ಆದ್ಯತ್‌ರ ಪುಸ್ತಕ 24:53 - ಕೊಡವ ಬೈಬಲ್

⁵³ ಅಲ್ಲಿಂಜ ತಾನ್‌ ಕೊಂಡ ಬಂದ ಬೊಳ್ಳಿರ ವಸ್ತುನ, ಪೊನ್ನ್‌ಲ್ ಮಾಡ್‌ನ ವಸ್ತುನ ಪಿಂಞ ಬಟ್ಟೆನೆಲ್ಲಾ ರೆಬೆಕ್ಕಂಗ್‌ ಕೊಡ್‌ತತ್. ಅವಡ ಅಣ್ಣಂಗ್‌ ಪಿಂಞ ಅವ್ವಂಗ್‌ ಸಹ ಬೆಲೆ ಉಳ್ಳ ಇನಾಮ್‌ನ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 24:53 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:10

ಅಲ್ಲಿಂಜ ಆ ಸೇವಕ ತಾಂಡ ಎಜಮಾನಂಡ ಪತ್ತ್‌ ಒಂಟೆನ ತಯಾರ್‌ ಮಾಡಿತ್‌ ಪೊರ್‌ಟತ್. ತಾಂಡ ಎಜಮಾನಂಡ ಎಲ್ಲಾ ತರತ್‌ರ ನಲ್ಲ ಬೆಲೆಯುಳ್ಳ ವಸ್ತು ಅಂವೊಂಡ ಪಕ್ಕ ಇಂಜತ್. ಅಂವೊ ಅಲ್ಲಿಂಜ ಮೆಸೊಪೊತೋಮಿಯತ್‌ಲ್‌ ಅಬ್ರಹಾಮಂಡ ತಮ್ಮಣ ನಾಹೋರ ವಾಸ ಮಾಡಿಯಂಡಿಂಜ ಊರ್‌ಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 24:22

ತಾಂಡ ಒಂಟೆಯ ನೀರ್‌ ಕುಡಿಚಿತಾನದು, ಅಂವೊ ಒರ್‌ ಬೆಕ್ಕ ಪೊನ್ನ್‌ರ ಮೂಕೊತ್ತಿ ಪಿಂಞ ಅವಡ ಕೈಕ್‌ ಪತ್ತ್‌ ಶೇಕ್ಕಲ್‌ರ ದಂಡ್‌ ಬಲ್ಯ ಪೊನ್ನ್‌ರ ಬಳೆನ ಅವಕ್‌ ಕೊಡ್‌ತತ್.