ಆದ್ಯತ್‌ರ ಪುಸ್ತಕ 3:7 - ಕೊಡವ ಬೈಬಲ್

⁷ ಅಕ್ಕಲೆ ಅಯಿಂಗ ದಂಡಾಳ್‌ರ ಕಣ್ಣ್‌ ತೊರ್‌ಂದತ್; ಅಯಿಂಗ ಬೆತ್ತಲೆ ಆಯಿತ್ತುಂಡ್‍ೕಂದ್‌ ಅರಿಂಜಿತ್‌ ಅತ್ತಿಪಣ್ಣ್‌ ಮರತ್‌ರ ಎಲ್ಕಂಡತ್‌ನ ಪೊಂದಿತ್‌ ಸುತ್ತಿಯಂಡತ್.

ಆದ್ಯತ್‌ರ ಪುಸ್ತಕ 3:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:25

ಆದಾಮ ಪಿಂಞ ಅಂವೊಂಡ ಪೊಣ್ಣ್‌ ದಂಡಾಳು ಬೆತ್ತಲೆಯಾಯಿತ್‌ಂಜತ್, ಆಚೇಂಗಿ ಅಯಿಂಗಕ್‌ ಞಾಣ ಇಂಜಿತ್‌ಲೆ.

ಆದ್ಯತ್‌ರ ಪುಸ್ತಕ 3:5

ನಿಂಗ ಅದನ ತಿಂಬ ದಿವಸತ್‌ಲ್‌ ನಿಂಗಡ ಕಣ್ಣ್‌ ತೊರ್ಪಾಂದು, ನಿಂಗಕ್‌ ನಲ್ಲದ್‌ ಕೆಟ್ಟದ್‌ ಎಂತದ್‍ೕಂದ್‌ ಗೊತ್ತಾಯಿತ್‌ ನಿಂಗ ದೇವಡನೆಕೆ ಆಪಿರಾಂದು ದೇವಕ್‌ ಗೊತ್ತುಂಡ್‌ಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:23

ಅಂವೊ ನರಕಕ್ ಪೋಯಿತ್ ದುಂಬ ವೇದನೆ ಅನುಬವಿಚಿಟ್ಟಂಡಿಂಜತ್. ಅಂವೊ ದೂರತ್ಂಜ ನೋಟುವಕ, ಅಬ್ರಹಾಮ ಪಿಂಞ ಅಂವೊಂಡ ಕೂಡೆ ಲಾಜರ ಇಪ್ಪದ್‍ನ ಕಂಡತ್.

1 ಕೊರಿಂಥ 12:23

ಅದಲ್ಲತೆ, ತಡೀಲ್ ಮುಕ್ಯವಿಲ್ಲತದ್‍ೕಂದ್ ಗೇನ ಮಾಡ್‌ವ ಬಾಗಕ್, ನಂಗ ದುಂಬ ಪ್ರಾಮುಕ್ಯತೆ ಕೊಡ್‍ಪ; ನಂಗಡ ತಡೀಲ್ ಚಾಯಿ ಕಾಂಗತ ಬಾಗಕ್ ದುಂಬ ಪ್ರಾಮುಕ್ಯತೆ ಕೊಡ್‌ತಿತ್ ಚಾಯಿ ಮಾಡಿಯಂಡುಂಡ್.