ಆದ್ಯತ್‌ರ ಪುಸ್ತಕ 3:18 - ಕೊಡವ ಬೈಬಲ್

¹⁸ ಈ ಬೂಮಿಲ್‌ ಮುಳ್ಳ್ ಗಿಡ ಪಿಂಞ ಕಳೆಯೆಲ್ಲಾ ದುಂಬ ಪುಟ್ಟ್‌ವ. ಅನ್ನನೆ ನೀನ್‌ ಅದ್‌ಂಡ ಪಸಲ್‌ನ ಅನುಬವಿಚಿಡ್‌ವಿಯ.

ಆದ್ಯತ್‌ರ ಪುಸ್ತಕ 3:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:17

ಪಿಂಞ ದೇವ ಆದಾಮನ ನೋಟ್ಟಿತ್: ನೀನ್‌ ನೀಡ ಪೊಣ್ಣ್‌ರ ತಕ್ಕ್‌ ಕ್‍ೕಟಿತ್, ನಾನ್‌ ತಿಂಬಕ್ಕಾಗಾಂದ್‌ ಎಣ್ಣಿತ್‌ಂಜ ಮರತ್‌ರ ಪಣ್ಣ್‌ನ ತಿಂದಂಗ್, ನೀಡಗುಂಡ್‌ ನೆಲಕ್‌ ಶಾಪ ಕ್‌ಟ್ಟ್‌ಚಿ. ನೀಡ ಆಯಿಸ್ಸೆಲ್ಲಾ ಕಷ್ಟಪಟ್ಟಿತ್‌ ಈ ಬೂಮಿರ ಪಸಲ್‌ನ ತಿಂಬಿಯ.

ಆದ್ಯತ್‌ರ ಪುಸ್ತಕ 3:19

ನಿನ್ನ ಮಣ್ಣ್‌ಂಜ ಎಡ್‌ತಾಂಗ್, ನೀನ್‌ ಮಣ್ಣ್‌ಕ್ ಪೋಪಕತ್ತನೆ ಬೆವರ್‌ ಸುರಿಸಿಯಂಡ್‌ ನೀಕ್‌ ಉಂಬಕುಳ್ಳದ್‌ನ ಸಂಪಾದನೆಮಾಡ್‌ವಿಯ. ನೀನ್‌ ಮಾಣ್ಣಾಯಿತ್‌ ಉಳ್ಳಿಯ, ಮಣ್ಣ್‌ಕೇ ಪೋಪಿಯಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 22:5

ಕಪಟತನ ಉಳ್ಳಂವೊಂಡ ಬಟ್ಟೆಲ್‌ ದುಂಬ ಮುಳ್ಳು ಕೆಣಿಯು ಉಂಡ್. ಆಚೇಂಗಿ ತಾಂಡ ಆತ್ಮತ್‌ನ ಕಾಪಂವೊ ಅದ್‌ನೆಲ್ಲಾ ಬುಟ್ಟಿತ್‌ ದೂರ ಇಪ್ಪ.

ಜ್ಞಾನತ್‌ರ ಪಡಿಮ 24:31

ಅದಾ, ಆ ಬೇಲ್‌ಲ್‌ ಮುಳ್ಳ್‌ಗಿಡವು ಕಚಡವು ಬೊಳ್‌ಂದಿತಿಂಜತ್. ಅದ್‌ಂಡ ಕಲ್ಲ್‌ರ ಗೋಡೆ ಬುದ್ದ್‌ಪೋಯಿತ್ತಿಂಜತ್.

ಮತ್ತಾಯ 13:7

ಚೆನ್ನ ಕುರು ಮುಳ್ಳ್ ಪೊದೆಲ್ ಬುದ್ದತ್; ಮುಳ್ಳ್ ಗಿಡ ಬೊಳ್ಂದಿತ್ ಅದ್‍ನ ನೆರ್‌ಕ್‌ಚಿ.

ರೋಮ್ 14:2

ಒಬ್ಬ ಎಂತ ಬೋಂಡ್‍ಚೇಂಗಿಯು ತಿಂಗಲೂಂದ್ ನಂಬಿಯಂಡುಂಡ್; ನಂಬಿಕೇಲ್ ಸ್ತಿರವಿಲ್ಲತಂವೊ, ತರ್ಕಾರಿನ ಮಾತ್ರ ತಿಂದಂಡುಂಡ್.

ಇಬ್ರಿಯ 6:8

ಆಚೇಂಗಿ, ಮುಳ್ಳ್ ಗಿಡ ಪಿಂಞ ಕಚ್ಚಡತ್‌ನ ತಪ್ಪ ನೆಲ ದೇವಡ ಶಾಪಕ್ ತಕ್ಕಂತದಾಯಿತುಂಡ್. ತಿತ್ತ್‌ಕ್ ಇಡ್‌ವದೇ ಅದ್ಂಡ ಅಂತ್ಯ.