ಆದ್ಯತ್‌ರ ಪುಸ್ತಕ 24:44 - ಕೊಡವ ಬೈಬಲ್

⁴⁴ ನೀನ್‌ ಕುಡಿ, ನೀಡ ಒಂಟೆಯಕು ನೀರ್‌ ತಪ್ಪೀಂದ್‌ ಎಣ್ಣ್‌ವವಳೇ, ನಾಡ ಎಜಮಾನಂಡ ಮೋಂವೊಂಗ್‌ ನೀನ್‌ ಆಯ್ಕೆ ಮಾಡ್‌ನ ಮೂಡಿಯಾಯಿತಿರಡ್‍ೕಂದ್‌ ಬೋಡ್‌ನ.

ಆದ್ಯತ್‌ರ ಪುಸ್ತಕ 24:44 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:22

ಅಲ್ಲಿಂಜ ಯೆಹೋವನಾನ ದೇವ ಮನುಷ್ಯಡಿಂಜ ಎಡ್‌ತ ಮೂಳೆಯಿಂಜ ಒರ್‌ ಪೊಣ್ಣಾಳ್‌ನ ಮಾಡಿತ್‌ ಅವಳ ಆ ಆದಾಮಂಡ ಪಕ್ಕ ಕಾಕಿಯಂಡ್‌ ಬಾತ್.

ಆದ್ಯತ್‌ರ ಪುಸ್ತಕ 24:14

ನಾನ್‌ ಒರ್‌ ಮೂಡಿಕ್: ನಾನ್‌ ನೀರ್‌ ಕುಡಿಪಕ್‌ ನೀಡ ಕುಡಿಕೆನ ಬಗ್ಗಿಚಿಡ್‍ೕಂದ್‌ ಕ್‍ೕಪಕ, ಏದ್‌ ಮೂಡಿ: ನೀನ್‌ ಕುಡಿ, ನೀಡ ಒಂಟೆಯಕ್‌ ಸಹ ನೀರ್‌ನ ತಪ್ಪೀಂದ್‌ ಎಣ್ಣ್‌ವ, ಅವಳೇ ನೀಡ ಸೇವಕ ಇಸಾಕಂಗ್‌ ನೀನ್‌ ಆಯ್ಕೆ ಮಾಡ್‌ನ ಮೂಡಿ ಆಯಿತಿರಡ್. ಇನ್ನನೆ ಆಚೇಂಗಿ, ನಾಡ ಎಜಮಾನಂಗ್‌ ಕರುಣೆ ಕಾಟಿತುಳ್ಳಿಯಾಂದ್‌ ನಾಕ್‍ ಗೊತ್ತಾಪಾಂದ್‌ ಬೋಡ್‌ಚಿ.

ಆದ್ಯತ್‌ರ ಪುಸ್ತಕ 24:43

ನೀರ್‌ ಬಲಿಪಕ್‌ ಬಪ್ಪ ಏದೇಂಗಿ ಒರ್‌ ಮೂಡಿನ ನೋಟಿತ್: ನೀಡ ಕುಡಿಕೆಲ್‌ ಉಳ್ಳ ನೀರ್‌ಲ್‌ ನಾಕ್‍ ಚೆನ್ನ ಕುಡಿಪಕ್‌ ತಾಂದ್‌ ಕ್‍ೕಪಕ:

ಆದ್ಯತ್‌ರ ಪುಸ್ತಕ 24:45

ನಾನ್‌ ಇನ್ನನೆ ಮನಸ್ಸ್‌ಲ್‌ ಗೇನ ಮಾಡಿಯಂಡಿಪ್ಪಕಲೇ, ರೆಬೆಕ್ಕ ನಿಪ್ಪ್‌ರ ಮೇಲೆ ಕುಡಿಕೆನ ಕೊಂಡಬಪ್ಪದ್‌ನ ನಾನ್‌ ಕಂಡ. ಅವ ನೀರ್‌ನ ಬಲ್‌ಚಿತ್‌ ಕೊಂಡ ಬಪ್ಪಕ ನಾನ್‌ ಅವಕ್: ನಾಕ್‍ ಕುಡಿಪಕ್‌ ನೀರ್‌ ತಾಂದ್‌ ಕ್‍ೕಟ.

ಜ್ಞಾನತ್‌ರ ಪಡಿಮ 16:33

ಚೀಟಿನ ಮಡ್‌ಲ್‌ ಇಡ್‌ವಕಯ್ಯು, ಆಚೇಂಗಿ ಎಲ್ಲಾ ಕಾರ್ಯತ್‌ರ ತೀರ್ಮಾನವು ಯೆಹೋವಯಿಂಡಿಂಜಲೇ ಬಪ್ಪ.

ಜ್ಞಾನತ್‌ರ ಪಡಿಮ 18:22

ಪೊಣ್ಣ್‌ನ ಪಡ್‌ಂದವೊ ನಲ್ಲದ್‌ನ ಪಡ್‌ಂದಿತ್. ಯೆಹೋವಂಡ ದಯೆ ಅಂವೊಂಗ್‌ ಕ್‌ಟ್ಟಿತುಂಡ್.

ಜ್ಞಾನತ್‌ರ ಪಡಿಮ 19:14

ಮನೆಯು ಆಸ್ತಿಯು ಅಪ್ಪಂಗಡಕಿಂಜ ಕ್‌ಟ್ಟುವ ಬಾದ್ಯತೆ. ಆಚೇಂಗಿ ಬುದ್ದಿ ಉಳ್ಳ ಪೊಣ್ಣ್‌ನ ಯೆಹೋವ ಮಾತ್‌ರ ತಪ್ಪ ಕಯ್ಯು.

1 ತಿಮೊಥೆಯ 2:10

ಆಚೇಂಗಿ, ದೇವಡ ಮೇಲೆ ಬಕ್ತಿ ಉಂಡ್‍ೕಂದ್ ಎಣ್ಣುವ ಪೊಣ್ಣಾಳ್, ಅಯಿಂಗ ಮಾಡ್‌ವ ನಲ್ಲ ಕೆಲಸತ್‍ಲ್ ಅಲಂಕಾರ ಮಾಡಂಡು.

ಇಬ್ರಿಯ 13:2

ನಿಂಗಕ್ ಗೊತ್ತ್‌ಲ್ಲತಯಿಂಗ ನಿಂಗಡ ಪಕ್ಕ ಬಪ್ಪಕ, ಅಯಿಂಗಳ ಸತ್ಕಾರ ಮಾಡಿ; ಅನ್ನನೆ ಮಾಡ್‍ನ ಚೆನ್ನ ಜನ ಅಯಿಂಗಕ್ ಗೊತ್ತಿಲ್ಲತೆ ದೇವದೂತಂಗಳ ಸಹ ಸತ್ಕಾರ ಮಾಡಿತುಂಡ್.

1 ಪೇತ್ರ 3:8

ಕಡೇಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಲ್ಲಾರು ಒಬ್ಬ ಒಬ್ಬಂಡ ಕೂಡೆ ಐಕ್ಯತ್‍ಲ್ ಬದ್‍ಕಂಡು; ದಯೆ ಉಳ್ಳಯಿಂಗಳಾಯಿತ್, ಯೇಸುನ ನಂಬ್‍ನಯಿಂಗಡ ಪ್ರೀತಿ ಉಳ್ಳಯಿಂಗಳಾಯಿತ್, ಕನಿಕರ ಉಳ್ಳಯಿಂಗಳಾಯಿತ್, ಪೊರುಮೆ ಉಳ್ಳಯಿಂಗಳಾಯಿತ್ ಇಕ್ಕಂಡು.