ಆದ್ಯತ್‌ರ ಪುಸ್ತಕ 22:20 - ಕೊಡವ ಬೈಬಲ್

²⁰ ಈ ಕಾರ್ಯಯೆಲ್ಲ ಆನ ಪಿಂಞ, ತಾಂಡ ತಮ್ಮಣ ಆನ ನಾಹೋರಂಗ್‌ ಅಂವೊಂಡ ಪೋಣ್ಣ್‌ ಮಿಲ್ಕಂಡ ಮೂಲಕ ಕ್‌ಣ್ಣ ಮಕ್ಕ ಪುಟ್ಟ್‌ಚೀಂದ್‌ ಅಬ್ರಹಾಂಗ್‌ ಸುದ್ದಿ ಮುಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 22:20 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 11:26

ತೆರಹಂಗ್‌ ಎಳ್‌ವದ್‌ ವಯಸ್ಸ್‌ ಇಪ್ಪಕ ಅಬ್ರಾಮ, ನಾಹೋರ, ಹಾರಾನ ಎಣ್ಣುವ ಮಕ್ಕ ಪುಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 11:27

ಇದ್‌ ತೆರಹಂಡ ವಂಶಾವಳಿ. ತೆರಹಂಗ್‌ ಅಬ್ರಾಮ, ನಾಹೋರ, ಹಾರಾನ ಎಣ್ಣುವ ಮಕ್ಕ ಪುಟ್ಟ್‌ಚಿ. ಹಾರಾನಂಗ್‌ ಲೋಟ ಎಣ್ಣುವಂವೊ ಪುಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 11:29

ಅಬ್ರಾಮ ಪಿಂಞ ನಾಹೋರ ಮಂಗಲ ಕಯಿಚಂಡತ್. ಅಮ್ರಾಮಂಡ ಪೊಣ್ಣ್‌ರ ಪೆದ ಸಾರಾಯ್, ನಾಹೋರಂಡ ಪೊಣ್ಣ್‌ರ ಪೆದ ಮಿಲ್ಕ. ಇವ ಹಾರಾನಂಡ ಮೋವ. ಹಾರಾನ ಮಿಲ್ಕ ಪಿಂಞ ಇಸ್ಕ ಎಣ್ಣುವ ಮೂಡಿ ಮಕ್ಕಕ್‌ ಅಪ್ಪನಾಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 15:1

ಈ ಘಟನೆಯೆಲ್ಲಾ ಆನ ಪಿಂಞ ಅಬ್ರಾಮಂಗ್‌ ಯೆಹೋವ ದರ್ಶನತ್‌ಲ್‌ ಬಂದಿತ್: ಅಬ್ರಾಮನೇ ನೀನ್‌ ಬೊತ್ತತೆ; ನಾನ್‌ ನೀಕ್‌ ಎದೆತಟ್ಟ್‌ ಆಯಿತ್‌ಪ್ಪಿ. ನೀಡ ಬಹುಮಾನ ಬಲ್ಯದಾಯಿತ್‌ಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:21

ಅಯಿಂಗ ದಾರ್‌ ಎಣ್ಣ್‌ಚೇಂಗಿ, ಆದ್ಯ ಪುಟ್ಟ್‌ನಂವೊಂಡ ಪೆದ ಊಚ್, ಇಂವೊಂಡ ತಮ್ಮಣಂಡ ಪೆದ ಬೂಚ್, ಅರಾಮಂಡ ಅಪ್ಪನಾನ ಕೆಮೂವೇಲ,

ಆದ್ಯತ್‌ರ ಪುಸ್ತಕ 24:10

ಅಲ್ಲಿಂಜ ಆ ಸೇವಕ ತಾಂಡ ಎಜಮಾನಂಡ ಪತ್ತ್‌ ಒಂಟೆನ ತಯಾರ್‌ ಮಾಡಿತ್‌ ಪೊರ್‌ಟತ್. ತಾಂಡ ಎಜಮಾನಂಡ ಎಲ್ಲಾ ತರತ್‌ರ ನಲ್ಲ ಬೆಲೆಯುಳ್ಳ ವಸ್ತು ಅಂವೊಂಡ ಪಕ್ಕ ಇಂಜತ್. ಅಂವೊ ಅಲ್ಲಿಂಜ ಮೆಸೊಪೊತೋಮಿಯತ್‌ಲ್‌ ಅಬ್ರಹಾಮಂಡ ತಮ್ಮಣ ನಾಹೋರ ವಾಸ ಮಾಡಿಯಂಡಿಂಜ ಊರ್‌ಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 24:15

ಅಂವೊ ಇನ್ನನೆ ಬೋಡಿಯಂಡಿಪ್ಪಕಲೆ, ಅಬ್ರಹಾಮಂಡ ತಮ್ಮಣನಾನ ನಾಹೋರಂಡ ಪೊಣ್ಣ್‌ ಮಿಲ್ಕಂಡ ಮೋಂವೊನಾನ ಬೆತೂವೇಲಂಗ್‌ ಪುಟ್ಟ್‌ನ ರೆಬೆಕ್ಕ ತಾಂಡ ನಿಪ್ಪ್‌ರ ಮೇಲೆ ಕುಡಿಕೆನೆ ಪೊರ್ತಂಡ್‌ ಬಾತ್.

ಆದ್ಯತ್‌ರ ಪುಸ್ತಕ 24:24

ಅದ್‌ಂಗ್‌ ಅವ: ನಾನ್‌ ನಾಹೋರಂಗ್‌ ಮಿಲ್ಕ ಪೆತ್ತ ಮೋಂವೊನಾನ ಬೆತೂವೇಲಂಡ ಮೋವಾಂದ್‌ ಜವಾಬ್ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 31:53

ನಂಗಡಲ್ಲಿ ದಾರ್‌ ಕ್‍ೕಡ್‌ ಮಾಡ್‌ವ ಅಯಿಂಗಳ ಅಬ್ರಹಾಮಂಡ ದೇವನು ನಾಹೋರಂಡ ದೇವನು ಪಿಂಞ ಅಯಿಂಗಡ ಮುತ್ತಜ್ಜಂಗಡ ದೇವನು ಆಯಿತುಳ್ಳಂವೊ ನಂಗಳ ನ್ಯಾಯ ತೀಕಡ್. ಅಕ್ಕ ಯಾಕೋಬ ತಾಂಡ ಅಪ್ಪನಾನ ಇಸಾಕ ಬಯಬಕ್ತಿಯಿಂಜ ಸೇವೆ ಮಾಡುವಂವೊಂಡ ಮೇಲೆ ಆಣೆ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 25:25

ದೂರತ್ತಿಂಜ ಬಪ್ಪ ನಲ್ಲ ಸುದ್ದಿ, ಬಾಯಾರಿಕೆಯಾಯಿತ್‌ ಉಳ್ಳಂವೊಂಗ್‌ ಕ್‌ಟ್ಟುವ ಪಚ್ಚೆ ನೀರ್‌ರನೆಕೆ ಇಪ್ಪ.