ಆದ್ಯತ್‌ರ ಪುಸ್ತಕ 3:13 - ಕೊಡವ ಬೈಬಲ್

¹³ ಯೆಹೋವನಾನ ದೇವ ಆ ಪೊಣ್ಣಾಳ್‌ಕ್: ನೀನ್‌ ಎಂತ ಮಾಡಿಯಾಂದ್‌ ಕ್‍ೕಟತ್. ಅದಂಗ್‌ ಆ ಪೊಣ್ಣಾಳ್: ಆ ಪಾಂಬ್ ನಾಕ್‍ ವಂಚನೆ ಮಾಡ್‌ಚಿ, ಅದಂಗೇ ನಾನ್‌ ತಿಂದಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 3:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:18

ಅಕ್ಕ ಫರೋಹನ ಅಬ್ರಾಮನ ಕಾಕಿತ್: ನೀನ್‌ ಎನ್ನಂಗ್‌ ನಾಕ್‍ ಇನ್ನನೆ ಮಾಡಿಯ? ಇವ ನೀಡ ಪೊಣ್ಣ್‌ಂದ್‌ ನಾಕ್‍ ಎನ್ನಂಗ್‌ ಎಣ್ಣಿತ್‌ಲ್ಲೆ?

ಆದ್ಯತ್‌ರ ಪುಸ್ತಕ 44:15

ಯೋಸೇಫ ಅಯಿಂಗಕ್: ನಿಂಗ ಎಂತ ಕೆಲಸ ಮಾಡಿರ? ನಾಡಂತ ಮನುಷ್ಯಂಗ್‌ ಭವಿಷ್ಯ ಅರಿಂಜಿತ್‌ ಈ ಕಾರ್ಯತ್‌ನ ದಾರ್‌ ಮಾಡಿಯೇಂದ್‌ ನಾಕ್‍ ಗೊತ್ತಾಪಾಂದ್‌ ನಿಂಗಕ್‌ ಗೊತ್ತಿಲ್ಲೆಯಾ?

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:10

ಇಂವೊ ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಯೇಂಡುಂಡ್‌ಂದ್‌ ಅಂವೊ ಅಯಿಂಗಕ್‌ ಎಣ್ಣ್‌ನಗುಂಡ್, ಅಯಿಂಗಕ್‌ ದುಂಬ ಪೋಡಿ ಆಯಿತ್: ನೀನ್‌ ಎನ್ನಂಗ್‌ ಇನ್ನನೆ ಮಾಡಿಯಾಂದ್‌ ಕ್‍ೕಟತ್.

ಯೋಹಾನ 18:35

ಪಿಲಾತ ಯೇಸುಕ್: ನಾನ್ ದಾರ್‍ೕಂದ್ ಗೇನ ಮಾಡ್‌ವಿಯಾ? ನಾನ್ ಯೆಹೂದ್ಯನಾ? ನೀಡ ಸ್ವಂತ ಜನ, ಮುಕ್ಯ ಯಾಜಕಂಗ ನ್ಯಾಯ ಕ್‍ಟ್ಟುವಕಾಯಿತ್ ನಿನ್ನ ನಾಡ ಪಕ್ಕ ಒಪ್ಪ್‌ಚಿಟ್ಟತ್. ನೀನ್ ಎಂತ ಮಾಡಿತುಳ್ಳಿಯಾಂದ್ ಕ್‍ೕಟತ್.

ರೋಮ್ 7:11

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

1 ತಿಮೊಥೆಯ 2:14

ಇಂಞು, ಆದಾಮ, ಸೈತಾನಂಡ ವಂಚನೆಕ್ ಒಳಪಟ್ಟಿತ್‌ಲ್ಲೆ. ಪೊಣ್ಣಾಳೇ ವಂಚನೆಕ್ ಒಳಪಟ್ಟಿತ್ ಪಾಪ ಮಾಡ್‍ಚಿ.