ಆದ್ಯತ್‌ರ ಪುಸ್ತಕ 26:2 - ಕೊಡವ ಬೈಬಲ್

² ಅಲ್ಲಿ ಯೆಹೋವ ಅಂವೊಂಗ್‌ ಅಂವೊನ ಕಾಂಬ್‌ಚಿಟ್ಟಿತ್: ನೀನ್‌ ಐಗುಪ್ತ ದೇಶಕ್‌ ಪೋಕತೆ, ನಾನ್‌ ನೀಕ್‌ ಎಣ್ಣುವ ದೇಶತ್‌ಲ್‌ ವಾಸ ಮಾಡಿಯಂಡಿರ್‌ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:1

ಯೆಹೋವ ಅಬ್ರಾಮಂಗ್: ನೀನ್‌ ನೀಡ ಸ್ವಂತ ದೇಶತ್‌ನ, ಮನೆಕಾರಳ ಪಿಂಞ ನೀಡ ಅಪ್ಪಂಡ ಮನೆನ ಬುಟ್ಟಿತ್‌ ನಾನ್‌ ನೀಕ್‌ ಕಾಟಿತಪ್ಪ ದೇಶಕ್‌ ಪೋಪಿಯ.

ಆದ್ಯತ್‌ರ ಪುಸ್ತಕ 12:7

ಅಲ್ಲಿ ಯೆಹೋವ ಅಬ್ರಾಮಂಗ್‌ ಕಾಂಬ್‌ಚಿಟ್ಟಂಡ್: ಈ ದೇಶತ್‌ನ ನೀಡ ಸಂತಾನಕಾರಂಗಕ್‌ ತಪ್ಪೀಂದ್‌ ಎಣ್ಣ್‌ಚಿ. ಅಕ್ಕ ಅಂವೊ ತಾಂಗ್‌ ಕಾಂಬ್‌ಚಿಟ್ಟ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 17:1

ಅಬ್ರಾಮ ತೊಂಬತೊಯಿಂಬದ್‌ ವಯಸ್ಸಾಯಿತ್‌ಪ್ಪಕ ಯೆಹೋವ, ಅಬ್ರಾಮಂಗ್‌ ಅಂವೊನ ಕಾಂಬ್‌ಚಿಟ್ಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ನಾಡ ಮಿಂಞತ್‌ಲ್‌ ಏದ್‌ ಕುತ್ತವು ಇಲ್ಲತೆ ನಾಡ ಸೇವೆ ಮಾಡ್.

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 18:1

ಪಿಂಞ ಅಬ್ರಹಾಮ ಮಜ್ಜಣ ನೇರತ್‌ಲ್‌ ತಾಂಡ ಗುಡಾರತ್‌ರ ಪಡಿಲ್‌ ಅಳ್‌ತಿತ್‌ ಇಪ್ಪಕ, ಯೆಹೋವ ಮಮ್ರೆ ತೋಟತ್‌ರ ಪಕ್ಕತ್‌ ಅಂವೊಂಗ್‌ ಕಾಂಬ್‌ಚಿಟ್ಟತ್.

ಆದ್ಯತ್‌ರ ಪುಸ್ತಕ 26:24

ಆ ಬಯಿಟ್ ಯೆಹೋವ ಅಂವೊಂಗ್‌ ಕಾಂಬ್‌ಚಿಟ್ಟಿತ್: ನಾನ್‌ ನೀಡ ಅಪ್ಪನಾನ ಅಬ್ರಹಾಮಂಡ ದೇವ, ಆನಗುಂಡ್‌ ನೀನ್‌ ಬೊತ್ತತೆ, ನಾನ್‌ ನೀಡ ಕೂಡೆ ಉಳ್ಳ. ನಾಡ ಸೇವಕನಾನ ಅಬ್ರಹಾಮನಗುಂಡ್, ನಿನ್ನ ಆಶೀರ್ವಾದ ಮಾಡಿತ್, ನೀಡ ಸಂತಾನತ್‌ನ ಬಲ್ಯದ್‌ ಮಾಡುವೀಂದ್‌ ಎಣ್ಣ್‌ಚಿ.