ಆದ್ಯತ್‌ರ ಪುಸ್ತಕ 3:20 - ಕೊಡವ ಬೈಬಲ್

²⁰ ಆದಾಮ ತಾಂಡ ಪೊಣ್ಣ್‌ಕ್ ಹವ್ವಾಂದ್‌ ಪೆದ ಬೆಚ್ಚತ್; ಎನ್ನಂಗೆಣ್ಣ್‌ಚೇಂಗಿ ಬದ್‌ಕಿಯಂಡುಳ್ಳಯಿಂಗಕೆಲ್ಲಾ ಅವಳೇ ಅವ್ವಳಾಯಾಯಿತುಂಡ್.

ಆದ್ಯತ್‌ರ ಪುಸ್ತಕ 3:20 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 16:11

ಅಲ್ಲಿಂಜ ಪುನಃ ದೇವದೂತ ಅವಕ್: ನೀನ್‌ ಇಕ್ಕ ಕುಳುಮೆಕಾರ್ತಿಯಾಯಿತ್‌ ಉಳ್ಳಿಯ, ನೀನ್‌ ಒರ್‌ ಕ್‌ಣ್ಣ ಕುಂಞಿನ ಪೆರುವಿಯ. ಯೆಹೋವ ನೀಡ ಕಷ್ಟತ್‌ರ ಮೊರೆನ ಕ್‍ೕಟನಗುಂಡ್‌ ಆ ಕುಂಞಿಕ್‌ ಇಷ್ಮಾಯೇಲ್‌ಂದ್‌ ಪೆದ ಬೆಕ್ಕಂಡು.

ಆದ್ಯತ್‌ರ ಪುಸ್ತಕ 2:20

ಇನ್ನನೆ ಆ ಆದಾಮ ಎಲ್ಲಾ ಚಾಕ್‌ ಪ್ರಾಣಿಯಕು, ಬಾನತ್‌ಲ್‌ ಪಾರುವ ಪಕ್ಷಿಯಂಗಕು, ಕಾಡ್‌ಪ್ರಾಣಿಯಕು ಪೆದ ಬೆಚ್ಚತ್. ಆಚೇಂಗಿಯು ಆದಾಮಂಗ್‌ ಸರಿಯಾನ ಜೊತೆಗಾರ್ತಿ ಕ್‌ಟ್ಟಿತ್‌ಲ್ಲೆ.

ಆದ್ಯತ್‌ರ ಪುಸ್ತಕ 2:23

ಅಕ್ಕಣೆಕ್ ಆದಾಮ: ಇಕ್ಕ ಸರಿ, ಇವ ನಾಡ ಮೂಳೆಯಿಂಜ ಬಂದ ಮೂಳೆ, ನಾಡ ಯರ್ಚಿಯಿಂಜ ಬಂದ ಯರ್ಚಿಯೀಂದ್‌ ಎಣ್ಣ್‌ಚಿ. ಇವಳ ಆಣಾಳ್‌ಂಜ ಮಾಡ್‌ನಗೊಂಡ್‌ ಪೊಣ್ಣಾಳ್‌ಂದ್‌ ಕಾಕ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 3:21

ಯೆಹೋವನಾನ ದೇವ ಆದಾಮಂಗ್‌ ಪಿಂಞ ಅಂವೊಂಡ ಪೊಣ್ಣ್‌ಕ್ ಪ್ರಾಣಿರ ದೋಲ್‌ರ ಉಡ್‌ಪ್ ಮಾಡಿತ್‌ ಅಯಿಂಗಳ ಉಡ್‌ತತ್.

ಆದ್ಯತ್‌ರ ಪುಸ್ತಕ 35:18

ಆಚೇಂಗಿ ರಾಹೇಲಂಡ ಉಸಿರ್‌ ಪೋಪಕ, ಅವ ಆ ಕುಂಞಿಕ್‌ ಬೆನೋನಿ ಎಣ್ಣಿಯಂಡ್‌ ಪೆದಬೆಚ್ಚತ್. ಆಚೇಂಗಿ ಕುಂಞಿರ ಅಪ್ಪ ಅಂವೊಂಗ್‌ ಬೆನ್ಯಾಮೀನ ಎಣ್ಣಿಯಂಡ್‌ ಪೆದಬೆಚ್ಚತ್.

ಆದ್ಯತ್‌ರ ಪುಸ್ತಕ 5:29

ಲೆಮೆಕ: ಯೆಹೋವ ಶಾಪ ಇಟ್ಟ ಈ ಬೂಮಿಯಿಂಜ ನಂಗಕ್‌ ಆನ ಕಷ್ಟ ಪಿಂಞ ಶ್ರಮತ್ತಿಂಜ ಈ ಮೋಂವೊ ನಂಗಕ್‌ ಸಮಾದಾನ ಕೊಂಡ ಬಪ್ಪಾಂದ್‌ ಎಣ್ಣಿತ್‌ ಅಂವೊಂಗ್‌ ನೋಹಾಂದ್‌ ಪೆದ ಬೆಚ್ಚತ್.

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಮತ್ತಾಯ 1:23

ಆ ತಕ್ಕ್ ಎಂತ ಎಣ್ಣ್‌ಚೇಂಗಿ: ನೋಟ್, ಒರ್ ಕನ್ನಿ ಮೂಡಿ ಕೆಲಕರ್ತಿಯಾಯಿತ್ ಒರ್ ಮೋಂವೊನ ಪೆರ್‌ವ; ಅಂವೊಂಗ್ ಇಮ್ಮಾನುವೇಲ್ ಎಣ್ಣುವ ಪೆದ ಇಡಂಡು. ಇಮ್ಮಾನುವೇಲ್ ಎಣ್ಣ್‌ಚೇಂಗಿ: ದೇವ ನಂಗಡ ಕೂಡೆ ಉಂಡ್‍ೕಂದ್ ಅರ್ಥ.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

1 ತಿಮೊಥೆಯ 2:13

ಎನ್ನಂಗೆಣ್ಣ್‌ಚೇಂಗಿ, ದೇವ ಆದ್ಯವಾಯಿತ್ ಆದಾಮನ ಸೃಷ್ಟಿ ಮಾಡ್‍ಚಿ. ಬಯ್ಯ ಹವ್ವಳನ ಸೃಷ್ಟಿ ಮಾಡ್‍ಚಿ.