ಆದ್ಯತ್‌ರ ಪುಸ್ತಕ 22:2 - ಕೊಡವ ಬೈಬಲ್

² ಅಕ್ಕ ದೇವ: ನೀಡ ಒರೇ ಮೋಂವೊನ, ಅಕ್ಕು, ನೀನ್‌ ದುಂಬ ಪ್ರೀತಿ ಮಾಡುವ ಇಸಾಕನ ಮೊರಿಯ ಎಣ್ಣುವ ದೇಶಕ್‌ ಕಾಕಿಯಂಡ್‌ ಪೋ. ಅಲ್ಲಿ ನಾನ್‌ ನೀಕ್‌ ಎಣ್ಣ್‌ವ ಒರ್‌ ಕುಂದ್ರ ಮೇಲೆ ಅಂವೊನ ದಹನ ಬಲಿಯಾಯಿತ್‌ ಅರ್ಪಿಚಿಡಂಡೂಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 21:12

ಆಚೇಂಗಿ ದೇವ ಅಂವೊಂಗ್: ನೀನ್‌ ಆ ಮೋಂವೊಂಡ ಪಿಂಞ ಆ ಪಣಿಕಾರ್ತಿರ ವಿಷಯತ್‌ ಬೇಜಾರ್‌ ಮಾಡಂಡ. ನೀಡ ಮೋಂವೊ ಇಸಾಕಂಡ ಮೂಲಕ ಪುಟ್ಟ್‌ವಯಿಂಗಳೇ ನೀಡ ಸಂತಾನಕ್‌ ಲೆಕ್ಕ ಆಪ. ಆನಗುಂಡ್‌ ಸಾರಳ ಎಣ್ಣ್‌ವನೆಕೆ ಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:3

ಅಕ್ಕ ಅಬ್ರಹಾಮ, ಸಾರಳ ಅಂವೊಂಗ್‌ ಪೆತ್ತ ಮೋಂವೊಂಗ್‌ ಇಸಾಕಾಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 22:12

ಆ ದೂತ ಅಂವೊಂಗ್: ನೀಡ ಮೋಂವೊಂಡ ಮೇಲೆ ಕೈ ಇಡತೆ. ಅಂವೊನ ಒಂದು ಮಾಡತೆ; ನೀನ್‌ ಅಂವೊನ ನೀಡ ಮೋಂವೋಂದ್, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ನಾಕಾಯಿತ್‌ ಬಲಿಕೊಡ್‌ಪಕ್‌ ಒಪ್ಪಿಚಿಟ್ಟಗುಂಡ್, ನೀನ್‌ ಯೆಹೋವಂಗ್‌ ಬೊತ್ತ್‌ವಿಯಾಂದ್‌ ಇಕ್ಕ ನಾಕ್‍ ಗೊತ್ತಾಚಿ.

ಆದ್ಯತ್‌ರ ಪುಸ್ತಕ 22:16

ನೀನ್‌ ಅಂವೊನ ನೀಡ ಮೋಂವೋಂದ್‌ ನೋಟತೆ, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ಅಂವೊನ ಒಪ್ಪ್‌ಚಿಟ್ಟಿತ್‌ ಈ ಕಾರ್ಯತ್‌ನ ಮಾಡ್‍ನಗುಂಡ್,

ಆದ್ಯತ್‌ರ ಪುಸ್ತಕ 22:3

ಅಕ್ಕ ಅಬ್ರಹಾಮ ಪೊಲಾಕ ಬೆರಿಯ ಎದ್ದಿತ್, ತಾಂಡ ಕತ್ತೆರ ಮೇಲೆ ಸಾಮಾನತ್‌ನ ಕೆಟ್ಟಿತ್, ತಾಂಡ ಕೂಡೆ ದಂಡ್‌ ಆಳ್‌ವಳ ಪಿಂಞ ಇಸಾಕನ ಕಾಕಿಯಂಡ್, ಅಲ್ಲಿಂಜ ದಹನ ಬಲಿಕ್‌ ಪುಳ್ಳಿನ ತುಂಡ್‌ ಮಾಡಿಯಂಡ್‌ ದೇವ ಎಣ್ಣ್‌ನ ಜಾಗಕ್‌ ಪೊರ್‌ಟತ್.

ಆದ್ಯತ್‌ರ ಪುಸ್ತಕ 22:9

ದೇವ ಎಣ್ಣ್‌ನ ಜಾಗಕ್‌ ಎತ್ತ್‌ಚಿ. ಅಲ್ಲಿ ಅಬ್ರಹಾಮ ಒರ್‌ ಬಲಿಪೀಠತ್‌ನ ತಯಾರ್‌ ಮಾಡಿತ್, ಪುಳ್ಳಿನ ಅಡ್‌ಕಿತ್, ತಾಂಡ ಮೋಂವೊನಾನ ಇಸಾಕಂಡ ಕೈಕಾಲ್‌ನ ಕೆಟ್ಟಿತ್, ಅಂವೊನ ಬಲಿಪೀಠತ್‌ರ ಮೇಲೆ ಇಟ್ಟತ್.

ಆದ್ಯತ್‌ರ ಪುಸ್ತಕ 8:20

ಅಕ್ಕ ನೋಹ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್, ಶುದ್ದವಾನ ಚೆನ್ನ ಪ್ರಾಣಿ ಪಿಂಞ ಪಕ್ಷಿಯಳ ಬಲಿಪೀಠತ್‌ರ ಮೇಲೆ ದಹನ ಬಲಿಯಾಯಿತ್‌ ಬಲಿ ಕೊಡ್‌ತತ್.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ರೋಮ್ 5:8

ಆಚೇಂಗಿ, ನಂಗ ಪಾಪಿಯಳಾಯಿತ್ ಇಪ್ಪಕಲೆ ಕ್ರಿಸ್ತ ನಂಗಕಾಯಿತ್ ಚತ್ತಗುಂಡ್, ಅದ್, ದೇವ ನಂಗಡ ಮೇಲೆ ಬೆಚ್ಚಿತ್ಂಜ ಪ್ರೀತಿನ ಕಾಟುವ.

ರೋಮ್ 8:32

ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ?

ಇಬ್ರಿಯ 11:17

ನಂಬಿಕೇರ ಮೂಲಕ, ಅಬ್ರಹಾಮ ದೇವ ಅಂವೊನ ಪರೀಕ್ಷೆ ಮಾಡ್‌ವಕ, ಇಸಾಕನ ಬಲಿಯಾಯಿತ್ ಅರ್ಪಿಚಿಟ್ಟತ್. ದಾಡ ವಿಷಯತ್ ವಾಗ್ದಾನ ಕ್‍ಟ್ಟ್‌ಚೋ, ಅಂವೊ ತಾಂಡ ಒರೇ ಮೋಂವೊನಾಯಿತ್ಂಜತೇಂಗಿಯು ಅರ್ಪಣೆ ಮಾಡ್‍ಚಿ.