ಆದ್ಯತ್‌ರ ಪುಸ್ತಕ 28:3 - ಕೊಡವ ಬೈಬಲ್

³ ಸರ್ವಶಕ್ತತನಾನ ದೇವ ನಿನ್ನ ಆಶೀರ್ವಾದ ಮಾಡಿತ್, ನೀಕ್‌ ದುಂಬ ಸಂತಾನ ಕೊಡ್‌ತಿತ್, ನೀಡಗೊಂಡ್‌ ದುಂಬ ಜನಾಂಗ ಪುಟ್ಟಚ್.

ಆದ್ಯತ್‌ರ ಪುಸ್ತಕ 28:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:28

ಪಿಂಞ ದೇವ ಅಯಿಂಗಕ್: ನಿಂಗ ಬೂಮಿಲ್‌ ಫಲ ಕೊಡ್‌ತಿತ್, ಅಬಿವೃದ್ದಿ ಪೊಂದಿತ್‌ ಬೂಮಿನ ದುಂಬಿತ್‌ ಅದನ ಆಳ್‌ವಿಕೆ ಮಾಡಿ. ಕಡಲ್‌ಲ್‌ ಉಳ್ಳ ಎಲ್ಲಾ ಮೀನ್‌ರ ಮೇಲೆಯು, ಬಾನತ್‌ರ ಪಕ್ಷಿಯಡ ಮೇಲೆಯು ಪಿಂಞ ಬೂಮಿಲ್‌ ನಡ್‌ಪ ಎಲ್ಲಾ ಪ್ರಾಣಿಯಡ ಮೇಲೆಯು ಆಳ್‌ವಿಕೆ ಮಾಡೀಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 13:16

ನೀಡ ಸಂತಾನತ್‌ನ ಬೂಮಿರ ದೂಳ್‌ರಚ್ಚಕ್‌ ಬಲ್ಯದ್‌ ಮಾಡುವಿ. ಒಬ್ಬಂಗ್‌ ಬೂಮಿರ ದೂಳ್‌ನ ಲೆಕ್ಕ ಮಾಡುವಕ್‌ ಕಯ್ಯುವದಾಚೇಂಗಿ, ನೀಡ ಸಂತಾನತ್‌ನ ಸಹ ಲೆಕ್ಕ ಮಾಡುವಕ್‌ ಕಯ್ಯು.

ಆದ್ಯತ್‌ರ ಪುಸ್ತಕ 17:20

ಇಷ್ಮಾಯೇಲಂಡ ವಿಷಯತ್‌ಲ್‌ ನೀನ್‌ ಬೋಡ್‌ನದ್‌ ನಾಕ್‍ ಕ್‍ೕಟತ್; ನಾನ್‌ ಅಂವೊನ ಆಶೀರ್ವಾದ ಮಾಡಿತ್, ಅಂವೊನ ಅಬಿವೃದ್ದಿ ಪೊಂದ್ವನೆಕೆ ಮಾಡಿತ್, ಅಂವೊಂಡ ಸಂತಾನ ಬಲ್ಯದಾಪಕ್‌ ಮಾಡುವಿ. ಅಂವೊ ಪನ್ನೆರಂಡ್‌ ಕುಲಕ್‌ ರಾಜಕುಮಾರನ ಪಡೆಯುವ. ಅಂವೊನ ಬಲ್ಯ ಜನಾಂಗಳಾಯಿತ್‌ ಮಾಡುವಿ.

ಆದ್ಯತ್‌ರ ಪುಸ್ತಕ 24:60

ಪಿಂಞ ಅಯಿಂಗ ರೆಬೆಕ್ಕಂಗ್: ನಂಗಡ ತಂಗೆಯೇ, ನೀನ್‌ ಆಯಿರಾಯಿರ ಜನಕ್‌ ಅವ್ವಳಯಿತ್‌ ಆಂಡು. ನೀಡ ಸಂತಾನ ತಂಗಡ ಶತ್‌ರುವಡ ಪಟ್ಟಣತ್‌ನ ಸ್ವಂತವಾಯಿತ್‌ ಮಾಡಿಯೊಡ್‍ೕಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 26:24

ಆ ಬಯಿಟ್ ಯೆಹೋವ ಅಂವೊಂಗ್‌ ಕಾಂಬ್‌ಚಿಟ್ಟಿತ್: ನಾನ್‌ ನೀಡ ಅಪ್ಪನಾನ ಅಬ್ರಹಾಮಂಡ ದೇವ, ಆನಗುಂಡ್‌ ನೀನ್‌ ಬೊತ್ತತೆ, ನಾನ್‌ ನೀಡ ಕೂಡೆ ಉಳ್ಳ. ನಾಡ ಸೇವಕನಾನ ಅಬ್ರಹಾಮನಗುಂಡ್, ನಿನ್ನ ಆಶೀರ್ವಾದ ಮಾಡಿತ್, ನೀಡ ಸಂತಾನತ್‌ನ ಬಲ್ಯದ್‌ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:4

ಅಬ್ರಹಾಮ ನಾಡ ತಕ್ಕ್‌ಕ್‌ ತಗ್ಗಿತ್, ನಾನ್‌ ಎಣ್ಣ್‌ನನೆಕೆ ಮಾಡಿತ್, ನಾನ್‌ ಕೊಡ್‌ತ ಆಜ್ಞೆನ, ನಿಯಮತ್‌ನ, ಪ್ರಮಾಣತ್‌ರನೆಕೆ ನಡ್‌ಂದಂಗ್,

ಆದ್ಯತ್‌ರ ಪುಸ್ತಕ 27:33

ಅಕ್ಕ ಇಸಾಕ ಬೊತ್ತಿತ್‌ ನಡ್‍ಗಿಯಂಡ್: ನೀನ್‌ ಬಪ್ಪಕಿಂಜಿ ಮಿಂಞ ಬೋಟೆಯಾಡಿತ್‌ ಎಡ್‌ತಂಡ್‌ ಬಂದಂವೊ ದಾರ್. ನೀನ್‌ ಬಪ್ಪಕಿಂಜ ಮಿಂಞ ಅದನೆಲ್ಲ ನಾನ್‌ ಉಂಡಿತ್‌ ಅಂವೊನ ಆಶೀರ್ವಾದ ಮಾಡ್‌ನನಲ್ಲ. ಅಕ್ಕು ಅಂವೊನೇ ಆಶೀರ್ವಾದ ಪಡ್‌ಂದಂವೊನಾಯಿತ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 35:11

ಇಂಞು ದೇವ ಅಂವೊನ ನೋಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ಅಬಿವೃದ್ದಿ ಪೊಂದಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಆಪಿಯ. ನಿನ್ನಿಂಜ ಒರ್‌ ಜನಾಂಗಳು, ದುಂಬ ಗುಂಪ್ರ ಜನಾಂಗಳು ಬಪ್ಪ; ರಾಜಂಗಳು ನೀಡ ಸಂತಾನತ್‌ಂಜ ಪುಟ್ಟುವ.

ಆದ್ಯತ್‌ರ ಪುಸ್ತಕ 41:52

ನಾನ್‌ ಕಷ್ಟ ಪಟ್ಟ ದೇಶತ್‌ಲ್‌ ದೇವ ನನ್ನ ಅಬಿವೃದ್ದಿ ಮಾಡಿತ್‌ಂದ್‌ ಎಣ್ಣಿತ್‌ ಎಳೆಯ ಮೋಂವೊಂಗ್‌ ಎಫ್ರಾಯಿಮ್‌ ಎಣ್ಣಿಯಂಡ್‌ ಪೆದಬೆಚ್ಚತ್.

ಆದ್ಯತ್‌ರ ಪುಸ್ತಕ 43:14

ಅಂವೊ ನಿಂಗಡ ಮೇಲೆ ಕನಿಕರ ಬೆಚ್ಚಿತ್‌ ಸಿಮೇಯೋನನ, ಪಿಂಞ ಬೆನ್ಯಾಮೀನನ ನಿಂಗಡ ಕೂಡೆ ತಿರಿತ್‌ ಅಯಿಪಕ್‌ ಸರ್ವಶಕ್ತನಾನ ದೇವ ನಿಂಗಕ್‌ ಕರುಣೆ ಕ್‌ಟ್ಟುವನೆಕೆ ಮಾಡಡ್. ನಾನ್‌ ನಾಡ ಮಕ್ಕಳ ಕಳ್‌ದಂಡುಂದ್‌ ಇಂಜತೇಂಗಿ, ಅದ್‌ ಅನ್ನನೆ ಆಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 48:3

ಯಾಕೋಬ ಯೋಸೇಫನ ನೋಟಿತ್: ಸರ್ವಶಕ್ತನಾನ ದೇವ ಕಾನಾನ್‌ ದೇಶತ್‌ರ ಲೂಜ್ ಎಣ್ಣುವ ಜಾಗತ್‌ಲ್‌ ಅಂವೊನ ನಾಕ್‍ ಕಾಂಬ್‌ಚಿಟ್ಟಿತ್, ನನ್ನ ಆಶೀರ್ವಾದ ಮಾಡಿತ್:

ಆದ್ಯತ್‌ರ ಪುಸ್ತಕ 48:4

ನಾನ್‌ ನಿನ್ನ ಅಬಿವೃದ್ದಿ ಮಾಡಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಮಾಡಿತ್, ನಿನ್ನ ಬಲ್ಯ ಗುಂಪ್ರ ಜನಾಂಗಳಾಯಿತ್‌ ಮಾಡುವಿ. ನಾನ್‌ ಈ ಕಾನಾನ್‌ ದೇಶತ್‌ನ ನೀಕು ನೀಡ ಬಯ್ಯ ಬಪ್ಪ ನೀಡ ಸಂತಾನಕು ಕಾಲಕಾಲಕ್‌ ಸ್ವಂತವಾಯಿತ್‌ ತಪ್ಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 49:25

ನೀಡ ಅಪ್ಪಂಡ ದೇವ ನೀಕ್‌ ಸಹಾಯ ಮಾಡ್‌ವ. ಸರ್ವಶಕ್ತಿವಂತಂವೊನಾನ ದೇವ ನೀಕ್‌ ಆಶೀರ್ವಾದ ಮಾಡಡ್. ಅಂವೊ, ಕೊಡಿಲ್‌ ಸ್ವರ್‌ಗತ್‌ರ ಆಶೀರ್ವಾದತ್‌ಂಜಲೂ, ಅಡಿಲ್‌ ಬೂಮಿರ ಆಳತ್‌ಂಜ ಬಪ್ಪ ಆಶೀರ್ವಾದತ್‌ಂಜಲೂ, ಮೊಳೆ ಪಿಂಞ ಗರ್ಬತ್‌ಂಜ ಉಂಟಾಪ ಎಲ್ಲಾ ಆಶೀರ್ವಾದತ್‌ಂಜಲೂ ನಿನ್ನ ಆಶೀರ್ವಾದ ಮಾಡ್‌ವ.

ಆದ್ಯತ್‌ರ ಪುಸ್ತಕ 9:1

ಅಕ್ಕ ದೇವ ನೋಹನ ಪಿಂಞ ಅಂವೊಂಡ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಿತ್: ನಿಂಗ ಅಬಿವೃದ್ದಿ ಪೊಂದಿತ್, ನಿಂಗಡ ಸಂತಾನ ಬಲ್ಯದಾಯಿತ್, ಈ ಲೋಕತ್‌ನ ದುಂಬಿಚಿಡುವಿರ.

2 ಕೊರಿಂಥ 6:18

ಅಕ್ಕ ನಾನ್ ನಿಂಗಳ ಸ್ವೀಕಾರ ಮಾಡಿತ್, ನಿಂಗಡ ಅಪ್ಪನಾಯಿತಿಪ್ಪಿ, ನಿಂಗ ನಾಡ ಮೋನಿಯಂಗಳು ಮೋಳಿಯಂಗಳು ಆಯಿತಿಪ್ಪಿರಾಂದ್ ಸರ್ವ ಶಕ್ತಿವಂತನಾನ ಒಡೆಯ ಎಣ್ಣಿಯಂಡುಂಡ್.

ಪ್ರಕಟನೆ 21:22

ಆ ಪಟ್ಟಣತ್‍ಲ್ ನಾನ್ ದೇವಾಲಯತ್‍ನ ಕಂಡಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವ ಪಿಂಞ ಕೊರಿಕುಟ್ಟಿಯಾಯಿತುಳ್ಳಂವೊನೇ ಅದ್ಂಗ್ ದೇವಾಲಯವಾಯಿತ್ಂಜತ್.