ಆದ್ಯತ್‌ರ ಪುಸ್ತಕ 28:1 - ಕೊಡವ ಬೈಬಲ್

¹ ಅಕ್ಕ ಇಸಾಕ ಯಾಕೋಬನ ಕಾಕಿತ್‌ ಅಂವೊನ ಆಶೀರ್ವಾದ ಮಾಡಿತ್: ನೀನ್‌ ಕಾನಾನಿಯರಡ ಮೂಡಿಯಳ ಮಂಗಲ ಕಯಿಪಕ್ಕಾಗ.

ಆದ್ಯತ್‌ರ ಪುಸ್ತಕ 28:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:3

ನೀನ್, ನಾಡ ಮೋಂವೊಂಗ್‌ ನಾನ್‌ ವಾಸಮಾಡಿಯಂಡುಳ್ಳ ಕಾನಾನ್‌ ದೇಶತ್‌ಂಜ ಮೂಡಿನ ಕೊಂಡ ಬಪ್ಪ್‌ಲೇಂದ್, ಬಾನಕು ಬೂಮಿಕು ದೇವನಾಯಿತುಳ್ಳ ಯೆಹೋವಂಡ ಮೇಲೆ ಆಣೆ ಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 24:37

ಇದ್‌ಲ್ಲತೆ ನಾಡ ಎಜಮಾನ ನನ್ನ ನೋಟಿತ್‌ ಇನ್ನನೆ ಆನೆ ಎಡ್‌ತ್ತಂಡತ್: ನಾನ್‌ ವಾಸ ಮಾಡಿಯಂಡುಳ್ಳ ಕಾನಾನ್‌ ದೇಶತ್‌ಂಜ ನಾಡ ಮೋಂವೊಂಗ್‌ ಮೂಡಿನ ಕೂಟಿಯಂಡ್‌ ಬಪ್ಪಕ್ಕಾಗ.

ಆದ್ಯತ್‌ರ ಪುಸ್ತಕ 24:4

ಆಚೇಂಗಿ ನೀನ್‌ ನಾನ್‌ ಪುಟ್ಟ್‌ನ ದೇಶಕ್‌ ಪೋಯಿತ್, ನಾಡ ಬೆಂದ್‌ಕಡಲ್ಲಿಕ್‌ ಪೋಯಿತ್, ನಾಡ ಮೋಂವೊನಾನ ಇಸಾಕಂಗ್‌ ಮಂಗಲ ಕಯಿಪಕ್‌ ಒರ್‌ ಮೂಡಿನ ಕಾಕಿಯಂಡ್‌ ಬಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 27:4

ಅನ್ನನೆ ಬೋಟೆಯರ್ಚಿಲ್‌ ನಾಕ್‍ ಕುಸಿ ಆಪನೆಕೆ ಅಡಿಗೆ ಮಾಡಿತ್‌ ಎಡ್‌ತಂಡ್‌ ಬಾ. ನಾನ್‌ ಅದ್‌ನ ಉಂಡಿತ್‌ ನಾನ್‌ ಚಾವಕ್‌ ಮಿಂಞ ನಾಡ ಆತ್ಮತ್‌ಂಜ ನಿನ್ನ ಆಶೀರ್ವಾದ ಮಾಡ್‌ವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 27:46

ಅಲ್ಲಿಂಜ ರೆಬೆಕ್ಕ ಇಸಾಕಂಗ್: ಹಿತ್ತಿಯಂಡ ಮೂಡಿಯಯಿಂಜ ನಾಡ ಬದ್‌ಕ್‌ ನಾಕ್‍ ಮದಿಯಾಚಿ. ಈ ದೇಶತ್‌ ಮೂಡಿಯಳಾನ ಹಿತ್ತಿಯಂಡ ಒರ್‌ ಮೂಡಿನ ಯಾಕೋಬ ಮಂಗಲ ಕಯಿಚತೇಂಗಿ, ನಾನ್‌ ಬದ್‌ಕಿತ್‌ ಎಂತ ಪ್ರಯೋಜನಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 28:6

ಇಸಾಕ ಯಾಕೋಬನ ಆಶೀರ್ವಾದ ಮಾಡಿತ್‌ ಪದ್ದನ್‌ ಅರಾಮ್‌ಲ್‌ ಒರ್‌ ಮೂಡಿನ ಮಂಗಲ ಕಯಿಪ್ಪಕಾಯಿತ್‌ ಆಯಿಚಿತ್‍ೕಂದು, ಅಂವೊ ಯಾಕೋಬಂಗ್‌ ಆಶೀರ್ವಾದ ಮಾಡಿತ್: ನೀನ್‌ ಕಾನಾನ್ಯರಯಿಂಗಡ ಮೂಡಿಯಳ ಮಂಗಲ ಕಯಿಪಕ್ಕಾಗಾಂದ್‌ ಅಪ್ಪಣೆ ಕೊಡ್‌ತದು,

ಆದ್ಯತ್‌ರ ಪುಸ್ತಕ 34:16

ಅಂದಕ ಮಾತ್‌ರ ನಂಗ ನಂಗಡ ಮೂಡಿಯಳ ನಿಂಗಕ್‌ ತಂದಿತ್, ನಿಂಗಡ ಮೂಡಿಯಳ ನಂಗ ಎಡ್‌ತಿತ್, ನಿಂಗಡ ಕೂಡೆ ವಾಸಯಿಂಜಿತ್, ಒರೇ ಜನವಾಯಿತ್‌ ಇಪ್ಪ.

ಆದ್ಯತ್‌ರ ಪುಸ್ತಕ 34:9

ಇದಲ್ಲಾತೆ ಮಂಗಲತ್‍ರ ಮೂಲಕ ನಂಗ ಎಲ್ಲಾರು ಒಂದಾಕನ. ನಿಂಗಡ ಮೂಡಿಯಳ ನಂಗಕ್‌ ತಾರಿ. ನಂಗಡ ಮೂಡಿಯಳ ನಿಂಗ ಎಡ್‌ತೊಳಿ.

ಆದ್ಯತ್‌ರ ಪುಸ್ತಕ 38:2

ಅಲ್ಲಿ ಅಂವೊ ಒರ್‌ ಕಾನಾನ್ಯನಾನ ಶೂಗ ಎಣ್ಣುವಂವೊಂಡ ಮೋವಳ ಕಂಡಿತ್, ಅವಳ ಮಂಗಲ ಕಯಿಚಿತ್, ಅವಡ ಕೂಡೆ ಕೂಡ್‌ಚಿ.

ಆದ್ಯತ್‌ರ ಪುಸ್ತಕ 48:15

ಅಲ್ಲಿಂಜ ಯೋಸೇಫನ ಆಶೀರ್ವಾದ ಮಾಡಿತ್: ನಾಡ ಮುತ್ತಜ್ಜಂಗಳಾನ ಅಬ್ರಹಾಮನು, ಇಸಾಕನು ಆರಾದನೆ ಮಾಡ್‌ನ ದೇವ ಇಯಿಂಗಳ ಆಶೀರ್ವಾದ ಮಾಡಡ್. ನಾನ್‌ ಪುಟ್ಟ್‌ನ ದಿವಸತ್‌ಂಜ ಇಲ್ಲಿಕತ್ತನ ನನ್ನ ನಡ್‌ತಿಯಂಡ್‌ ಬಂದ ದೇವ ಇಯಿಂಗಳ ಆಶೀರ್ವಾದ ಮಾಡಡ್.

ಆದ್ಯತ್‌ರ ಪುಸ್ತಕ 49:28

ಈಂಗೆಲ್ಲಾರು ಇಸ್ರಾಯೇಲ್‌ರಗೊಂಡ್‌ ಪುಟ್ಟ್‌ನ ಪನ್ನೆರಂಡ್‌ ಕುಲಕ್‌ ಕೂಡ್‌ನಯಿಂಗ. ಅಯಿಂಗಡ ಅಪ್ಪ ಅಯಿಂಗಕ್‌ ಆಶೀರ್ವಾದ ಮಾಡ್‌ವಕ ಅಯಿಂಗಕ್‌ ಎಣ್ಣ್‌ನದ್‌ ಇದೇ: ಅಯಿಂಗಯಿಂಗಕ್‌ ಸೆರಿಯಾಯಿತ್‌ ಆಶೀರ್ವಾದತ್‌ನ ಮಾಡಿಯೆ.

ಆದ್ಯತ್‌ರ ಪುಸ್ತಕ 6:2

ದೇವಡ ಗುಣಕ್‌ ಕೂಡ್‌ನ ಕ್‌ಣ್ಣ ಮಕ್ಕ, ಈ ಲೋಕತ್‌ರ ಗುಣಕ್‌ ಕೂಡ್‌ನ ಮೂಡಿಯ ಕಾಂಬಕ್‌ ಚಾಯ ಉಂಡ್‍ೕಂದ್‌ ಕಂಡಿತ್, ಅಯಿಂಗಕ್‌ ಕುಶಿಯಾನ ಮೂಡಿಯಳ ಅಯಿಂಗಕಯಿಂಗಕ್‌ ಪೊಣ್ಣಾಯಿತ್‌ ಗೊತ್ತ್‌ ಮಾಡಿಯಂಡತ್.