ಆದ್ಯತ್‌ರ ಪುಸ್ತಕ 26:5 - ಕೊಡವ ಬೈಬಲ್

⁵ ನಾನ್‌ ನೀಡ ಸಂತಾನತ್‌ನ ಬಾನತ್‌ರ ಮೀನ್‌ರಚ್ಚಕ್‌ ಬಲ್ಯದ್‌ ಮಾಡುವಿ. ನೀಡ ಸಂತಾನಕ್‌ ಈ ದೇಶತ್‌ನೆಲ್ಲಾ ತಪ್ಪಿ; ನೀಡ ಸಂತಾನತ್‌ರ ಮೂಲಕ ಈ ಲೋಕತ್‌ ಉಳ್ಳ ಇಡೀ ಜನಾಂಗ ಆಶೀರ್ವಾದ ಪೊಂದುವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:4

ಯೆಹೋವ ಎಣ್ಣ್‌ನ ಪ್ರಕಾರ ಅಬ್ರಾಮ ಅಲ್ಲಿಂಜ ಪೊರ್‌ಟ್ ಪೋಚಿ. ಅಂವೊಂಡ ಕೂಡೆ ಲೋಟನು ಪೊರ್‌ಟ್ ಪೋಚಿ. ಅಬ್ರಾಮ ಹಾರಾನ್‌ ಪಟ್ಟಣತ್‌ನ ಬುಟ್ಟಿತ್‌ ಪೋಪಕ ಅಂವೊಂಗ್‌ ಎಳ್‌ವತಂಜಿ ವಯಸ್ಸ್‌ ಆಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 17:23

ಅದೇ ದಿವಸತ್‌ಲ್‌ ಅಬ್ರಹಾಮ ತಾಂಡ ಮೋಂವೊ ಇಷ್ಮಾಯೇಲನ ಪಿಂಞ ಅಂವೊಂಡ ಮನೆಲ್ ಪುಟ್ಟ್‌ನ ಎಲ್ಲಾ ಆಣಾಳ್‌ವಳ ಪಿಂಞ ಕ್ರಯಕ್‌ ಎಡ್‌ತ ಬಂದ ಎಲ್ಲಾ ಆಣಾಳ್‌ವಳ ಯೆಹೋವ ಎಣ್ಣ್‌ನನೆಕೆ ಸುನ್ನತಿ ಮಾಡಿಚಿಟ್ಟತ್.

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:16

ನೀನ್‌ ಅಂವೊನ ನೀಡ ಮೋಂವೋಂದ್‌ ನೋಟತೆ, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ಅಂವೊನ ಒಪ್ಪ್‌ಚಿಟ್ಟಿತ್‌ ಈ ಕಾರ್ಯತ್‌ನ ಮಾಡ್‍ನಗುಂಡ್,

ಆದ್ಯತ್‌ರ ಪುಸ್ತಕ 22:18

ನೀನ್‌ ನಾಡ ತಕ್ಕ್‌ಕ್‌ ತಗ್ಗಿತ್‌ ನಡ್‌ಂದಗುಂಡ್‌ ನೀಡ ಸಂತಾನತ್‌ರ ಮೂಲಕ ಈ ಬೂಮಿಲ್‌ ಉಳ್ಳ ಎಲ್ಲಾ ಜನಾಂಗಳು ಆಶೀರ್ವಾದ ಪೊಂದುವಾಂದು ಯೆಹೋವ ಅಂವೊಂಡ ಮೇಲೆ ಆಣೆ ಮಾಡಿತ್‌ ಎಣ್ಣಿಚೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:6

ಇಸಾಕ ಗೆರಾರ್‌ಲ್‌ ವಾಸ ಮಾಡ್‌ಚಿ.

ಮತ್ತಾಯ 5:19

ಆನಗುಂಡ್ ಒಬ್ಬ, ನ್ಯಾಯಪ್ರಮಾಣತ್‍ಲ್ ಉಳ್ಳ ಒರ್ ಚೆರಿಯ ವಿಷಯಕ್ ಸಹ ಬಗ್ಗಿತ್ ನಡ್‍ಕತೆ ಪೋಯಿತ್, ಅನ್ನನೆ ಬೋರೆಯಿಂಗಕು ಬೋದನೆ ಮಾಡ್‌ವಂವೊ ಪರಲೋಕ ರಾಜ್ಯತ್‍ಲ್ ಎಲ್ಲಾರ್ಕಿಂಜ ಚೆರಿಯವಂವೊನಾಯಿತ್‌ಪ್ಪ. ಇದ್‍ನೆಲ್ಲ ಮಾಡಿತ್ ಅನ್ನನೆ ಬೋದನೆ ಮಾಡ್‌ವಂವೊ ಪರಲೋಕ ರಾಜ್ಯತ್‍ಲ್ ಎಲ್ಲಾರ್ಕಿಂಜ ಬಲ್ಯಂವೊನಾಯಿತ್‌ಪ್ಪ.

ಮತ್ತಾಯ 7:24

ನಾಡ ಬೋದನೆನ ಚಾಯಿತೆ ಕ್‍ೕಟಿತ್, ಅದ್ಂಡ ಪ್ರಕಾರ ನಡ್‍ಪಯಿಂಗ ಬಂಡೆ ಕಲ್ಲ್‌ರ ಮೇಲೆ ಮನೆ ಕೆಟ್ಟ್‌ನ ಬುದ್ದಿವಂತ ಮನುಷ್ಯಂಡನೆಕೆ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಇಬ್ರಿಯ 11:8

ನಂಬಿಕೇರ ಮೂಲಕ, ಅಬ್ರಹಾಮ ತಾಂಗ್ ಬಾದ್ಯತೆಯಾಯಿತ್ ಕ್‍ಟ್ಟ್‌ವಕುಳ್ಳ ಜಾಗಕ್ ಪೋಪಕ್ ದೇವ ಕಾಕ್‍ವಕ, ತಗ್ಗಿತ್, ತಾನ್ ಎಲ್ಲಿ ಪೋಯಂಡುಳ್ಳ್‌ಂದ್ ಗೊತ್ತಿಲ್ಲತೆ ಪೊರಟಿತ್ ಪೋಚಿ.

ಯಾಕೋಬ 2:21

ನಂಗಡ ಅಪ್ಪನಾನ ಅಬ್ರಹಾಮ ತಾಂಡ ಕುಂಞಿ ಇಸಾಕನ ದೇವ ಎಣ್ಣ್‌ನ ಪ್ರಕಾರ ತ್ಯಾಗ ಅರ್ಪಣೆ ಮಾಡ್‌ವಕಾಯಿತ್ ಬಲಿಪೀಠತ್‍ಲ್ ಕೊಲ್ಲ್‌ವಕಾಯಿತ್ ಅರ್ಪಿಚಿಡುವಂತ ಕ್ರಿಯೇಯಿಂಜತಾನೆ ನೀತಿವಂತವೊನಾಚಿ?