ಆದ್ಯತ್‌ರ ಪುಸ್ತಕ 22:7 - ಕೊಡವ ಬೈಬಲ್

⁷ ಅಕ್ಕ ಇಸಾಕ ತಾಂಡ ಅಪ್ಪನಾನ ಅಬ್ರಹಾಮನ ನೋಟಿತ್: ಅಪ್ಪನೇಂದ್‌ ಕಾಕ್‌ಚಿ. ಅದ್‌ಂಗ್‌ ಅಬ್ರಹಾಮ: ಎಂತ ಮೋಂವೊನೇಂದ್‌ ಕ್‍ೕಟತ್. ಅಕ್ಕ ಇಸಾಕ: ಇದಾ, ನಂಗಡ ಪಕ್ಕ ತಿತ್ತ್‌ ಪಿಂಞ ಪುಳ್ಳಿ ಉಂಡ್, ಆಚೇಂಗಿ ದಹನ ಬಲಿಕ್‌ ಕೊರಿ ಎಲ್ಲಿ ಉಂಡ್‍ೕಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 22:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:8

ಅದ್‌ಂಗ್‌ ಅಬ್ರಹಾಮ: ನಾಡ ಮೋನೇ, ದೇವ ತಾನೆ ದಹನ ಬಲಿಕ್‌ ಬೋಂಡಿಯಾನ ಕೊರಿನ ನಂಗಕ್‌ ತಪ್ಪಾಂದ್‌ ಎಣ್ಣ್‌ಚಿ; ಪಿಂಞ ದಂಡಾಳು ಒಕ್ಕಚೆ ಪೋಯಿತ್,

ಆದ್ಯತ್‌ರ ಪುಸ್ತಕ 8:20

ಅಕ್ಕ ನೋಹ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್, ಶುದ್ದವಾನ ಚೆನ್ನ ಪ್ರಾಣಿ ಪಿಂಞ ಪಕ್ಷಿಯಳ ಬಲಿಪೀಠತ್‌ರ ಮೇಲೆ ದಹನ ಬಲಿಯಾಯಿತ್‌ ಬಲಿ ಕೊಡ್‌ತತ್.

ಮತ್ತಾಯ 26:39

ಚೆನ್ನ ದೂರ ಪೋಪಂಜಿ, ಅಂವೊಂಡ ಮೂಡ್‍ನ ಅಡಿಕ್ ಮಾಡಿತ್ ಮೊಣಕಾಲ್ ಇಟ್ಟಂಡ್: ಓ ನಾಡ ಅಪ್ಪನೇ, ನೀಕ್ ಕಯ್ಯುವೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ, ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮತ್ತಾಯ 26:42

ಇಂಞೊಮ್ಮ ದಂಡನೆ ಕುರಿ ಅಂವೊ ಅಯಿಂಗಳ ಬುಟ್ಟಿತ್ ಪೋಯಿತ್: ನಾಡ ಅಪ್ಪನೇ! ಈ ಕಷ್ಟತ್‍ರ ಪಾತ್ರತ್‍ನ ನಾನ್ ಕುಡಿಚತೇಂಗಿ ಮಾತ್ರ, ಈ ಕಷ್ಟತ್‍ನ ನನ್ನಿಂಜ ಎಡ್‍ಪಕ್ ಕಯ್ಯೂಂದ್ ಇಂಜತೇಂಗಿ, ನೀಡ ಚಿತ್ತತ್‍ರನೆಕೆ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 1:36

ಅಕ್ಕ, ಅಲ್ಲಿ ಯೇಸು ನಡ್ಂದ್ ಪೋಯಂಡಿಪ್ಪದ್‍ನ ಕಂಡಿತ್: ನೋಟಿ, ದೇವಡ ಕೊರಿಕುಟ್ಟೀಂದ್ ಎಣ್ಣ್‌ಚಿ.

ಯೋಹಾನ 18:11

ಅಕ್ಕ, ಯೇಸು ಪೇತ್ರಂಗ್: ನೀಡ ಬಾಳ್‍ನ ಅದ್ಂಡ ಕೊತ್ತೆಲ್ ಇಡ್; ನಾಡ ಅಪ್ಪ ನಾಕ್ ತಂದ ಕಷ್ಟತ್‍ರ ಪಾತ್ರತ್‍ಲ್ ನಾನ್ ಕುಡಿಪಕ್ ಆಪುಲೆಯಾಂದ್ ಎಣ್ಣ್‌ಚಿ.

ರೋಮ್ 8:15

ಅನ್ನನೆ, ಪುನಃ ಬೊತ್ತಿಯಂಡ್ ಇಪ್ಪಕ್ ಅಡಿಯಾಳುವಡ ಪವಿತ್ರಾತ್ಮತ್‍ನ ಪಡಯತೆ, ಅಪ್ಪಾ ಪಪ್ಪಾಂದ್ ಕಾಕ್‌ವಕುಳ್ಳ ಮಕ್ಕಡ ಹಕ್ಕ್‌ರ ಆತ್ಮತ್‌ನ ನಿಂಗ ಪಡ್ಂದಿರ.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.