ಆದ್ಯತ್‌ರ ಪುಸ್ತಕ 3:21 - ಕೊಡವ ಬೈಬಲ್

²¹ ಯೆಹೋವನಾನ ದೇವ ಆದಾಮಂಗ್‌ ಪಿಂಞ ಅಂವೊಂಡ ಪೊಣ್ಣ್‌ಕ್ ಪ್ರಾಣಿರ ದೋಲ್‌ರ ಉಡ್‌ಪ್ ಮಾಡಿತ್‌ ಅಯಿಂಗಳ ಉಡ್‌ತತ್.

ಆದ್ಯತ್‌ರ ಪುಸ್ತಕ 3:21 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:20

ಆದಾಮ ತಾಂಡ ಪೊಣ್ಣ್‌ಕ್ ಹವ್ವಾಂದ್‌ ಪೆದ ಬೆಚ್ಚತ್; ಎನ್ನಂಗೆಣ್ಣ್‌ಚೇಂಗಿ ಬದ್‌ಕಿಯಂಡುಳ್ಳಯಿಂಗಕೆಲ್ಲಾ ಅವಳೇ ಅವ್ವಳಾಯಾಯಿತುಂಡ್.

ಆದ್ಯತ್‌ರ ಪುಸ್ತಕ 3:22

ಪಿಂಞ ಯೆಹೋವನಾನ ದೇವ: ಈ ಮನುಷ್ಯ ನಲ್ಲದ್‌ ಕೆಟ್ಟದ್‌ ಏದ್‍ೕಂದ್‌ ಗೊತ್ತಾಯಿತ್‌ ನಂಗಡನೆಕೆ ಆಯಿತಲ್ಲ. ಇಂಞು ಅಂವೊ ತಾಂಡ ಕೈ ನ್‍ೕಟಿತ್, ಆ ಜೀವ ತಪ್ಪ ಮರತ್‌ರ ಪಣ್ಣ್‌ನ ಕೊಜ್ಜಿತ್‌ ತಿಂದಿತ್‌ ಕಾಲಕಾಲಕು ಬದ್‌ಕ್‌ವಕ್ಕಾಗಾಂದ್‌ ಎಣ್ಣಿತ್,

ಆದ್ಯತ್‌ರ ಪುಸ್ತಕ 3:7

ಅಕ್ಕಲೆ ಅಯಿಂಗ ದಂಡಾಳ್‌ರ ಕಣ್ಣ್‌ ತೊರ್‌ಂದತ್; ಅಯಿಂಗ ಬೆತ್ತಲೆ ಆಯಿತ್ತುಂಡ್‍ೕಂದ್‌ ಅರಿಂಜಿತ್‌ ಅತ್ತಿಪಣ್ಣ್‌ ಮರತ್‌ರ ಎಲ್ಕಂಡತ್‌ನ ಪೊಂದಿತ್‌ ಸುತ್ತಿಯಂಡತ್.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

1 ಕೊರಿಂಥ 12:23

ಅದಲ್ಲತೆ, ತಡೀಲ್ ಮುಕ್ಯವಿಲ್ಲತದ್‍ೕಂದ್ ಗೇನ ಮಾಡ್‌ವ ಬಾಗಕ್, ನಂಗ ದುಂಬ ಪ್ರಾಮುಕ್ಯತೆ ಕೊಡ್‍ಪ; ನಂಗಡ ತಡೀಲ್ ಚಾಯಿ ಕಾಂಗತ ಬಾಗಕ್ ದುಂಬ ಪ್ರಾಮುಕ್ಯತೆ ಕೊಡ್‌ತಿತ್ ಚಾಯಿ ಮಾಡಿಯಂಡುಂಡ್.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.