ಆದ್ಯತ್‌ರ ಪುಸ್ತಕ 26:14 - ಕೊಡವ ಬೈಬಲ್

¹⁴ ಅಂವೊಂಗ್‌ ಆಡ್‌ ಕೊರಿಯ, ಎತ್ತ್‌ ಕಡ್‌ಚಿಯ, ಪಿಂಞ ದುಂಬ ಪಣಿಕಾರಂಗ ಇಂಜತ್. ಇದ್‌ನ ನೊಟ್‌ನ ಫಿಲಿಷ್ಟಿರಯಿಂಗಕ್‌ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ ಪಟ್ಟತ್.

ಆದ್ಯತ್‌ರ ಪುಸ್ತಕ 26:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:16

ಅವಳಗುಂಡ್‌ ಫರೋಹನ ಅಬ್ರಾಮನ ತಕ್ಕರಿಚಿಟ್ಟತ್. ಅಬ್ರಾಮಂಗ್‌ ಕೊರಿ, ಎತ್ತ್‌ಕಡ್‌ಚಿಯ, ಆಣ್‍ ಪೊಣ್ಣ್‌ ಕತ್ತೆಯ ಪಣಿಕಾರಂಗ ಪಣಿಕಾರ್ತಿಯಳ ಪಿಂಞ ಒಂಟೆಯಳ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 13:2

ಇಕ್ಕ ಅಬ್ರಾಮ ದುಂಬ ಐಶ್ವರ್ಯವಂತಂವೊನಾಯಿತ್‌ಂಜಿತ್, ಅಂವೊಂಗ್‌ ಎತ್ತ್‌ಕಡ್‌ಚಿಯ, ಬೊಳ್ಳಿ ಪಿಂಞ ಪೊನ್ನ್‌ ಇಂಜತ್.

ಆದ್ಯತ್‌ರ ಪುಸ್ತಕ 24:35

ಯೆಹೋವ ನಾಡ ಎಜಮಾನನ ದುಂಬ ಆಶೀರ್ವಾದ ಮಾಡಿತ್‌ ಅಂವೊ ಬಲ್ಯ ಐಶ್ವರ್ಯವಂತಂವೊನಾಯಿತುಂಡ್. ಅಂವೊಂಗ್‌ ಕೊರಿ, ಎತ್ತ್‌ಕಡ್‌ಚಿ, ಬೊಳ್ಳಿ ಪೊನ್ನ್‌ ಪಣಿಕಾರಂಗಳ, ಪಣಿಕಾರ್ತಿಯಳ, ಒಂಟೆಯಳ ಪಿಂಞ ಕತ್ತೆಯಳ ಕೊಡ್‌ತಿತುಂಡ್.

ಆದ್ಯತ್‌ರ ಪುಸ್ತಕ 25:5

ಅಬ್ರಹಾಮ ತಾಂಡ ಎಲ್ಲಾ ಆಸ್ತಿನ ಇಸಾಕಂಗ್‌ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 30:43

ಯಾಕೋಬ ಬಲ್ಯ ಸೊತ್ತ್‌ರ ಎಜಮಾನನಾಚಿ. ಅಂವೊಂಗ್‌ ಬೋಂಡಿಯಚ್ಚಕ್‌ ಕೊರಿಯ, ಆಡ್‌ವ, ಒಂಟೆಕತ್ತೆಯ ಪಿಂಞ ಪಣಿಕಾರಂಗ ಇಂಜತ್.

ಆದ್ಯತ್‌ರ ಪುಸ್ತಕ 37:11

ಯೋಸೇಫಂಡ ಅಣ್ಣಂಗ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ಪಟ್ಟತ್. ಆಚೇಂಗಿ ಅಂವೊಂಡ ಅಪ್ಪ ಅಂವೊ ಕಂಡ ಸ್ವಪ್ನ ಎಂತ ಆಯಿತಿಕ್ಕೂಂದ್‌ ಗೇನ ಮಾಡಿಯಂಡಿಂಜತ್.

ಜ್ಞಾನತ್‌ರ ಪಡಿಮ 10:22

ಯೆಹೋವಂಡ ಆಶೀರ್ವಾದ ಐಶ್ವರ್ಯತ್‌ನ ತಪ್ಪ. ಅದ್‌ಂಡ ಕೂಡೆ ಅಂವೊ ನೊಂಬಲತ್‌ನ ಕೂಟುಲೆ.

ಜ್ಞಾನತ್‌ರ ಪಡಿಮ 27:4

ಬಲ್ಯ ಚೆಡಿ ಕ್ರೂರವಾನದ್. ಚೆಡಿ ಪಾಳ್ಮಾಡಿರುವ. ಆಚೇಂಗಿ ಹೊಟ್ಟೆಕಿಚ್ಚ್‌ರ ಮಿಂಞ ದಾರ್‌ಕ್‌ ನಿಪ್ಪಕಯ್ಯು?