ಆದ್ಯತ್‌ರ ಪುಸ್ತಕ 3:1 - ಕೊಡವ ಬೈಬಲ್

¹ ಯೆಹೋವನಾನ ದೇವ ಸೃಷ್ಟಿ ಮಾಡ್‌ನ ಎಲ್ಲಾ ಕಾಡ್‌ ಪ್ರಾಣಿಯಕಿಂಜ ಪಾಂಬ್ ತಂತ್‌ರ ಬುದ್ದಿ ಉಳ್ಳದಾಯಿತ್‌ಂಜತ್. ಅದ್‌ ಪೊಣ್ಣಾಳ್‌ರ ಪಕ್ಕ ಬಂದಿತ್: ಈ ತೋಟತ್‌ರ ಮರತ್‌ರ ಪಣ್ಣ್‌ಲ್‌ ಒಂದ್‌ ಸಹ ನಿಂಗ ತಿಂಬಕ್ಕಾಗಾಂದ್‌ ದೇವ ನೇರಾಯಿತು ಎಣ್ಣ್‌ಚಾಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 3:1 ပူးပေါင်းရင်းမြစ်များ

ಮತ್ತಾಯ 10:16

ನೋಟಿ, ನಿಂಗಳ ತೋಳಯಡ ಮದ್ಯತ್ ಕೊರಿಯಳ ಅಯಿಪನೆಕೆ ನಾನ್ ನಿಂಗಳ ಅಯಿಚಂಡುಳ್ಳ. ಅದ್ಂಗಾಯಿತ್ ನಿಂಗ ಪಾಂಬ್‍ರನೆಕೆ ಜಾಣವಾಯಿತು, ಪಾರಿವಾಳರನೆಕೆ ಸಾದುವಾಯಿತು ಇರಿ.

ಮತ್ತಾಯ 4:3

ಅಕ್ಕ ಸೈತಾನ ಯೇಸುರ ಪಕ್ಕ ಬಂತ್: ನೀನ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 4:6

ನೀನ್ ದೇವಡ ಮೋಂವೊನಾಚೇಂಗಿ ಇಲ್ಲಿಂಜ ಅಡಿಕ್ ಪಾರ್, ಎನ್ನಂಗೆಣ್ಣ್‌ಚೇಂಗಿ: ನಿನ್ನ ಕ‌ಪಾಡಂಡೂಂದ್ ನೀಕಾಯಿತ್ ದೇವದೂತಂಗಕ್ ದೇವ ಆಜ್ಞೆ ತಪ್ಪಾಂದೂ, ನೀಡ ಕಾಲ್‍ರ ಬೆರ ಕಲ್ಲ್‌ಲ್ ಮುಟ್ಟತನೆಕೆ, ಅಯಿಂಗ ನಿನ್ನ ಕೈಯಿಲ್ ಪೋರ್ಪಾಂದ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.

ಮತ್ತಾಯ 4:9

ನೀನ್ ಬಗ್ಗಿತ್ ನನ್ನ ಆರಾದನೆ ಮಾಡ್‍ಚೇಂಗಿ ಇದ್‍ನೆಲ್ಲ ನಾನ್ ನೀಕ್ ತಪ್ಪೀಂದ್ ಎಣ್ಣ್‌ಚಿ.

2 ಕೊರಿಂಥ 11:14

ಇದ್ ಒಂದು ಆಶ್ಚರ್ಯ ಅಲ್ಲ, ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಸಹ ಬೊಳಿರ ದೂತಂಡ ವೇಷತ್‍ನ ಇಟ್ಟಂಡುಂಡಲ್ಲ?

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

1 ಪೇತ್ರ 3:7

ಅನ್ನನೆ, ವಡಿಯಂಗಳೇ! ನಿಂಗಡ ಪೊಣ್ಣಾಳುವ ತಡೀಲ್ ಬೆಲ ಇಲ್ಲತಯಿಂಗಳಾಯಿತ್ ಉಳ್ಳಾಂಗ್, ನಿಂಗಡ ಪ್ರಾರ್ಥನೆಕ್ ತಡೆ ಬರತನೆಕೆ, ಜ್ಞಾನತ್‍ಲ್ ಅಯಿಂಗಡ ಕೂಡೆ ಬದ್‌ಕಿತ್, ನಿಂಗಡ ಕೂಡೆ ಅಯಿಂಗಳು ಕೃಪೇರ ನಿತ್ಯ ಜೀವಕ್ ಪಾಲ್‍ದಾರಂಗಳಾನಗುಂಡ್, ಅಯಿಂಗಕ್ ಬೋಂಡಿಯಾನ ಮರ್ಯಾದೆನ ಕೊಡ್‍ಕಂಡು.

ಪ್ರಕಟನೆ 12:15

ಆ ಪಾಂಬ್ ಆ ಪೊಣ್ಣಾಳ್‍ನ ಜಲಪ್ರಳಯ ಒಕ್ಕಿಯಂಡ್ ಪೋಂಡೂಂದ್ ತಾಂಡ ಬಾಯಿಂಜ ನೀರ್‌ರ ಪೊಳೆರನೆಕೆ ಬೂಕಿತ್ ಬುಟ್ಟತ್.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 20:2

ಪಿಶಾಚೀಂದ್ ಕಾಕುವ ಸೈತಾನನಾಯಿತ್ಂಜ ಪಳೆಯ ಪಾಂಬಾಯಿತುಳ್ಳ ಘಟಸರ್ಪತ್‍ನ ಪುಡ್‌ಚಿತ್, ಆಯಿರ ಕಾಲಕ್ ಅದ್‍ನ ಕೆಟ್ಟಿ ಬೆಚ್ಚತ್.