ಆದ್ಯತ್‌ರ ಪುಸ್ತಕ 28:2 - ಕೊಡವ ಬೈಬಲ್

² ನೀನ್‌ ಪೊರ್‌ಟಿತ್‌ ಪದ್ದನ್‌ ಆರಾಮ್‌ ದೇಶತ್‌ಲ್‌ ಉಳ್ಳ ನೀಡ ಅವ್ವಂಡ ಅಪ್ಪನಾನ ಬೆತೂವೇಲಂಡ ಮನೆಕ್‌ ಪೋಯಿತ್, ಅಲ್ಲಿ ನೀಡ ಅವ್ವಂಡ ಅಣ್ಣನಾನ ಲಾಬಾನಂಡ ಮೂಡಿ ಮಕ್ಕಡತ್‌ಲ್‌ ಒಬ್ಬಳ ಮಂಗಲ ಕಯಿಚಾಂದ್‌ ಅಪ್ಪಣೆ ಕೊಡ್‌ತತ್,

ಆದ್ಯತ್‌ರ ಪುಸ್ತಕ 28:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:10

ಅಲ್ಲಿಂಜ ಆ ಸೇವಕ ತಾಂಡ ಎಜಮಾನಂಡ ಪತ್ತ್‌ ಒಂಟೆನ ತಯಾರ್‌ ಮಾಡಿತ್‌ ಪೊರ್‌ಟತ್. ತಾಂಡ ಎಜಮಾನಂಡ ಎಲ್ಲಾ ತರತ್‌ರ ನಲ್ಲ ಬೆಲೆಯುಳ್ಳ ವಸ್ತು ಅಂವೊಂಡ ಪಕ್ಕ ಇಂಜತ್. ಅಂವೊ ಅಲ್ಲಿಂಜ ಮೆಸೊಪೊತೋಮಿಯತ್‌ಲ್‌ ಅಬ್ರಹಾಮಂಡ ತಮ್ಮಣ ನಾಹೋರ ವಾಸ ಮಾಡಿಯಂಡಿಂಜ ಊರ್‌ಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 24:29

ರೆಬೆಕ್ಕಂಗ್‌ ಲಾಬಾನ ಎಣ್ಣುವ ಒರ್‌ ಅಣ್ಣ ಇಂಜತ್. ಅಂವೊ ಬುಗ್ಗೆರ ಪಕ್ಕ ಇಂಜ ಆ ಮನುಷ್ಯನ ಕಾಂಬಕ್‌ ಪೊರ್ಮೆ ಓಡಿ ಪೋಚಿ.

ಆದ್ಯತ್‌ರ ಪುಸ್ತಕ 24:4

ಆಚೇಂಗಿ ನೀನ್‌ ನಾನ್‌ ಪುಟ್ಟ್‌ನ ದೇಶಕ್‌ ಪೋಯಿತ್, ನಾಡ ಬೆಂದ್‌ಕಡಲ್ಲಿಕ್‌ ಪೋಯಿತ್, ನಾಡ ಮೋಂವೊನಾನ ಇಸಾಕಂಗ್‌ ಮಂಗಲ ಕಯಿಪಕ್‌ ಒರ್‌ ಮೂಡಿನ ಕಾಕಿಯಂಡ್‌ ಬಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 24:50

ಅದ್‌ಂಗ್‌ ಲಾಬಾನ ಪಿಂಞ ಬೆತೂವೇಲ, ಈ ಕಾರ್ಯ ಯೆಹೋವಯಿಂಜ ಬಂದದ್. ಆನಗುಂಡ್‌ ನಂಗಕ್‌ ನಲ್ಲದ್‌ ಕೆಟ್ಟದ್‌ ಒಂದು ಎಣ್ಣ್‌ವಕ್‌ ಆಪುಲೆ.

ಆದ್ಯತ್‌ರ ಪುಸ್ತಕ 25:20

ಇಸಾಕ ರೆಬೆಕ್ಕಳ ಮಂಗಲ ಕಯಿಪಕ ಅಂವೊಂಗ್‌ ನಾಪದ್‌ ವಯಸ್ಸಾಯಿತ್‌ಂಜತ್. ಇವ ಪದ್ದನ್‌ ಅರಾಮ್‌ ಎಣ್ಣುವ ಸಿರಿಯ ದೇಶಕ್‌ ಕೂಡ್‌ನಂವೊನಾನ ಬೆತೂವೇಲಂಗ್‌ ಮೋವಳು, ಸಿರಿಯ ದೇಶಕ್‌ ಕೂಡ್‌ನಂವೊನಾನ ಲಾಬಾನಂಡ ತಂಗೆಯು ಆಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 28:5

ಅಲ್ಲಿಂಜ ಇಸಾಕ ಯಾಕೋಬನ ಅಯಿಚತ್. ಅಂವೊ ಪದ್ದನ್‌ ಅರಾಮ್‌ಲ್‌ ಉಳ್ಳ ತಾಂಗು ತಾಂಡ ಅಣ್ಣನಾನ ಏಸಾಂಗು ಅವ್ವಳಾನ ರೆಬೆಕ್ಕಂಡ ಅಣ್ಣನಾಯಿತುಳ್ಳ ಅರಾಮ್ಯ ದೇಶಕ್‌ ಕೂಡ್‌ವಂವೊನಾನ ಬೆತೂವೇಲಂಡ ಮೋಂವೊನಾಯಿತ್‌ಂಜ ಲಾಬಾನಂಡ ಪಕ್ಕ ಪೋಚಿ.

ಆದ್ಯತ್‌ರ ಪುಸ್ತಕ 29:1

ಅಲ್ಲಿಂಜ ಯಾಕೋಬ ಅಂವೊಂಡ ಬಟ್ಟೆಲ್‌ ಪೊರ್‌ಟತ್. ಅಂವೊ ಕ್‍ೕಕ್‌ ದಿಕ್ಕ್‌ಲ್‌ ಉಳ್ಳ ಒರ್‌ ಊರ್‌ಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 31:18

ತಾನ್‌ ವಾಸಮಾಡ್‌ನ ಪದ್ದನ್‌ ಅರಾಮ್‌ ದೇಶತ್‌ಲ್‌ ಸಂಪಾದನೆ ಮಾಡ್‌ನ ಎಲ್ಲಾ ವಸ್ತುನ ಎಡ್‌ತಂಡ್‌ ಪಿಂಞ ಎಲ್ಲಾ ಎತ್ತ್‌ಕಡ್‌ಚಿಯಳ ತಾಂಡ ಮಿಂಞತ್‌ ಅಟ್ಟಿಯಂಡ್‌ ತಾಂಡ ಅಪ್ಪ ಇಸಾಕ ವಾಸ ಮಾಡಿಯಂಡಿಂಜ ಕಾನಾನ್‌ ದೇಶಕ್‌ ಪೊರ್‌ಟತ್.

ಆದ್ಯತ್‌ರ ಪುಸ್ತಕ 32:10

ನೀಡ ಸೇವಕನಾನ ನಾಡ ಮೇಲೆ ನೀನ್‌ ಕಾಟ್‌ನ ಎಲ್ಲಾ ಪ್ರೀತಿಕು, ನೀನ್‌ ಬೆಚ್ಚಿತುಳ್ಳ ಎಲ್ಲಾ ನಂಬಿಕೆಕು ನಾನ್‌ ಎಚ್ಚಕು ಯೋಗ್ಯನಲ್ಲ . ಮಿಂಞ ನಾನ್‌ ಈ ಯೊರ್ದನ್‌ ಪೊಳೆನ ದಾಟ್‌ವಕ ನಾಡ ಕೈಯಿಲ್‌ ಬರಿ ಕೋಲ್‌ ಮಾತ್‌ರ ಇಂಜತ್. ಇಕ್ಕ ನಾನ್‌ ದಂಡ್‌ ಗುಂಪ್‌ಕ್‌ ಎಜಮಾನನಾಯಿತುಳ್ಳ.

ಆದ್ಯತ್‌ರ ಪುಸ್ತಕ 33:18

ಯಾಕೋಬ ಪದ್ದನ್‌ ಆರಾಮಿಂಜ ಬಂದ ಪಿಂಞ ಕಾನಾನ್‌ ದೇಶತ್‌ರ ಶಾಲೇಮ್‌ ಎಣ್ಣುವ ಶೆಕೆಮ್‌ ಪಟ್ಟಣನಕ್‌ ಎತ್ತ್‌ಚಿ. ಆ ಪಟ್ಟಣತ್‌ರ ಮಿಂಞತ್‌ ತಾಂಡ ಗುಡಾರತ್‌ನ ಇಟ್ಟತ್.

ಆದ್ಯತ್‌ರ ಪುಸ್ತಕ 35:9

ಯಾಕೋಬ ಪದ್ದನ್‌ ಅರಾಮ್ಯಿಂಜ ಬೇತೇಲ್‌ಕ್‌ ಎತ್ತುವಕ ದೇವ ಪುನಃ ಅಂವೊಂಗ್‌ ಕಾಂಬ್‌ಚಿಟ್ಟಿತ್, ಅಲ್ಲಿ ಅಂವೊನ ಆಶೀರ್ವಾದ ಮಾಡಿತ್:

ಆದ್ಯತ್‌ರ ಪುಸ್ತಕ 46:15

ಇಯಂಗೆಲ್ಲಾ ಲೇಯಾಳಂಡ ಕ್‌ಣ್ಣ ಮಕ್ಕ. ಅವ ಈ ಕ್‌ಣ್ಣ ಮಕ್ಕಡ ಕೂಡೆ ದೀನ ಎಣ್ಣುವ ಒರ್‌ ಮೂಡಿ ಕುಂಞಿನ ಪದ್ದನ್‌ ಆರಾಮ್‌ಲ್‌ ಯಾಕೋಬಂಗ್‌ ಪೆತ್ತತ್. ಕ್‌ಣ್ಣ ಪಿಂಞ ಮೂಡಿ ಮಕ್ಕಳ ಒಟ್ಟ್‌ ಕೂಟಿತ್‌ ಲೇಯಳಿಂಜ ಅಂವೊಂಡ ಸಂತಾನ ನುಪ್ಪತ್ಮೂಂದ್‌ ಜನ ಇಂಜತ್.