ಆದ್ಯತ್‌ರ ಪುಸ್ತಕ 27:29 - ಕೊಡವ ಬೈಬಲ್

²⁹ ಎಲ್ಲಾ ಜನ ನೀಕ್‌ ಸೇವೆ ಮಾಡಿತ್, ಜನಾಂಗ ನೀಕ್‌ ಅಡ್ಡ ಬುದ್ದಿತ್‌ ಕೊಂಡಾಡಡ್. ನೀಡ ಅಣ್ಣತಮ್ಮಣಂಗಕ್‌ ನೀನೆ ಯಜಮಾನನಾಯಿತ್‌ ಇಪ್ಪಿಯ. ನೀಡ ಅವ್ವಂಡ ಮಕ್ಕ ಎಲ್ಲಾರು ನೀಕ್‌ ಅಡ್ಡ ಬೂವಡ್. ನೀಕ್‌ ಶಾಪ ಇಡುವಯಿಂಗಕ್‌ ಶಾಪ ಕ್‌ಟ್ಟ್‌ವ. ನೀಕ್‌ ಆಶೀರ್ವಾದ ಮಾಡುವಯಿಂಗಕ್‌ ಆಶೀರ್ವಾದ ಕ್‌ಟ್ಟ್‌ವಾಂದ್‌ ಎಣ್ಣಿತ್‌ ಅಂವೊನ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 27:29 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:3

ನಿನ್ನ ಆಶೀರ್ವಾದ ಮಾಡುವಯಿಂಗಳ, ನಾನ್‌ ಆಶೀರ್ವಾದ ಮಾಡುವಿ, ನೀಕ್‌ ಶಾಪ ಇಡ್‌ವಯಿಂಗಳ ನಾನ್‌ ಶಾಪ ಇಡುವಿ. ಈ ಬೂಮಿಲ್‌ ಉಳ್ಳ ಎಲ್ಲಾ ವಂಶವು ನೀಡ ಮೂಲಕ ಆಶೀರ್ವಾದ ಪೊಂದುವಾಂದ್‌ ಎಣ್ಣ್‌ಚಿ.

ರೋಮ್ 9:12

ದೇವ ಆಯ್ಕೆ ಮಾಡ್‌ವ ಅಂವೊಂಡ ತೀರ್ಮಾನ, ಕ್ರಿಯೇನಗುಂಡು ಅಲ್ಲ, ಕಾಕ್‌ನಂವೊನಗುಂಡ್‍ೕಂದ್ ಉಳ್ಳದ್‍ನ ಸ್ತಿರಪಡ್‌ತ್‍ವಕಾಯಿತ್, ಬಲ್ಯಂವೊ ಎಳಿಯವೊಂಗ್ ಸೇವೆ ಮಾಡ್‌ವಾಂದ್ ಅವಕ್ ಎಣ್ಣಿತ್ಂಜತ್.

ಆದ್ಯತ್‌ರ ಪುಸ್ತಕ 37:7

ನಂಗೆಲ್ಲಾರು ಬೇಲ್‌ಲ್‌ ಕದ್‌ನ ಕೆಟ್ಟಿಯಂಡಿಂಜತ್. ಅಕ್ಕ ನಾಡ ಕೆಟ್ಟ್‌ ಎದ್ದ್ ನಿಂದತ್. ಅದಾ, ನಿಂಗಡ ಕೆಟ್ಟ್‌ಯೆಲ್ಲ ಸುತ್ತ್‌ ಕೂಡಿತ್‌ ನಾಡ ಕೆಟ್ಟ್‌ರ ಮಿಂಞತ್‌ ಅಡ್ಡ ಬುದ್ದತ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 27:37

ಅದ್‌ಂಗ್‌ ಇಸಾಕ ಏಸಾವಂಗ್: ನಾಡ ಮೋನೇ, ಅಂವೊನ ನೀಕ್‌ ಯಜಮಾನನಾಯಿತ್‌ ಮಾಡಿಯೆ. ಅಂವೊಂಡ ಅಣ್ಣತಮ್ಮಣಂಗಳ ಅಂವೊಂಗ್‌ ಆಳಾಯಿತ್‌ ಇರಡ್‍ೕಂದ್‌ ಆಶೀರ್ವಾದ ಮಾಡಿಯೆ. ಅಂವೊಂಗ್‌ ಬೋಂಡಿಯಚ್ಚಕ್‌ ಕಾಳ್‌ ಪಿಂಞ ದ್ರಾಕ್ಷಿರಸ ಕ್‌ಟ್ಟಡ್‍ೕಂದ್‌ ಆಶೀರ್ವಾದ ಮಾಡಿಯೆ. ನೀಕ್‌ ತಪ್ಪಕ್‌ ನಾಡ ಪಕ್ಕ ಇಂಞು ಎಂತ ಬಾಕಿ ಉಂಡ್, ನಾನ್‌ ಎಂತ ಮಾಡಡ್‍ೕಂದ್‌ ಎಣ್ಣ್‌ಚಿ.

ಪ್ರಕಟನೆ 19:16

ಅಂವೊಂಡ ತೊಡೇರ ಮೇಲೆ ಪಿಂಞ ಬಟ್ಟೇರ ಮೇಲೆ ರಾಜಾದಿ ರಾಜ ದೇವಾದಿ ದೇವಾಂದ್ ಒಳ್‍ದಿತ್ಂಜತ್.

ಮತ್ತಾಯ 25:45

ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಎಕ್ಕ ಸಹಾಯ ಮಾಡಿತ್‌ಲ್ಲೆಯೋ ಅಕ್ಕಲೆ ನಿಂಗ ನಾಕ್ ಮಾಡಿತ್‌ಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ವ.

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 25:33

ಅಕ್ಕ ಯಾಕೋಬ: ಅಂದಕ ನೀನ್‌ ಇಕ್ಕಲೆ ಆ ಹಕ್ಕ್‌ ನಾಡದ್‌ ಎಣ್ಣಿಯಂಡ್‌ ಆಣೆ ಮಾಡಿ ತಾಂದ್‌ ಎಣ್ಣ್‌ಚಿ. ಅದ್‌ಂಗ್‌ ಏಸಾವ ಆಣೆ ಮಾಡಿತ್, ಪೆರಿಯ ಮೋಂವೋಂದ್‌ ಉಳ್ಳ ತಾಂಡ ಜನ್ಮ ಹಕ್ಕ್‌ನ ಯಾಕೋಬಂಗ್‌ ಕೊಡ್‌ತ್‌ರ್‌ತ್.

ಆದ್ಯತ್‌ರ ಪುಸ್ತಕ 9:27

ಯೆಹೋವನಾನ ದೇವ ಯೆಫೆತ್‌ರ ಜಾಗತ್‌ನ ಬಲ್ಯದ್‌ ಮಾಡಡ್‌ ಪಿಂಞ ಶೇಮಂಡ ಅಬಿವೃದ್ದಿಲ್‌ ಅಂವೊಂಗು ಪಾಲ್‌ ಕ್‌ಟ್ಟಡ್. ಕಾನಾನ್‌ ಅಂವೊಂಗ್‌ ಅಡಿಯಾಳಾಯಿತ್‌ ಇರಡ್.

ಆದ್ಯತ್‌ರ ಪುಸ್ತಕ 27:30

ಇಸಾಕ ಯಾಕೋಬನ ಆಶೀರ್ವಾದ ಮಾಡಿತ್‌ ಅಂವೊ ಅಲ್ಲಿಂಜ ಪೊರ್‌ಟಿತಾನ ಚೆನ್ನ ಪಿಂಞ, ಅಂವೊಂಡ ಅಣ್ಣನಾನ ಏಸಾವ ಬೋಟೆಕ್‌ ಪೋಯಿತ್‌ ತಿರಿತ್‌ ಬಾತ್.

ಆದ್ಯತ್‌ರ ಪುಸ್ತಕ 27:40

ನೀನ್‌ ಬಾಳ್‌ನಗುಂಡ್‌ ಬದ್‌ಕುವಿಯ. ನೀನ್‌ ನೀಡ ತಮ್ಮಣನಂಗ್‌ ಸೇವೆ ಮಾಡ್‌ವಿಯ; ಆಚೇಂಗಿ, ನೀನ್‌ ದಂಗೆ ಏವಕ, ಅಂವೊಂಡ ಪುಡಿತತ್‌ಂಜ ಪಾರಾಪಿಯಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 37:10

ಈ ಸ್ವಪ್ನತ್‌ನ ತಾಂಡ ಅಪ್ಪಂಗು ಅಣ್ಣಂಗಕು ಎಣ್ಣ್‌ವಕ, ಅಂವೊಂಡ ಅಪ್ಪ ಅಂವೊನ ನೋಟಿತ್: ನೀನ್‌ ಎಂತಾ ಸ್ವಪ್ನ ಕಂಡಿಯಾ? ನಾನು, ನೀಡ ಅವ್ವಳು, ನೀಡ ಅಣ್ಣತಮ್ಮಣಂಗಳು ನೀಡ ಮಿಂಞತ್‌ ಅಡ್ಡ ಬೂವಾಂದ್‌ ಎಣ್ಣಿಯಂಡುಳ್ಳಿಯಾಂದ್‌ ಕ್‍ೕಟಿತ್‌ ಅಂವೊನ ಬಜ್ಜತ್.