ಆದ್ಯತ್‌ರ ಪುಸ್ತಕ 3:19 - ಕೊಡವ ಬೈಬಲ್

¹⁹ ನಿನ್ನ ಮಣ್ಣ್‌ಂಜ ಎಡ್‌ತಾಂಗ್, ನೀನ್‌ ಮಣ್ಣ್‌ಕ್ ಪೋಪಕತ್ತನೆ ಬೆವರ್‌ ಸುರಿಸಿಯಂಡ್‌ ನೀಕ್‌ ಉಂಬಕುಳ್ಳದ್‌ನ ಸಂಪಾದನೆಮಾಡ್‌ವಿಯ. ನೀನ್‌ ಮಾಣ್ಣಾಯಿತ್‌ ಉಳ್ಳಿಯ, ಮಣ್ಣ್‌ಕೇ ಪೋಪಿಯಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 3:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:27

ಅದ್‌ಂಗ್‌ ಅಬ್ರಹಾಮ: ನಾನ್‌ ಬರೀ ದೂಳು ಬೂದಿಯು ಆಯಿತ್‌ಂಜತೇಂಗಿಯು, ಯೆಹೋವಂಡ ಕೂಡೆ ತಕ್ಕ್‌ ಪರಿಯುವಕ್‌ ದೈರ್ಯ ಎಡ್‌ತಿತುಳ್ಳ.

ಆದ್ಯತ್‌ರ ಪುಸ್ತಕ 2:7

ಅಲ್ಲಿಂಜ ಯೆಹೋವನಾನ ದೇವ ನೆಲತ್‌ರ ಮಣ್ಣ್‌ಂಜ ಮನುಷ್ಯನ ರೂಪ್‌ಚಿಟ್ಟಿತ್‌ ಅಂವೊಂಡ ಮೂಕ್‌ಲ್ ತಾಂಡ ಜೀವ ಶ್ವಾಸತ್‌ನ ಊದ್ವಕ, ಆ ಮನುಷ್ಯ ಒರ್‌ ಜೀವವುಳ್ಳ ಮನುಷ್ಯನಾಚಿ.

ಆದ್ಯತ್‌ರ ಪುಸ್ತಕ 23:4

ನಾನ್‌ ಒರ್‌ ಪರದೇಶಿಯಾಯಿತ್‌ ಉಳ್ಳ, ಈ ನಾಡ್‌ಕಾರನು ಅಲ್ಲ. ಆನಗುಂಡ್‌ ಇಲ್ಲಿ ನಾಕಾಯಿತ್‌ ಒರ್‌ ಜಾಗವು ಇಲ್ಲೆ. ಆಂಗಾಯಿತ್‌ ನಾಡ ಪೊಣ್ಣ್‌ರ ಚಾವ್‌ ತಡಿನ ಪೂಪಕ್‌ ನಾಕ್‍ ಚೆನ್ನ ಜಾಗತ್‌ನ ಸ್ವಂತವಾಯಿತ್‌ ತಾರೀಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 3:18

ಈ ಬೂಮಿಲ್‌ ಮುಳ್ಳ್ ಗಿಡ ಪಿಂಞ ಕಳೆಯೆಲ್ಲಾ ದುಂಬ ಪುಟ್ಟ್‌ವ. ಅನ್ನನೆ ನೀನ್‌ ಅದ್‌ಂಡ ಪಸಲ್‌ನ ಅನುಬವಿಚಿಡ್‌ವಿಯ.

ಆದ್ಯತ್‌ರ ಪುಸ್ತಕ 5:5

ಆದಾಮ ಒಟ್ಟ್‌ ಒಂಬೈನೂಟ್ಯ ನುಪ್ಪದ್‌ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ.

ಜ್ಞಾನತ್‌ರ ಪಡಿಮ 21:16

ವಿವೇಕತ್‌ರ ಬಟ್ಟೆನ ಬುಟ್ಟಿತ್‌ ಪೋನಂವೊ ಕಡೇಕ್‌ ಚತ್ತಯಿಂಗಡ ಗುಂಪ್‌ಕ್‌ ಕೂಡಿರುವ.

1 ಕೊರಿಂಥ 15:47

ಆದ್ಯ ಮನುಷ್ಯನಾನ ಆದಾಮ ಮಣ್ಣಿಂಜ ಬಂದಂವೊ, ದಂಡನೆಯಂವೊನಾನ ಕ್ರಿಸ್ತ ಪರಲೋಕತ್ಂಜ ಬಂದಂವೊ.

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

2 ಥೆಸಲೊನೀಕ 3:10

ಒಬ್ಬಂಗ್ ಕೆಲಸ ಮಾಡ್‌ವಕ್ ಮನಸ್ಸ್ ಇಲ್ಲತಪೋಚೇಂಗಿ, ಅಂವೊ ಉಂಬಕ್ಕಾಗಾಂದ್ ನಂಗ ನಿಂಗಡ ಕೂಡೆ ಇಪ್ಪಕ್ ಸಹ ಈ ಕಾನೂನ್‌ನ ಎಣ್ಣಿ ತಂದಿಯೆ.

ಇಬ್ರಿಯ 9:27

ಒರೇ ಕುರಿ ಚಾವದು, ಪಿಂಞ ನ್ಯಾಯತೀರ್ಪ್ ಕ್‍ಟ್ಟ್‌ವದು ಮನುಷ್ಯಂಗಕ್ ನೇಮಿಚಿಟ್ಟಿತುಂಡ್.