ಆದ್ಯತ್‌ರ ಪುಸ್ತಕ 3:8 - ಕೊಡವ ಬೈಬಲ್

⁸ ಬಯಿಟಾಪಕ, ತಂಪ್‌ಗಾಳಿ ಬೀಜಿಯಂಡಿಪ್ಪ ನೇರತ್‌ಲ್‌ ಯೆಹೋವನಾನ ದೇವ ತೋಟತ್‌ಲ್‌ ನಡ್‌ಪ ಸದ್ದ್ ಅಯಿಂಗಕ್‌ ಕ್‍ೕಟತ್. ಅಕ್ಕ ಅಯಿಂಗ ಅಂವೊಂಡ ಪ್ರಸನ್ನತಿಂಜ ಮರಂಜಿತ್‌ ಮರತ್‌ರ ಮದ್ಯತ್‌ಲ್‌ ಒಳ್‌ಚಂಡತ್.

ಆದ್ಯತ್‌ರ ಪುಸ್ತಕ 3:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:33

ಅಬ್ರಹಾಮಂಡ ಕೂಡೆ ತಕ್ಕ್‌ ಪರ್‌ಂದ ಪಿಂಞ ಯೆಹೋವ ತಾಂಡ ಬಟ್ಟೆಲ್‌ ಪೋಚಿ. ಅಬ್ರಹಾಮನು ತಾಂಡ ಗುಡಾರಕ್‌ ತಿರಿತ್‌ ಬಾತ್.

ಆದ್ಯತ್‌ರ ಪುಸ್ತಕ 3:10

ಅದಂಗ್‌ ಅಂವೊ, ನಾಕ್, ನೀನ್‌ ತೋಟತ್‌ಲ್‌ ನಡಪ್ಪ ಸದ್ದ್ ಕ್‍ೕಟಿಯೆ, ನಾನ್‌ ಬೆತ್ತಲೆಯಾಯಿತ್‌ ಉಳ್ಳಂಗ್‌ ನಾಕ್‍ ಪೋಡಿ ಆಯಿತ್, ನಾನ್‌ ಒಳ್‌ಚಂಡ್‍ೕಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 15:3

ಯೆಹೋವಂಡ ದೃಷ್ಟಿ ಎಲ್ಲಾ ಜಾಗತ್‌ಲು ಇಂಜಂಡ್, ನಲ್ಲಯಿಂಗಳ ಪಿಂಞ ಕೆಟ್ಟಯಿಂಗಳ ಎಚ್ಚರತ್‌ಲ್‌ ನೋಟಿಯಂಡ್‌ ಉಂಡ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:3

ಅಕ್ಕ ಯೋನ, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್‌ ತಾರ್ಷೀಷ್ ಎಣ್ಣುವ ಪಟ್ಟಣಕ್‌ ಪೊರ್‌ಟತ್. ಅಂವೊ ಯೊಪ್ಪ ಎಣ್ಣುವ ಪಟ್ಟಣಕ್‌ ಪೋಯಿತ್‌ ಅಲ್ಲಿಂಜ ತಾರ್ಷೀಷ್‌ಕ್‌ ಪೋಪ ಹಡಗ್‌ನ ಕಂಡಿತ್‌ ಅಲ್ಲಿಕತ್ತನೆ ಪೋಪಕುಳ್ಳ ದುಡ್ಡ್‌ನ ಕೊಡ್‌ತಿತ್, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್, ಹಡಗ್‌ಲುಳ್ಳಯಿಂಗಡ ಕೂಡೆ ಪೊರ್‌ಟ್ ಪೋಚಿ.

ರೋಮ್ 2:15

ಅಯಿಂಗಡ ಮನಸಾಕ್ಷಿ ಸಹ ಸಾಕ್ಷಿ ಎಣ್ಣ್‌ವಗುಂಡ್, ಇದ್ ತಪ್ಪ್ ಇದ್ ತಪ್ಪ್ ಅಲ್ಲಾಂದ್ ಅಯಿಂಗಡ ಗೇನ ಒಂದಾನ ಒಂದ್ ತೀರ್ಪ್ ಮಾಡ್‌ವಗುಂಡ್ ಪಿಂಞ ನ್ಯಾಯಪ್ರಮಾಣತ್‍ರ ಪ್ರಕಾರ ಮಾಡ್‌ವಕುಳ್ಳ ಕ್ರಿಯೆ ಅಯಿಂಗಡ ಹೃದಯತ್‍ಲ್ ಒಳ್‍ದಿತುಂಡ್‍ೕಂದ್ ಅಯಿಂಗ ಕಾಟಿಯಂಡುಂಡ್.

ಇಬ್ರಿಯ 4:13

ಅಂವೊಂಡ ಕಣ್ಣ್‌ಕ್ ಮರ್‌ಂಜಿತ್‌ಪ್ಪ ಸೃಷ್ಟಿ ಏದು ಇಲ್ಲೆ; ಅಂವೊಂಡ ಕಣ್ಣ್‌ಕ್ ಎಲ್ಲಾ ತೊರ್‌ಂದದಾಯಿತು, ಕಾಂಬನೆಕೆಯು ಉಂಡ್, ಅಂವೊಂಗೇ ನಂಗ ಲೆಕ್ಕ ಕೊಡ್‍ಕಂಡು.

ಪ್ರಕಟನೆ 6:15

ಬೂಮಿರ ರಾಜಂಗ, ಬಲ್ಯಯಿಂಗ, ಸೇನೆರ ಅದಿಕಾರಿಯಂಗ, ಐಶ್ವರ್ಯವಂತಯಿಂಗ, ಬಲ ಉಳ್ಳಯಿಂಗ, ಅಡಿಯಾಳ್‍ಂಗ, ಸ್ವಾತಂತ್ರವಾನಯಿಂಗ ಎಲ್ಲಾರು, ಕುಂದ್‌ರ ಒಳ್‍ಕ್, ಗುವೇರ ಒಳ್‍ಕ್ ಪಿಂಞ ಬಂಡೇರ ಒಳ್‍ಕ್ ಒಳ್‌ಂಜಂಡ್ ಇಂಜತ್.