ಆದ್ಯತ್‌ರ ಪುಸ್ತಕ 26:34 - ಕೊಡವ ಬೈಬಲ್

³⁴ ಏಸಾವಂಗ್‌ ನಾಪ್ಪದ್‌ ವಯಸ್ಸ್‌ ಆಪಕ ಹಿತ್ತಿಯನಾನ ಬೇರಿಯಂಡ ಮೋವಳಾನ ಯೆಹೂದೀತಳ ಪಿಂಞ ಹಿತ್ತಿಯನಾನ ಏಲೋನಂಡ ಮೋವಳಾನ ಬಾಸೆಮತಳ ಮಂಗಲ ಕಯಿಚಂಡತ್.

ಆದ್ಯತ್‌ರ ಪುಸ್ತಕ 26:34 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:3

ನೀನ್, ನಾಡ ಮೋಂವೊಂಗ್‌ ನಾನ್‌ ವಾಸಮಾಡಿಯಂಡುಳ್ಳ ಕಾನಾನ್‌ ದೇಶತ್‌ಂಜ ಮೂಡಿನ ಕೊಂಡ ಬಪ್ಪ್‌ಲೇಂದ್, ಬಾನಕು ಬೂಮಿಕು ದೇವನಾಯಿತುಳ್ಳ ಯೆಹೋವಂಡ ಮೇಲೆ ಆಣೆ ಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 27:46

ಅಲ್ಲಿಂಜ ರೆಬೆಕ್ಕ ಇಸಾಕಂಗ್: ಹಿತ್ತಿಯಂಡ ಮೂಡಿಯಯಿಂಜ ನಾಡ ಬದ್‌ಕ್‌ ನಾಕ್‍ ಮದಿಯಾಚಿ. ಈ ದೇಶತ್‌ ಮೂಡಿಯಳಾನ ಹಿತ್ತಿಯಂಡ ಒರ್‌ ಮೂಡಿನ ಯಾಕೋಬ ಮಂಗಲ ಕಯಿಚತೇಂಗಿ, ನಾನ್‌ ಬದ್‌ಕಿತ್‌ ಎಂತ ಪ್ರಯೋಜನಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 28:8

ತಾಂಡ ಅಪ್ಪನಾನ ಇಸಾಕಂಗ್‌ ಕಾನಾನ್ಯ ಪೊಣ್ಣಾಳ್‌ವಳ ಮಂಗಲ ಕಯಿಪದ್‌ ಚೆನ್ನಂಗು ಕುಶಿ ಇಲ್ಲೇಂದ್‌ ಏಸಾವಂಗ್‌ ಗೊತ್ತಾನಗುಂಡ್,

ಆದ್ಯತ್‌ರ ಪುಸ್ತಕ 28:9

ಏಸಾವ, ತಾಂಗ್‌ ಮಂಗಲ ಆಯಿತ್‌ ಪೊಣ್ಣಾಳ್‌ವ ಇಂಜತೇಂಗಿಯು, ಪುನಃ ಅಬ್ರಹಾಮಂಡ ಮೋಂವೊನಾನ ಇಷ್ಮಾಯೇಲಂಡ ಮೋವಳು ನೆಬಾಯೋತಂಡ ತಂಗೆಯು ಆನ ಮಹಲತಳ ಸಹ ಮಂಗಲ ಕಯಿಚತ್.

ಆದ್ಯತ್‌ರ ಪುಸ್ತಕ 36:13

ರೆಗೂವೇಹಲಂಡ ಮಕ್ಕ ನಹತ್, ಜೆರಹ, ಶಮ್ಮಾ, ಮಿಜ್ಜಾ ಎಣ್ಣುವಯಿಂಗಳೇ. ಈಂಗಳೇ ಏಸಾವಂಡ ಪೊಣ್ಣ್‌ ಆನ ಬಾಸೆಮತಳಂಡ ಮಕ್ಕ.

ಆದ್ಯತ್‌ರ ಪುಸ್ತಕ 36:2

ಏಸಾವ ಕಾನಾನ್ಯರಯಿಂಗಡ ಮೂಡಿಯಳ ಮಂಗಲ ಕಯಿಚತ್. ಅಯಿಂಗ ದಾರ್‌ ಎಣ್ಣ್‌ಚೇಂಗಿ ಹಿತ್ತಿಯ ಜನಕ್‌ ಕೂಡ್‌ನ ಏಲೋನಂಡ ಮೋವಳಾನ ಆದಾಳ, ಹಿವ್ವಿಯ ಜನಕ್‌ ಕೂಡ್‌ನ ಸಿಬಿಯೋನಂಡ ಮೋಂವೊನಾನ ಅನಾಹಂಡ ಮೋವಳಾನ ಒಹೊಲೀಬಾಮ;

ಆದ್ಯತ್‌ರ ಪುಸ್ತಕ 36:5

ಒಹೊಲೀಬಾಮ ಯೆಗೂಷನ, ಯಳಾಮನ ಪಿಂಞ ಕೋರಹನ ಪೆತ್ತತ್. ಈಂಗಳೇ ಏಸಾವಂಗ್‌ ಕಾನಾನ್‌ ದೇಶತ್‌ಲ್‌ ಪುಟ್ಟ್‌ನ ಕ್‌ಣ್ಣ ಮಕ್ಕ.

1 ಕೊರಿಂಥ 7:2

ಆಚೇಂಗಿ, ಇಚ್ಚಕ್ ಲೈಂಗಿಕ ಪಾಪತ್‍ರ ಸೋದನೆ ಉಳ್ಳಗುಂಡ್ ಪ್ರತಿಯೊರ್ ಮನುಷ್ಯಂಗು ಒರ್ ಸ್ವಂತ ಪೊಣ್ಣ್ ಬೋಂಡು, ಪ್ರತಿಯೊರ್ ಪೊಣ್ಣಾಳ್‍ಕು ಒರ್ ಸ್ವಂತ ವಡಿಯ ಬೋಂಡು.

ಇಬ್ರಿಯ 12:16

ದಾರ್ ಒಬ್ಬನು ವೇಶಿತನ ಮಾಡ್‌ವಂವೊನಾಯಿತ್ ಇಪ್ಪಕ್ಕಾಗ. ಏಸಾ ಎಣ್ಣ್‌ವಂವೊ ಬರಿ ಕೂಳ್‍ಕಾಯಿತ್ ತಾಂಡ ಅಪ್ಪಯಿಂಜ ಕ್‍ಟ್ಟುವ ಆದ್ಯ ಮೋಂವೊಂಡ ಆಶೀರ್ವಾದತ್‍ನ ಮಾರ್‍ನನೆಕೆ ಬಕ್ತಿ ಇಲ್ಲತಂವೊನಾಯಿತು ಇಪ್ಪಕ್ಕಾಗ.