ಆದ್ಯತ್‌ರ ಪುಸ್ತಕ 24:1 - ಕೊಡವ ಬೈಬಲ್

¹ ಅಬ್ರಹಾಮಂಗ್‌ ದುಂಬ ವಯಸ್ಸಾಯಿತ್‌ಂಜತ್. ಯೆಹೋವ ಅಂವೊನ ಎಲ್ಲಾ ವಿಷಯತ್‌ಲ್‌ ಆಶೀರ್ವಾದ ಮಾಡಿತ್‌ಂಜತ್.

ಆದ್ಯತ್‌ರ ಪುಸ್ತಕ 24:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:2

ನಾನ್‌ ನಿನ್ನ ಬಲ್ಯ ಜನಾಂಗವಾಯಿತ್‌ ಮಾಡುವಿ. ನಾನ್‌ ನಿನ್ನ ಆಶೀರ್ವಾದ ಮಾಡಿತ್, ನೀಡ ಪೆದತ್‌ನ ಬಲ್ಯದ್‌ ಮಾಡುವಿ; ನೀನ್‌ ನೇರಾಯಿತು ಆಶೀರ್ವಾದ ಬಡಂತವನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 13:2

ಇಕ್ಕ ಅಬ್ರಾಮ ದುಂಬ ಐಶ್ವರ್ಯವಂತಂವೊನಾಯಿತ್‌ಂಜಿತ್, ಅಂವೊಂಗ್‌ ಎತ್ತ್‌ಕಡ್‌ಚಿಯ, ಬೊಳ್ಳಿ ಪಿಂಞ ಪೊನ್ನ್‌ ಇಂಜತ್.

ಆದ್ಯತ್‌ರ ಪುಸ್ತಕ 18:11

ಅಬ್ರಹಾಮ ಪಿಂಞ ಸಾರಳಂಗ್‌ ದುಂಬ ವಯಸ್ಸಾಯಿತ್‌ಂಜನಗುಂಡ್‌ ಅವಕ್‌ ಮಕ್ಕ ಆಪ ಕಾಲ ದಾಟಿ ಪೋಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 21:5

ತಾಂಡ ಮೋಂವೊನಾನ ಇಸಾಕ ಪುಟ್ಟ್‌ವಕ ಅಬ್ರಹಾಮಂಗ್‌ ನೂರ್‌ ವಯಸ್ ಆಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 24:35

ಯೆಹೋವ ನಾಡ ಎಜಮಾನನ ದುಂಬ ಆಶೀರ್ವಾದ ಮಾಡಿತ್‌ ಅಂವೊ ಬಲ್ಯ ಐಶ್ವರ್ಯವಂತಂವೊನಾಯಿತುಂಡ್. ಅಂವೊಂಗ್‌ ಕೊರಿ, ಎತ್ತ್‌ಕಡ್‌ಚಿ, ಬೊಳ್ಳಿ ಪೊನ್ನ್‌ ಪಣಿಕಾರಂಗಳ, ಪಣಿಕಾರ್ತಿಯಳ, ಒಂಟೆಯಳ ಪಿಂಞ ಕತ್ತೆಯಳ ಕೊಡ್‌ತಿತುಂಡ್.

ಆದ್ಯತ್‌ರ ಪುಸ್ತಕ 25:20

ಇಸಾಕ ರೆಬೆಕ್ಕಳ ಮಂಗಲ ಕಯಿಪಕ ಅಂವೊಂಗ್‌ ನಾಪದ್‌ ವಯಸ್ಸಾಯಿತ್‌ಂಜತ್. ಇವ ಪದ್ದನ್‌ ಅರಾಮ್‌ ಎಣ್ಣುವ ಸಿರಿಯ ದೇಶಕ್‌ ಕೂಡ್‌ನಂವೊನಾನ ಬೆತೂವೇಲಂಗ್‌ ಮೋವಳು, ಸಿರಿಯ ದೇಶಕ್‌ ಕೂಡ್‌ನಂವೊನಾನ ಲಾಬಾನಂಡ ತಂಗೆಯು ಆಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 26:12

ಪಿಂಞ ಇಸಾಕ ಆ ದೇಶತ್‌ಲ್‌ ಬೇಲ್‌ಲ್‌ ಬಿತ್ತ್‌ ಬೀಜಿಯತ್. ಯೆಹೋವ ಅಂವೊನ ಆಶೀರ್ವಾದ ಮಾಡ್‍ನಗುಂಡ್, ಆ ಕಾಲಕ್‌ ನೂರ್‌ ಪಟ್ಟ್‌ ಬೊಳೆ ಕ್‌ಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 49:25

ನೀಡ ಅಪ್ಪಂಡ ದೇವ ನೀಕ್‌ ಸಹಾಯ ಮಾಡ್‌ವ. ಸರ್ವಶಕ್ತಿವಂತಂವೊನಾನ ದೇವ ನೀಕ್‌ ಆಶೀರ್ವಾದ ಮಾಡಡ್. ಅಂವೊ, ಕೊಡಿಲ್‌ ಸ್ವರ್‌ಗತ್‌ರ ಆಶೀರ್ವಾದತ್‌ಂಜಲೂ, ಅಡಿಲ್‌ ಬೂಮಿರ ಆಳತ್‌ಂಜ ಬಪ್ಪ ಆಶೀರ್ವಾದತ್‌ಂಜಲೂ, ಮೊಳೆ ಪಿಂಞ ಗರ್ಬತ್‌ಂಜ ಉಂಟಾಪ ಎಲ್ಲಾ ಆಶೀರ್ವಾದತ್‌ಂಜಲೂ ನಿನ್ನ ಆಶೀರ್ವಾದ ಮಾಡ್‌ವ.

ಜ್ಞಾನತ್‌ರ ಪಡಿಮ 10:22

ಯೆಹೋವಂಡ ಆಶೀರ್ವಾದ ಐಶ್ವರ್ಯತ್‌ನ ತಪ್ಪ. ಅದ್‌ಂಡ ಕೂಡೆ ಅಂವೊ ನೊಂಬಲತ್‌ನ ಕೂಟುಲೆ.

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:7

ಆಚೇಂಗಿ ಎಲಿಸಬೇತ್ ಗೊಡ್ಡಿಯಾಯಿತ್ಂಜಗುಂಡ್ ಅಯಿಂಗಕ್ ಮಕ್ಕ ಇಂಜಿಲೆ. ಅದಲ್ಲತೆ ದಂಡಾಳ್‍ಕು ದುಂಬ ವಯಸ್ಸಾಯಿತ್ಂಜತ್.

ಗಲಾತ್ಯ 3:9

ಅನ್ನನೆ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಎಲ್ಲಾ ಜನಕು, ನಂಬಿಕೇರಂವೊನಾನ ಅಬ್ರಹಾಮಂಡ ಆಶೀರ್ವಾದತ್‍ರನೆಕೆ ಅಯಿಂಗಕು ಆಶೀರ್ವಾದ ಕ್‍ಟ್ಟುವ.

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.