಡ ಅಕ್ಕಂಡ ಕೂಡೆ ಬಲವಾಯಿತ್‌ ಪೋರಾಡಿತ್‌ ಗೆದ್ದಿಯೇಂದ್‌ ಎಣ್ಣಿತ್‌ ಅಂವೊಂಗ್‌ ನಫ್ತಾಲಿ ಎಣ್ಣಿಯಂಡ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 32:23

ಅಯಿಂಗಳ ಪೊಳೆರ ಆ ಬರಿಕ್‌ ದಾಟ್‌ಚಿಟ್ಟಪಿಂಞ ಅಂವೊಂಗ್‌ ಕೂಡ್‌ನ ಆಸ್ತಿನೆಲ್ಲ ಅ ಬರಿಕ್‌ ಅಯಿಚತ್.

ಆದ್ಯತ್‌ರ ಪುಸ್ತಕ 32:25

ಆ ಮನುಷ್ಯಂಗ್‌ ಯಾಕೋಬನ ಗೆಲ್ಲ್‌ವಕ್‌ ಕಯ್ಯುಲೇಂದ್‌ ಗೊತ್ತಾಪಕ, ಯಾಕೋಬಂಡ ತೊಡೆರ ಕೀಲ್‌ನ ಮುಟ್ಟ್‌ಚಿ. ಯಾಕೋಬ ಅನ್ನನೆ ಪೋರಾಡ್‌ವಕ ಅಂವೊಂಡ ತೊಡೆ ಕೀಲ್‌ ಬಲ್‌ಚಂಡ್‌ ಬಾತ್.

ಆದ್ಯತ್‌ರ ಪುಸ್ತಕ 32:28

ಅಕ್ಕ ಆ ಮನುಷ್ಯ: ನೀನ್‌ ದೇವಡ ಕೂಡೆಯು ಮನುಷ್ಯಂಡ ಕೂಡೆಯು ಪೋರಾಡಿತ್‌ ಗೆದ್ದಗುಂಡ್, ನೀಡ ಪೆದ ಇಂಞು ಮಿಂಞಕ್‌ ಯಾಕೋಬಾಂದ್‌ ಇಕ್ಕತೆ ಇಸ್ರಾಯೇಲ್‌ಾಂದ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 32:30

ಅಕ್ಕ ಯಾಕೋಬ: ನಾನ್‌ ದೇವಡ ಮೂಡ್‌ನ ನೋಟ್‌ನ ಆಚೇಂಗಿಯು, ನಾಡ ಜೀವ ಉಳ್‌ಂಜತಲ್ಲಾಂದ್‌ ಎಣ್ಣಿತ್‌ ಆ ಜಾಗಕ್‌ ಪೆನೀಯೇಲ್‌ಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 48:16

ನನ್ನ ಎಲ್ಲಾ ಕ್‍ೕಡಿಂಜ ಕಾಪಾಡ್‌ನ ದೇವದೂತ ಈ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಡ್. ಈ ದಂಡ್‌ ಕ್‌ಣ್ಣ ಮಕ್ಕ ನಾಡ ಪೆದತ್‌ನ, ನಾಡ ಅಜ್ಜ ಅಬ್ರಹಾಮ ಪಿಂಞ ನಾಡ ಅಪ್ಪ ಇಸಾಕಂಡ ಪೆದತ್‌ನ ಕಾಪಾಡಡ್. ಇಯಿಂಗಡ ಸಂತಾನ ಬೂಮಿರ ಮೇಲೆ ಬೊಳ್‌ಂದಿತ್‌ ಬಲ್ಯದಾಡ್‌ಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:24

ಅದ್ಂಗ್ ಯೇಸು: ಪರಲೋಕಕ್ ಪೋಪ ಪಡಿ ದುಂಬ ಇರ್ಂಗ್‍ನದ್. ನಿಂಗ ಇರ್ಂಗ್‍ನ ಬಾಯಿಕಂಡಿಲ್ ಪೋಪಕ್ ಕಷ್ಟಪಡಿ. ದುಂಬ ಜನ ಇಕ್ಕಟಾನ ಪಡಿರ ಮೂಲಕ ಒಳ್‍ಕ್ ಪೋಪಕ್ ನೋಟ್‍ವ, ಆಚೇಂಗಿ ಅಯಿಂಗಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:44

ಅಂವೊ ದುಂಬ ಮನಸ್ಸ್ ಕಷ್ಟಪಟ್ಟಿತ್ ಬೇಜಾರತ್‍ಲ್ ಪ್ರಾರ್ಥನೆ ಮಾಡ್‌ವಕಾಪಕ, ಯೇಸುರ ಬೆವರ್ ಚೋರೆರ ತುಳಿಯಾಯಿತ್ ನೆಲಕ್ ಬುದ್ದಂಡಿಂಜತ್.

ರೋಮ್ 15:30

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ನಾಕಾಯಿತ್ ದೇವಡ ಪಕ್ಕ ಮಾಡ್‌ವ ಪ್ರಾರ್ಥನೆರ ಮೂಲಕ, ನಾಡ ಪೋರಾಟತ್‍ಲ್ ನಿಂಗಳು ಕೂಡೆ ಇರಂಡೂಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಪಿಂಞ ಪವಿತ್ರಾತ್ಮತ್‍ರ ಪ್ರೀತಿರಗುಂಡ್ ನಿಂಗಳ ನಾನ್ ಬೋಡುವಿ.

1 ಕೊರಿಂಥ 15:47

ಆದ್ಯ ಮನುಷ್ಯನಾನ ಆದಾಮ ಮಣ್ಣಿಂಜ ಬಂದಂವೊ, ದಂಡನೆಯಂವೊನಾನ ಕ್ರಿಸ್ತ ಪರಲೋಕತ್ಂಜ ಬಂದಂವೊ.

ಎಫೆಸ 6:12

ಎನ್ನಂಗೆಣ್ಣ್‌ಚೇಂಗಿ, ನಂಗಡ ಪೋರಾಟ ಮನುಷ್ಯಂಗಕ್ ವಿರೋದವಾಯಿತ್ ಅಲ್ಲ, ಅದಿಕಾರಕ್ ವಿರೋದವಾಯಿತ್, ಕೂಳಿಯಡ ಅದಿಕಾರಿಯಂಗಕ್ ವಿರೋದವಾಯಿತ್, ಈ ಇರ್‌ಟ್ ಲೋಕತ್‍ರ ಅದಿಪತಿಯಂಗಕ್ ವಿರೋದವಾಯಿತ್ ಪಿಂಞ ಬಾನತ್‍ಲ್ ವಾಸ ಮಾಡಿಯಂಡುಳ್ಳ ಕೂಳಿಯಡ ಸೇನೆಕ್ ವಿರೋದವಾಯಿತ್ ಉಂಡ್.

ಎಫೆಸ 6:18

ನಿಂಗ ಎಲ್ಲಾ ಸಮಯತ್‍ಲು, ಎಲ್ಲಾ ತರತ್‍ರ ಪ್ರಾರ್ಥನೆರ ಮೂಲಕ ಪಿಂಞ ಬೋಡಿಕೆರ ಮೂಲಕ ಎಚ್ಚರ ಎಡ್‍ತಂಡ್, ದುಂಬ ಸ್ತಿರವಾಯಿತ್ ಎಲ್ಲಾ ದೇವಡ ಮಕ್ಕಕಾಯಿತ್ ಪ್ರಾರ್ಥನೆ ಮಾಡಿಯಂಡೇ ಇರಿ.

ಕೊಲೊಸ್ಸೆ 2:1

ನಿಂಗಕಾಯಿತು, ಲವೊದಿಯಕೆ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತು ಪಿಂಞ ನನ್ನ ಇಲ್ಲಿಕತ್ತನೆ ಕಾಂಗತಯಿಂಗಕಾಯಿತು ನಾನ್ ಎಚ್ಚಕ್ ಪೋರಾಟತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತಾಂಡೂಂದ್ ನಾಡ ಆಸೆ.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

ಇಬ್ರಿಯ 5:7

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.