ಆದ್ಯತ್‌ರ ಪುಸ್ತಕ 22:9 - ಕೊಡವ ಬೈಬಲ್

⁹ ದೇವ ಎಣ್ಣ್‌ನ ಜಾಗಕ್‌ ಎತ್ತ್‌ಚಿ. ಅಲ್ಲಿ ಅಬ್ರಹಾಮ ಒರ್‌ ಬಲಿಪೀಠತ್‌ನ ತಯಾರ್‌ ಮಾಡಿತ್, ಪುಳ್ಳಿನ ಅಡ್‌ಕಿತ್, ತಾಂಡ ಮೋಂವೊನಾನ ಇಸಾಕಂಡ ಕೈಕಾಲ್‌ನ ಕೆಟ್ಟಿತ್, ಅಂವೊನ ಬಲಿಪೀಠತ್‌ರ ಮೇಲೆ ಇಟ್ಟತ್.

ಆದ್ಯತ್‌ರ ಪುಸ್ತಕ 22:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:7

ಅಲ್ಲಿ ಯೆಹೋವ ಅಬ್ರಾಮಂಗ್‌ ಕಾಂಬ್‌ಚಿಟ್ಟಂಡ್: ಈ ದೇಶತ್‌ನ ನೀಡ ಸಂತಾನಕಾರಂಗಕ್‌ ತಪ್ಪೀಂದ್‌ ಎಣ್ಣ್‌ಚಿ. ಅಕ್ಕ ಅಂವೊ ತಾಂಗ್‌ ಕಾಂಬ್‌ಚಿಟ್ಟ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 12:8

ಅಲ್ಲಿಂಜ ಅಂವೊ ಪೊರ್‌ಟಿತ್‌ ಬೇತೇಲ್‌ರ ಕ್‍ೕಕ್‌ ದಿಕ್ಕ್‌ಲ್‌ ಉಳ್ಳ ಕುಂದ್ರ ಪಕ್ಕ ಬಂದಿತ್‌ ಗುಡಾರ ಇಟ್ಟತ್. ಅದ್‌ಂಡ ಪಡ್‌ಞಾರ್‌ ದಿಕ್ಕಲ್‌ ಬೇತೇಲು ಕ್‍ೕಕ್‌ ದಿಕ್ಕ್‌ಲ್‌ ಆಯಿ ಎಣ್ಣುವ ಊರು ಇಂಜತ್. ಅಲ್ಲಿ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಯೆಹೋವಂಡ ಪೆದ ಎಣ್ಣಿತ್‌ ಆರಾದನೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 13:18

ಪಿಂಞ ಅಬ್ರಾಮ ತಾಂಡ ಗುಡಾರತ್‌ನ ಹೆಬ್ರೋನ್‌ಲ್‌ ಉಳ್ಳ ಮಮ್ರೆಯಂಡ ತೋಪ್ರ ಪಕ್ಕತ್‌ಲ್‌ ಇಟ್ಟಿತ್, ಯೆಹೋವಂಗ್‌ ಅಲ್ಲಿ ಓರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 22:10

ಪಿಂಞ ಅಬ್ರಹಾಮ ತಾಂಡ ಮೋಂವೊನ ಕೆತ್ತ್‌ವಕಾಯಿತ್‌ ತಾಂಡ ಕೈಯಿನ ನ್‍ೕಟಿತ್, ಕತ್ತಿನ ಎಡ್‍ತತ್.

ಆದ್ಯತ್‌ರ ಪುಸ್ತಕ 22:8

ಅದ್‌ಂಗ್‌ ಅಬ್ರಹಾಮ: ನಾಡ ಮೋನೇ, ದೇವ ತಾನೆ ದಹನ ಬಲಿಕ್‌ ಬೋಂಡಿಯಾನ ಕೊರಿನ ನಂಗಕ್‌ ತಪ್ಪಾಂದ್‌ ಎಣ್ಣ್‌ಚಿ; ಪಿಂಞ ದಂಡಾಳು ಒಕ್ಕಚೆ ಪೋಯಿತ್,

ಆದ್ಯತ್‌ರ ಪುಸ್ತಕ 8:20

ಅಕ್ಕ ನೋಹ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್, ಶುದ್ದವಾನ ಚೆನ್ನ ಪ್ರಾಣಿ ಪಿಂಞ ಪಕ್ಷಿಯಳ ಬಲಿಪೀಠತ್‌ರ ಮೇಲೆ ದಹನ ಬಲಿಯಾಯಿತ್‌ ಬಲಿ ಕೊಡ್‌ತತ್.

ಮತ್ತಾಯ 27:2

ಅಂವೊನ ಕೆಟ್ಟುವಂಜಿ, ಕಾಕಿಯಂಡ್ ಪೋಯಿತ್ ರೋಮ್ ರಾಜ್ಯಕ್ ಅದಿಪತಿಯಾಯಿತುಳ್ಳ ಪೊಂತ್ಯ ಪಿಲಾತಂಡ ಪಕ್ಕ ಒಪ್ಪ್‌ಚಿಟ್ಟತ್.

ಮಾರ್ಕ 15:1

ಪೊಲಾಕ ನೇರತೆ ಅವಸರ ಅವಸರತ್‌ಲ್ ಮುಕ್ಯ ಯಾಜಕಂಗಳು ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪೆರಿಯಯಿಂಗಳು ಕೂಟ್ ಕೂಡ್‍ಚಿ. ಅಲ್ಲಿಯತ್‍ರ ಯೆಹೂದ್ಯಂಗಡ ಆಲೋಚನೆ ಸಬೇಕಾರ ಕೂಡಿಯಂಡ್ ಯೇಸುನ ಎಂತ ಮಾಡಂಡು ಎಣ್ಣಿಯಂಡ್ ಯೋಚನೆ ಮಾಡಿಯಂಡ್, ಯೇಸುನ ಸರ್ಪಣಿಲ್ ಕೆಟ್ಟಿತ್, ಪೊರಮೆ ಕಾಕುವಂಜಿ ಪಿಲಾತ ರಾಜಂಡ ಪಕ್ಕ ಒಪ್ಪ್‌ಚಿಟ್ಟತ್.

ಅಪೊಸ್ತಲ 8:32

ಅಂವೊ ಓದಿಯಂಡ್ ಇಂಜ ದೇವಡ ವಾಕ್ಯ ಇನ್ನನೆ ಇಂಜತ್: ಕೊಲ್ಲ್‌ವಕ್ ಕೊಂಡ್ ಪೋಪ ಒರ್ ಕೊರಿರನೆಕೆ ಅಂವೊನ ಕೊಂಡ್ ಪೋಚಿ; ಒರ್ ಕೊರಿ ಕುಟ್ಟಿರನೆಕೆ ತಾಂಡ ರೋಮತ್‍ನ ಮುರಿಪಂವೊಂಡ ಮಿಂಞತ್ ಮೌನತ್‍ಲ್ ಇಪ್ಪ, ಅನ್ನನೆ ಅಂವೊ ತಾಂಡ ಬಾಯಿನ ತೊರಕತಂವೊನಾಯಿತ್ಂಜತ್.

ಗಲಾತ್ಯ 3:13

ಮರತ್‍ಲ್ ತೂಂಗಿತ್ ಚತ್ತ್‌ಪೋನ ಏದ್ ಮನುಷ್ಯನು ಶಾಪ ಪಡ್ಂದವೋಂದ್ ದೇವಡ ವಾಕ್ಯತ್‍ಲ್ ಉಂಡ್. ಅನ್ನನೆ, ಕ್ರಿಸ್ತ ನಂಗಕಾಯಿತ್ ಶಾಪವಾಯಿತ್, ನ್ಯಾಯಪ್ರಮಾಣತ್‍ರ ಶಾಪತ್ಂಜ ನಂಗಳ ಬುಡುಗಡೆ ಮಾಡಿತ್ ಕಾಪಾಡ್‍ಚಿ.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

ಯಾಕೋಬ 2:21

ನಂಗಡ ಅಪ್ಪನಾನ ಅಬ್ರಹಾಮ ತಾಂಡ ಕುಂಞಿ ಇಸಾಕನ ದೇವ ಎಣ್ಣ್‌ನ ಪ್ರಕಾರ ತ್ಯಾಗ ಅರ್ಪಣೆ ಮಾಡ್‌ವಕಾಯಿತ್ ಬಲಿಪೀಠತ್‍ಲ್ ಕೊಲ್ಲ್‌ವಕಾಯಿತ್ ಅರ್ಪಿಚಿಡುವಂತ ಕ್ರಿಯೇಯಿಂಜತಾನೆ ನೀತಿವಂತವೊನಾಚಿ?

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.