ಆದ್ಯತ್‌ರ ಪುಸ್ತಕ 24:22 - ಕೊಡವ ಬೈಬಲ್

²² ತಾಂಡ ಒಂಟೆಯ ನೀರ್‌ ಕುಡಿಚಿತಾನದು, ಅಂವೊ ಒರ್‌ ಬೆಕ್ಕ ಪೊನ್ನ್‌ರ ಮೂಕೊತ್ತಿ ಪಿಂಞ ಅವಡ ಕೈಕ್‌ ಪತ್ತ್‌ ಶೇಕ್ಕಲ್‌ರ ದಂಡ್‌ ಬಲ್ಯ ಪೊನ್ನ್‌ರ ಬಳೆನ ಅವಕ್‌ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 24:22 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:10

ಅಲ್ಲಿಂಜ ಆ ಸೇವಕ ತಾಂಡ ಎಜಮಾನಂಡ ಪತ್ತ್‌ ಒಂಟೆನ ತಯಾರ್‌ ಮಾಡಿತ್‌ ಪೊರ್‌ಟತ್. ತಾಂಡ ಎಜಮಾನಂಡ ಎಲ್ಲಾ ತರತ್‌ರ ನಲ್ಲ ಬೆಲೆಯುಳ್ಳ ವಸ್ತು ಅಂವೊಂಡ ಪಕ್ಕ ಇಂಜತ್. ಅಂವೊ ಅಲ್ಲಿಂಜ ಮೆಸೊಪೊತೋಮಿಯತ್‌ಲ್‌ ಅಬ್ರಹಾಮಂಡ ತಮ್ಮಣ ನಾಹೋರ ವಾಸ ಮಾಡಿಯಂಡಿಂಜ ಊರ್‌ಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 24:23

ಅಲ್ಲಿಂಜ ಅಂವೊ: ನೀನ್‌ ದಾಡ ಮೋವ? ನಂಗ ಒರ್‌ ಬಯಿಟ್ ನೀಡ ಅಪ್ಪಂಡ ಮನೆಲ್ ಒಳಿಯುವಕ್‌ ಜಾಗ ಇಕ್ಕುವಾಂದ್‌ ಅವಳ ಕ್‍ೕಟತ್.

ಆದ್ಯತ್‌ರ ಪುಸ್ತಕ 24:30

ಅಂವೊ ತಾಂಡ ತಂಗೆ ಇಟ್ಟಂಡಿಂಜ ಮೂಕೊತ್ತಿ ಪಿಂಞ ಬಳೆನ ನೋಟಿತ್, ಈ ವಿಷಯತ್‌ನೆಲ್ಲ ಆ ಮನುಷ್ಯ ನಾಡ ಕೂಡೆ ಪರ್‌ಂದತ್‍ೕಂದ್‌ ಕ್‍ೕಟಿತ್, ಆ ಮನುಷ್ಯಂಡ ಪಕ್ಕ ಬಾತ್. ಅಂವೊ ಬುಗ್ಗೆರ ಪಕ್ಕ ಒಂಟೆಯಡ ಪಕ್ತತ್‌ಲ್‌ ನಿಂದಂಡಿಂಜತ್.

ಆದ್ಯತ್‌ರ ಪುಸ್ತಕ 24:47

ನಾನ್‌ ಅವಳ ನೀನ್‌ ದಾಡ ಮೋವಾಂದ್‌ ಕ್‍ೕಟ; ಅದ್‌ಂಗ್‌ ಅವ: ನಾನ್‌ ಮಿಲ್ಕ ನಾಹೋರಂಗ್‌ ಪೆತ್ತ ಬೆತೂವೇಲಂಡ ಮೋವಾಂದ್‌ ಎಣ್ಣ್‌ಚಿ. ಅಕ್ಕ ನಾನ್‌ ಅವಕ್‌ ಮೂಕೊತ್ತಿನ ಪಿಂಞ ಬಳೆನ ಕೈಕ್‌ ಇಟ್ಟಿತ್,

ಆದ್ಯತ್‌ರ ಪುಸ್ತಕ 24:53

ಅಲ್ಲಿಂಜ ತಾನ್‌ ಕೊಂಡ ಬಂದ ಬೊಳ್ಳಿರ ವಸ್ತುನ, ಪೊನ್ನ್‌ಲ್ ಮಾಡ್‌ನ ವಸ್ತುನ ಪಿಂಞ ಬಟ್ಟೆನೆಲ್ಲಾ ರೆಬೆಕ್ಕಂಗ್‌ ಕೊಡ್‌ತತ್. ಅವಡ ಅಣ್ಣಂಗ್‌ ಪಿಂಞ ಅವ್ವಂಗ್‌ ಸಹ ಬೆಲೆ ಉಳ್ಳ ಇನಾಮ್‌ನ ಕೊಡ್‌ತತ್.

ಎಸ್ತೆರ್‌ 5:1

ಪಟ್ಟಣಿ ನಿಂದ ಮೂಂದನೆ ದಿವಸತ್‌ ಎಸ್ತೇರ್‌ ರಾಣಿರ ಬಟ್ಟೆ ಇಟ್ಟಂಡ್, ಅರಮನೆರ ಬಲ್ಯ ಕೋಂಬರೆರ ಒಳ್‌ಕ್‌ ಪೋಯಿತ್, ರಾಜಂಡ ಬಾಡೆರ ಮಿಂಞತ್‌ ಪೋಯಿತ್‌ ನಿಂದತ್. ಅಕ್ಕ ರಾಜ, ಬಾಡೆಲ್‌ ಅಂವೊಂಡ ಸಿಂಹಾಸನತ್‌ ಪಡಿರ ಮಿಂಞತ್‌ ಅಳ್‌ತಂಡಿಂಜತ್.

1 ಪೇತ್ರ 3:3

ನಿಂಗಡ ಬೋಜ, ನಿಂಗ ಪೊರಮೆ ಇಡ್‌ವ ಆಬರಣತ್ಂಜ ಬಪ್ಪಕ್ಕಾಗ. ಅದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ತೆಲ್‌ಮಿಲ್ ಮಾಡ್‌ವ ಅಲಂಗಾರ, ಪೊನ್ನ್‌ರ ಆಬರಣ ಪಿಂಞ ಅಲಂಗಾರವಾನ ಬಟ್ಟೆ.

1 ಪೇತ್ರ 3:8

ಕಡೇಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಲ್ಲಾರು ಒಬ್ಬ ಒಬ್ಬಂಡ ಕೂಡೆ ಐಕ್ಯತ್‍ಲ್ ಬದ್‍ಕಂಡು; ದಯೆ ಉಳ್ಳಯಿಂಗಳಾಯಿತ್, ಯೇಸುನ ನಂಬ್‍ನಯಿಂಗಡ ಪ್ರೀತಿ ಉಳ್ಳಯಿಂಗಳಾಯಿತ್, ಕನಿಕರ ಉಳ್ಳಯಿಂಗಳಾಯಿತ್, ಪೊರುಮೆ ಉಳ್ಳಯಿಂಗಳಾಯಿತ್ ಇಕ್ಕಂಡು.