ಆದ್ಯತ್‌ರ ಪುಸ್ತಕ 30:2 - ಕೊಡವ ಬೈಬಲ್

² ಯಾಕೋಬ ಅವಡ ಮೇಲೆ ಚೆಡಿ ಮಾಡಿಯಂಡ್: ದೇವ ತಾನೇ ನೀನ್‌ ಕುಂಞಿ ಪೆರತನೆಕೆ ಮಾಡಿತುಂಡ್, ನಾನ್‌ ದೇವನಾಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 30:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 16:2

ಇನ್ನನೆ ಇಪ್ಪಕ ಸಾರಯ ಅಬ್ರಾಮಂಗ್: ಯೆಹೋವ ನಾಕ್‍ ಮಕ್ಕ ಪೆರುವ ಬಾಗ್ಯತ್‌ಂಜ ತಡುತಿತುಂಡ್; ನೀನ್‌ ನಾಡ ಪಣಿಕಾರ್ತಿಯಾನ ಹಾಗರಂಡ ಕೂಡೆ ಕೂಡಿಯ. ಒರ್‌ ಸಮಯ ಅವಳಗುಂಡ್‌ ನಾಕ್‍ ಮಕ್ಕ ಆಕೂಂದ್‌ ಎಣ್ಣ್‌ಚಿ. ಅಬ್ರಾಮ ಅವಡ ತಕ್ಕ್‌ಕ್‌ ಒತ್ತಂಡತ್.

ಆದ್ಯತ್‌ರ ಪುಸ್ತಕ 25:21

ಅವಕ್‌ ಮಕ್ಕ ಇಂಜಿತ್‌ಲ್ಲೆ, ಆಂಗ್‌ ಇಸಾಕ ಅವಕಾಯಿತ್, ಯೆಹೋವನ ಬೋಡಿಯಂಡತ್. ಯೆಹೋವ ಅಂವೊಂಡ ಪ್ರಾರ್ಥನೆನ ಕ್‍ೕಟ್‌ತ್. ಅಂವೊಂಡ ಪೊಣ್ಣ್‌ ರೆಬೆಕ್ಕ ಕುಳುಮೆಕಾರ್ತಿ ಆಚಿ.

ಆದ್ಯತ್‌ರ ಪುಸ್ತಕ 29:31

ಲೇಯಾಳ್‌ಕ್‌ ಯಾಕೋಬಂಡ ಪ್ರೀತಿ ಕ್‌ಟ್ಟತದ್‌ನ ಯೆಹೋವ ಕಂಡಿತ್, ಅವ ಕೆಲಕಾರ್ತಿ ಆಪನೆಕೆ ಮಾಡ್‌ಚಿ. ಆಚೇಂಗಿ ರಾಹೇಲ ಗೊಡ್ಡಿಯಾಯಿತ್‌ ಇಂಜತ್.

ಆದ್ಯತ್‌ರ ಪುಸ್ತಕ 31:36

ಅಕ್ಕ ಯಾಕೋಬಂಗ್‌ ಚೆಡಿ ಬಂದಿತ್‌ ಲಾಬಾನಂಗ್‌ ಜೋರ್‌ ಮಾಡಿತ್: ನಾನ್‌ ಎಂತ ತಪ್ಪ್‌ ಮಾಡಿಯೆ, ನಾನ್‌ ಎಂತ ವಂಚನೆ ಮಾಡಿಯೆ ಎಣ್ಣಿಯಂಡ್‌ ನನ್ನ ಇನ್ನನೆ ದೌತಿಯಂಡ್‌ ನಾಡ ಬಯ್ಯತ್‌ ಓಡಿ ಬಂದಿಯ?

ಆದ್ಯತ್‌ರ ಪುಸ್ತಕ 50:19

ಆಚೇಂಗಿ ಯೋಸೇಫ ಅಯಿಂಗಳ ನೋಟಿತ್: ನಿಂಗ ಬೊತ್ತತಿ. ನಿಂಗಕ್‌ ದಂಡನೆ ಕೊಡ್‌ಪಕ್‌ ನಾನ್‌ ದೇವನ?

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:42

ಮರಿಯಕ್ ಜೋರಾಯಿತ್; ದೇವ ನಿನ್ನ ಎಲ್ಲಾ ಪೊಣ್ಣಾಳ್‌ಕಿಂಜ ಆಶೀರ್ವಾದ ಮಾಡಿರ್‌ತ್, ನೀಕ್ ಆಪ ಕುಂಞಿ ಆಶೀರ್ವಾದ ಆನದ್.

ಎಫೆಸ 4:26

ನಿಂಗಕ್ ಚೆಡಿ ಬಾತೇಂಗಿಯು, ಪಾಪ ಮಾಡತೆ ಇರಿ; ಸೂರ್ಯ ಮುಳುವಕ್ ಮಿಂಞಲೇ ನಿಂಗಡ ಚೆಡಿ ತಣ್ಂಜ್ ಪೋಡ್.