ಆದ್ಯತ್‌ರ ಪುಸ್ತಕ 3:23 - ಕೊಡವ ಬೈಬಲ್

²³ ಅಂವೊನ ರೂಪ್‌ಚಿಟ್ಟ ನೆಲತ್‌ಲ್‌ ಬೇಲ್‌ ಪಣಿ ಮಾಡ್‌ವಕಾಯಿತ್‌ ಆದಾಮನ ಪಿಂಞ ಅಂವೊಂಡ ಪೊಣ್ಣ್‌ನ ಏದೆನ್‌ ತೋಟತ್‌ಂಜ ಪೊರಮೆ ಅಯಿಚಿರ್‌ತ್‌

ಆದ್ಯತ್‌ರ ಪುಸ್ತಕ 3:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:5

ಬೂಮಿರ ಮೇಲೆ ಒರ್‌ ಗಿಡವೂ ಬಂದಿತ್‌ಲ್ಲೆ ಪಿಂಞ ಏದ್‌ ಪಿಲ್ಲ್‌ ಪೊದರ್‌ ಮೊಳೆಕೆ ಬುಟ್ಟಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಯೆಹೋವನಾನ ದೇವ ಬೂಮಿರ ಮೇಲೆ ಮಳೆನ ಅಯಿಚಿತ್‌ಂಜಿತ್‌ಲ್ಲೆ. ನೆಲತ್‌ಲ್‌ ತೋಟ್ಟ ಪಣಿ ಮಾಡ್‌ವಕ್‌ ಏದ್‌ ಮನುಷ್ಯನು ಇಂಜಿತ್‌ಲ್ಲೆ.

ಆದ್ಯತ್‌ರ ಪುಸ್ತಕ 2:7

ಅಲ್ಲಿಂಜ ಯೆಹೋವನಾನ ದೇವ ನೆಲತ್‌ರ ಮಣ್ಣ್‌ಂಜ ಮನುಷ್ಯನ ರೂಪ್‌ಚಿಟ್ಟಿತ್‌ ಅಂವೊಂಡ ಮೂಕ್‌ಲ್ ತಾಂಡ ಜೀವ ಶ್ವಾಸತ್‌ನ ಊದ್ವಕ, ಆ ಮನುಷ್ಯ ಒರ್‌ ಜೀವವುಳ್ಳ ಮನುಷ್ಯನಾಚಿ.

ಆದ್ಯತ್‌ರ ಪುಸ್ತಕ 2:8

ಪಿಂಞ ಯೆಹೋವನಾನ ದೇವ ಕ್‍ೕಕ್‌ ದಿಕ್ಕಲ್‌ ಏದೆನ್‌ ಎಣ್ಣುವ ಒರ್‌ ತೋಟತ್‌ನ ಉಂಟ್‌ಮಾಡಿತ್, ತಾನ್‌ ಸೃಷ್ಟಿ ಮಾಡ್‌ನ ಮನುಷ್ಯನ ಅಲ್ಲಿ ಬುಟ್ಟತ್.

ಆದ್ಯತ್‌ರ ಪುಸ್ತಕ 3:19

ನಿನ್ನ ಮಣ್ಣ್‌ಂಜ ಎಡ್‌ತಾಂಗ್, ನೀನ್‌ ಮಣ್ಣ್‌ಕ್ ಪೋಪಕತ್ತನೆ ಬೆವರ್‌ ಸುರಿಸಿಯಂಡ್‌ ನೀಕ್‌ ಉಂಬಕುಳ್ಳದ್‌ನ ಸಂಪಾದನೆಮಾಡ್‌ವಿಯ. ನೀನ್‌ ಮಾಣ್ಣಾಯಿತ್‌ ಉಳ್ಳಿಯ, ಮಣ್ಣ್‌ಕೇ ಪೋಪಿಯಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 3:22

ಪಿಂಞ ಯೆಹೋವನಾನ ದೇವ: ಈ ಮನುಷ್ಯ ನಲ್ಲದ್‌ ಕೆಟ್ಟದ್‌ ಏದ್‍ೕಂದ್‌ ಗೊತ್ತಾಯಿತ್‌ ನಂಗಡನೆಕೆ ಆಯಿತಲ್ಲ. ಇಂಞು ಅಂವೊ ತಾಂಡ ಕೈ ನ್‍ೕಟಿತ್, ಆ ಜೀವ ತಪ್ಪ ಮರತ್‌ರ ಪಣ್ಣ್‌ನ ಕೊಜ್ಜಿತ್‌ ತಿಂದಿತ್‌ ಕಾಲಕಾಲಕು ಬದ್‌ಕ್‌ವಕ್ಕಾಗಾಂದ್‌ ಎಣ್ಣಿತ್,

ಆದ್ಯತ್‌ರ ಪುಸ್ತಕ 3:24

ಅಯಿಂಗಳ ಏದೆನ್‌ ತೋಟತ್‌ಂಜ ಓಡಿಚಿಟ್ಟ ಪಿಂಞ, ಏದೆನ್‌ ತೊಟತ್‌ರ ಕ್‍ೕಕ್‌ ದಿಕ್ಕ್‌ಲ್‌ ಕೆರೂಬಿಯಂಗಳ ಪಿಂಞ ಬೀಜುವ ಮಿನ್ನಿಯಂಡಿಪ್ಪ ಕತ್ತಿನ, ಜೀವ ತಪ್ಪ ಮರತ್‌ರ ಪಕ್ಕ ಪೋಪ ಬಟ್ಟೇನೆ ಕಾಪಕಾಯಿತ್‌ ಬೆಚ್ಚತ್.

ಆದ್ಯತ್‌ರ ಪುಸ್ತಕ 4:12

ನೀನ್‌ ಬೂಮಿನ ಎಚ್ಚಕ್‌ ಕಷ್ಟಪಟ್ಟಿತ್‌ ವ್ಯವಸಾಯ ಮಾಡ್‌ಚೇಂಗಿಯು ಅದ್‌ ಇಂಞು ಮಿಂಞಕ್‌ ಬೊಳೆ ತಪ್ಪ್‌ಲೆ, ಇಕ್ಕಯಿಂಞ ನೀನ್‌ ಈ ಬೂಮಿಲ್‌ ಮನೆ ಇಲ್ಲತೆ ತಿರ್‌ಗಾಡ್‌ವಂವೊನಾಯಿತ್‌ಪ್ಪಿಯಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 4:2

ಅಲ್ಲಿಂಜ ಅವ ಅಂವೊಂಡ ತಮ್ಮಣನಾನ ಹೇಬೆಲನ ಪೆತ್ತತ್. ಹೇಬೆಲ ಕೊರಿಕಾಪಂವೊನಾಚಿ. ಕಾಯಿನ ವ್ಯವಸಾಯ ಮಾಡ್‌ವಂವೊನಾಚಿ.

ಆದ್ಯತ್‌ರ ಪುಸ್ತಕ 9:20

ಜಲಪ್ರಳಯ ಆನದು, ನೋಹ ವ್ಯವಸಾಯ ಮಾಡ್‌ವಕ್‌ ಸುರು ಮಾಡ್‌ಚಿ. ಆದ್ಯವಾಯಿತ್‌ ದ್ರಾಕ್ಷಿ ತೋಟತ್‌ನ ಮಾಡ್‌ನಂವೊ ಇಂವೊನೇ.