ಆದ್ಯತ್‌ರ ಪುಸ್ತಕ 23:16 - ಕೊಡವ ಬೈಬಲ್

¹⁶ ಅಕ್ಕ ಅಬ್ರಹಾಮ ಎಫ್ರೋನಂಡ ತಕ್ಕ್‌ಕ್‌ ಒಪ್ಪಿತ್, ಹಿತ್ತಿಯಂಡ ಮಿಂಞತ್‌ ಎಫ್ರೋನ ಎಣ್ಣ್‌ನನೆಕೆ, ವ್ಯಾಪರಿಯಂಗ ಎಚ್ಚಕ್‌ ಕ್ರಯಕ್‌ ಎಡ್‌ಪ, ಅಚ್ಚಕೇ ಕ್ರಯಕ್‌ ನಾನೂರ್‌ ಬೊಳ್ಳಿರ ನಾಣ್ಯತ್‌ನ ಅಂವೊಂಗ್‌ ತೂಕ್ಕಿತ್‌ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 23:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 23:15

ಸ್ವಾಮಿ, ನಾಡ ತಕ್ಕ್‌ನ ಕ್‍ೕಳ್, ಆ ಬೂಮಿರ ಕ್ರಯ ನಾನೂರ್‌ ಬೊಳ್ಳಿರ ನಾಣ್ಯ. ಅದ್‌ ನಾಕು ನೀಕು ಸಾದಾರಣ ಕಾರ್ಯ; ಪೋಯಿತ್‌ ನೀಡ ಪೊಣ್ಣ್‌ರ ಚಾವ್‌ ತಡಿನ ಪೂಳ್‌ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 43:21

ನಂಗ ತಿರಿತ್‌ ಮನೆಕ್‌ ಪೋಪಕ, ಬಯಿಟ್ ಒಳಿಯುವ ಜಾಗತ್‌ಲ್‌ ಚೀಲತ್‌ನ ತೊರ್‌ಂದಿತ್‌ ನೋಟ್‌ವಕ ತೂಕ ಕಮ್ಮಿ ಆಕತೆ ನಂಗ ಆಹಾರ ದಾನ್ಯತ್‌ನ ಎಡ್‌ಪಕ್‌ ಕೊಡ್‌ತ ಪಣ ನಂಗಡನಂಗಡ ಚೀಲತ್‌ಲ್‌ ಉಳ್ಳದ್‌ ನಂಗಕ್‌ ಗೊತ್ತಾಚಿ. ಅದ್‌ನ ನಂಗ ಅದ್‌ನ ತಿರಿತ್‌ ಎಡ್‌ತಂಡ್‌ ಬಂದಿತುಂಡ್.

ಆದ್ಯತ್‌ರ ಪುಸ್ತಕ 49:29

ಇಂಞು ಅಂವೊ ಅಯಿಂಗಳ ನೋಟಿತ್: ನಾನ್‌ ನಾಡ ಜನತ್‌ರ ಕೂಡೆ ಕೂಡ್‌ವ ಕಾಲ ಪಕ್ಕ ಬಂದಿತ್. ಹಿತ್ತಿಯನಾನ ಎಫ್ರೋನಂಡ ಬೂಮಿಲ್‌ ಉಳ್ಳ ಗುವೆರ ಒಳ್‌ಲ್‌ ನಾಡ ಅಪ್ಪ ಪಿಂಞ ಅಜ್ಜಂಗಡ ಕೂಟ್ಟ್‌ಲ್ ಬೂಕಂಡು.

ಆದ್ಯತ್‌ರ ಪುಸ್ತಕ 50:13

ಅಂವೊಂಡ ಚಾವ್‌ ತಡಿನ ಕಾನಾನ್‌ ದೇಶಕ್‌ ಪೊರ್ತ ಪೋಯಿತ್, ಅಬ್ರಹಾಮ, ಮಮ್ರೆಕ್‌ ಕೀಕ್‌ ದಿಕ್‌ಲ್ ಉಳ್ಳ ಮಕ್ಪೇಲ ಎಣ್ಣುವ ಬಾಣೆಲ್‌ ತಾಂಗ್‌ ಸ್ವಂತ ತೂಟ್ಂಗಳ ಬೂಮಿಯಾಯಿತ್‌ ಹಿತ್ತಿಯನಾನ ಎಫ್ರೋನಯಿಂಜ ಕ್ರಯಕ್‌ ಎಡ್‌ತ ಬೂಮಿಲ್‌ ಉಳ್ಳ ಗುವೆಲ್‌ ಅಂವೊನ ಪೂತತ್.

ಮತ್ತಾಯ 7:12

ಆನಗುಂಡ್, ಬೋರೆಯಿಂಗ ನಿಂಗಕ್ ಎಂತ ಮಾಡಂಡೂಂದ್ ಕುಶಿ ಪಡ್‌ವಿರೋ ಅದ್‍ನ ನಿಂಗ ಬೋರೆಯಿಂಗಕು ಮಾಡಿ. ಇದೇ ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಡ ಬೋದನೆಯು ಆಯಿತುಂಡ್.

ಅಪೊಸ್ತಲ 7:16

ಅಯಿಂಗಡ ಚಾವ್ ತಡೀನ ಶೇಕೆಮ ಎಣ್ಣುವ ಊರ್‌ಕ್ ಎಡ್‌ತ ಪೋಯಿತ್, ಅಬ್ರಹಾಮ ಹಮೋರನಂಡ ಮೋನಿಯಂಗಡಿಂಜ ಬೊಳ್ಳಿರ ದುಡ್ಡ್‌ಕ್ ಎಡ್‌ತ ಗೋರಿರ ಒಳ್‍ಲ್ ಬೆಚ್ಚತ್.

ರೋಮ್ 13:8

ಒಬ್ಬಂಡ ಕೂಡೆ ಒಬ್ಬ ಪ್ರೀತಿ ಮಾಡ್‌ವ ಸಾಲತ್‍ನ ಅಲ್ಲತೆ, ಬೋರೆ ಏದ್ ವಿಷಯತ್‍ಲು ಸಾಲ ಇಪ್ಪಕ್ಕಾಗ; ಬೋರೆಯಿಂಗಳ ಪ್ರೀತಿ ಮಾಡ್‌ವಂವೊ ನ್ಯಾಯಪ್ರಮಾಣತ್‍ನ ನೆರೆವೇರಿಚಿಟ್ಟಂಡುಂಡ್.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

1 ಥೆಸಲೊನೀಕ 4:6

ಈ ವಿಷಯತ್‍ಲ್ ಯೇಸುನ ನಂಬ್‍ನ ನಿಂಗಡ ಅಣ್ಣತಮ್ಮಣಂಗಳ ವಂಚನೆ ಮಾಡ್‌ವಕ್ಕಾಗ; ಮಿಂಞಲೇ ನಂಗ ನಿಂಗಕ್ ಎಣ್ಣಿತ್ ಸಾಕ್ಷಿಯಾಯಿತ್ ಎಚ್ಚರ ಮಾಡ್‍ನನೆಕೆ, ಇನ್ನನೆ ಮಾಡ್‌ವಯಿಂಗಕ್ ದೇವ ಕಂಡಿತವಾಯಿತ್ ಶಿಕ್ಷೆ ತಪ್ಪ.