ಆದ್ಯತ್‌ರ ಪುಸ್ತಕ 26:12 - ಕೊಡವ ಬೈಬಲ್

¹² ಪಿಂಞ ಇಸಾಕ ಆ ದೇಶತ್‌ಲ್‌ ಬೇಲ್‌ಲ್‌ ಬಿತ್ತ್‌ ಬೀಜಿಯತ್. ಯೆಹೋವ ಅಂವೊನ ಆಶೀರ್ವಾದ ಮಾಡ್‍ನಗುಂಡ್, ಆ ಕಾಲಕ್‌ ನೂರ್‌ ಪಟ್ಟ್‌ ಬೊಳೆ ಕ್‌ಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 26:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:1

ಅಬ್ರಹಾಮಂಗ್‌ ದುಂಬ ವಯಸ್ಸಾಯಿತ್‌ಂಜತ್. ಯೆಹೋವ ಅಂವೊನ ಎಲ್ಲಾ ವಿಷಯತ್‌ಲ್‌ ಆಶೀರ್ವಾದ ಮಾಡಿತ್‌ಂಜತ್.

ಆದ್ಯತ್‌ರ ಪುಸ್ತಕ 24:35

ಯೆಹೋವ ನಾಡ ಎಜಮಾನನ ದುಂಬ ಆಶೀರ್ವಾದ ಮಾಡಿತ್‌ ಅಂವೊ ಬಲ್ಯ ಐಶ್ವರ್ಯವಂತಂವೊನಾಯಿತುಂಡ್. ಅಂವೊಂಗ್‌ ಕೊರಿ, ಎತ್ತ್‌ಕಡ್‌ಚಿ, ಬೊಳ್ಳಿ ಪೊನ್ನ್‌ ಪಣಿಕಾರಂಗಳ, ಪಣಿಕಾರ್ತಿಯಳ, ಒಂಟೆಯಳ ಪಿಂಞ ಕತ್ತೆಯಳ ಕೊಡ್‌ತಿತುಂಡ್.

ಆದ್ಯತ್‌ರ ಪುಸ್ತಕ 25:11

ಅಬ್ರಹಾಮ ಚತ್ತ್‌ ಪೋನ ಪಿಂಞ ದೇವ ಅಂವೊಂಡ ಮೋಂವೊ ಇಸಾಕನ ಆಶೀರ್ವಾದ ಮಾಡ್‌ಚಿ. ಅಂವೊ ಲಹೈರೋಯಿ ಎಣ್ಣುವ ಕಣತರೆರ ಪಕ್ಕತ್‌ಲ್‌ ವಾಸಮಾಡಿಯಂಡಿಂಜತ್.

ಆದ್ಯತ್‌ರ ಪುಸ್ತಕ 26:29

ನಂಗ ನೀಕ್‌ ಕ್‍ೕಡ್‌ ಮಾಡತೆ, ನಲ್ಲದ್‌ನೇ ಮಾಡಿತ್, ನಿನ್ನ ಸಮಾದಾನತ್‌ಲ್‌ ಅಯಿಚನೆಕೆ, ನೀನ್‌ ಸತ ನಂಗಕ್‌ ಕ್‍ೕಡ್‌ ಮಾಡತೆ ಇಪ್ಪಕ್‌ ನೀಡ ಕೂಡೆ ಒಪ್ಪಂದ ಮಾಡ್‌ವಕ್‌ ಬಂದಿತ್. ನೀನ್‌ ಯೆಹೋವಂಡ ಆಶೀರ್ವಾದ ಪಡಂದಂವೊನಲ್ಲಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:3

ನೀನ್‌ ಈ ದೇಶತ್‌ಲ್‌ ಚೆನ್ನ ಕಾಲ ವಾಸ ಮಾಡ್. ನಾನ್‌ ನೀಡ ಕೂಡೆ ಇಂಜಿತ್, ನಿನ್ನ ಆಶೀರ್ವಾದ ಮಾಡುವಿ; ನಾನ್‌ ನೀಕು ನೀಡ ಸಂತಾನಕು ಈ ದೇಶತ್‌ನೆಲ್ಲ ತಂದಿತ್‌ ನೀಡ ಅಪ್ಪನಾನ ಅಬ್ರಹಾಮಂಗ್‌ ಮಾಡ್‌ನ ಆಣೆನ ನೆರೆವೇರಿಚಿಡುವಿ.

ಆದ್ಯತ್‌ರ ಪುಸ್ತಕ 30:30

ನಾನ್‌ ಬಪ್ಪಕ್‌ ಮಿಂಞ ನೀಡ ಪಕ್ಕ ಚೆನ್ನಂಗೇ ಇಂಜತ್. ನಾನ್‌ ಬಂದ ಪಿಂಞ ಯೆಹೋವ ನಿನ್ನ ಆಶೀರ್ವಾದ ಮಾಡ್‌ನಗುಂಡ್‌ ಅದ್‌ ದುಂಬ ಜಾಸ್ತಿ ಆಯಿತುಂಡ್. ಎಕ್ಕ ನಾನ್‌ ನಾಡ ಕುಟುಂಬಕಾಯಿತ್‌ ಸಂಪಾದನೆ ಮಾಡಡ್‍ೕಂದ್‌ ಕ್‍ೕಟತ್.

ಜ್ಞಾನತ್‌ರ ಪಡಿಮ 10:22

ಯೆಹೋವಂಡ ಆಶೀರ್ವಾದ ಐಶ್ವರ್ಯತ್‌ನ ತಪ್ಪ. ಅದ್‌ಂಡ ಕೂಡೆ ಅಂವೊ ನೊಂಬಲತ್‌ನ ಕೂಟುಲೆ.

ಮತ್ತಾಯ 13:23

ನಲ್ಲ ಮಣ್ಣ್‌ಲ್ ಬುದ್ದ ಕುರು ಎನ್ನನೆ ಎಣ್ಣ್‌ಚೇಂಗಿ, ದೇವಡ ವಾಕ್ಯತ್‍ನ ಕ್‍ೕಟಿತ್, ಅರ್ಥ ಮಾಡಿಯಂಡ್, ನಲ್ಲ ಫಲ ಕೊಡ್‍ಪನೆಕೆ. ಅಂವೊ ನೂರ್, ಅರ್‌ವದ್, ನುಪ್ಪದಚ್ಚಕ್ ಫಲ ಕೊಡ್‍ಪ.

ಮತ್ತಾಯ 13:8

ಚೆನ್ನ ಕುರು ನಲ್ಲ ಮಣ್ಣ್‌ಕ್ ಬುದ್ದತ್. ಅದ್ ಬೊಳ್ಂದಿತ್, ಚೆನ್ನ ಕುರು ನೂರಚ್ಚಕ್, ಚೆನ್ನ ಅರ್‌ವದಚ್ಚಕ್, ಚೆನ್ನ ನುಪ್ಪದಚ್ಚಕ್ ಫಲ ತಂದತ್.

ಮಾರ್ಕ 4:8

ಚೆನ್ನ ಕುರು ಚಾಯಿ ಮಣ್ಣ್‌ರ ನೆಲತ್‌ಲ್ ಬುದ್ದತ್. ಅದ್ ಮೊಳಕೆ ಬಾತ್, ಚಾಯಿತೆ ಬೊಳ್ಂದತ್, ಚಾಯಿತೆ ಫಲ ಕೊಡ್‍ತತ್. ಚೆನ್ನ ನುಪ್ಪದ್, ಚೆನ್ನ ಅರ್‌ವದ್, ಚೆನ್ನ ನೂರಾಯಿತ್ ಫಲ ಕೊಡ್‍ತತ್.

1 ಕೊರಿಂಥ 3:6

ನಾನ್ ಕುರುನ ಬಿತ್ತಿಯೆ, ಅಪೊಲ್ಲೋಸ ನೀರ್ ಬೂಕ್‌ಚ್. ಆಚೇಂಗಿ ದೇವನೇ ಗಿಡತ್‍ನ ಬೊಳಿಯುವಕ್ ಮಾಡ್‍ಚಿ.