ಆದ್ಯತ್‌ರ ಪುಸ್ತಕ 22:18 - ಕೊಡವ ಬೈಬಲ್

¹⁸ ನೀನ್‌ ನಾಡ ತಕ್ಕ್‌ಕ್‌ ತಗ್ಗಿತ್‌ ನಡ್‌ಂದಗುಂಡ್‌ ನೀಡ ಸಂತಾನತ್‌ರ ಮೂಲಕ ಈ ಬೂಮಿಲ್‌ ಉಳ್ಳ ಎಲ್ಲಾ ಜನಾಂಗಳು ಆಶೀರ್ವಾದ ಪೊಂದುವಾಂದು ಯೆಹೋವ ಅಂವೊಂಡ ಮೇಲೆ ಆಣೆ ಮಾಡಿತ್‌ ಎಣ್ಣಿಚೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:2

ನಾನ್‌ ನಿನ್ನ ಬಲ್ಯ ಜನಾಂಗವಾಯಿತ್‌ ಮಾಡುವಿ. ನಾನ್‌ ನಿನ್ನ ಆಶೀರ್ವಾದ ಮಾಡಿತ್, ನೀಡ ಪೆದತ್‌ನ ಬಲ್ಯದ್‌ ಮಾಡುವಿ; ನೀನ್‌ ನೇರಾಯಿತು ಆಶೀರ್ವಾದ ಬಡಂತವನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 12:3

ನಿನ್ನ ಆಶೀರ್ವಾದ ಮಾಡುವಯಿಂಗಳ, ನಾನ್‌ ಆಶೀರ್ವಾದ ಮಾಡುವಿ, ನೀಕ್‌ ಶಾಪ ಇಡ್‌ವಯಿಂಗಳ ನಾನ್‌ ಶಾಪ ಇಡುವಿ. ಈ ಬೂಮಿಲ್‌ ಉಳ್ಳ ಎಲ್ಲಾ ವಂಶವು ನೀಡ ಮೂಲಕ ಆಶೀರ್ವಾದ ಪೊಂದುವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:10

ಪಿಂಞ ಅಬ್ರಹಾಮ ತಾಂಡ ಮೋಂವೊನ ಕೆತ್ತ್‌ವಕಾಯಿತ್‌ ತಾಂಡ ಕೈಯಿನ ನ್‍ೕಟಿತ್, ಕತ್ತಿನ ಎಡ್‍ತತ್.

ಆದ್ಯತ್‌ರ ಪುಸ್ತಕ 22:3

ಅಕ್ಕ ಅಬ್ರಹಾಮ ಪೊಲಾಕ ಬೆರಿಯ ಎದ್ದಿತ್, ತಾಂಡ ಕತ್ತೆರ ಮೇಲೆ ಸಾಮಾನತ್‌ನ ಕೆಟ್ಟಿತ್, ತಾಂಡ ಕೂಡೆ ದಂಡ್‌ ಆಳ್‌ವಳ ಪಿಂಞ ಇಸಾಕನ ಕಾಕಿಯಂಡ್, ಅಲ್ಲಿಂಜ ದಹನ ಬಲಿಕ್‌ ಪುಳ್ಳಿನ ತುಂಡ್‌ ಮಾಡಿಯಂಡ್‌ ದೇವ ಎಣ್ಣ್‌ನ ಜಾಗಕ್‌ ಪೊರ್‌ಟತ್.

ಆದ್ಯತ್‌ರ ಪುಸ್ತಕ 28:14

ನೀಡ ಸಂತಾನ ಲೆಕ್ಕ ಮಾಡ್‌ವಕಯ್ಯತನೆಕೆ ಈ ಬೂಮಿರ ದೂಳ್‌ರಚ್ಚಕ್‌ ಇಪ್ಪ. ನೀನ್‌ ಪಡ್‌ಞಾರ್, ಕ್‍ೕಕ್, ಬಡಕ್‌ ತೆಕ್ಕ್‌ ದಿಕ್ಕ್‌ಲ್‌ ಪಬ್ಬ್‌ವಿಯ. ನೀಡಯಿಂಜಲು ನೀಡ ಸಂತಾನತ್‌ಂಜಲು ಬೂಮಿರ ಎಲ್ಲಾ ಕುಲತ್‌ರ ಜನ ಆಶೀರ್ವಾದ ಪೊಂದ್ವ.

ಮತ್ತಾಯ 1:1

ಇದ್ ಯೇಸು ಕ್ರಿಸ್ತಂಡ ವಂಶಾವಳಿರ ನೇಮ. ಅಂವೊ ದಾವೀದಂಡ ಸಂತಾನಕಾರ. ದಾವೀದ ಅಬ್ರಹಾಮಂಡ ವಂಶಕ್ ಕೂಡ್‍ನಂವೊ.

ಅಪೊಸ್ತಲ 3:25

ನಿಂಗ ಈ ಪ್ರವಾದಿಯಡ ಮಕ್ಕಳಾಯಿತುಳ್ಳಿರ; ಪಿಂಞ, ನೀಡ ಸಂತಾನತ್‍ರಗುಂಡ್, ಈ ಲೋಕತ್‍ಲ್ ಉಳ್ಳ ಎಲ್ಲಾ ಜಾತಿಯಂಗಕು ಆಶೀರ್ವಾದ ಬಪ್ಪಾಂದ್ ದೇವ ಅಬ್ರಹಾಮಂಗ್ ಎಣ್ಣಿತ್, ನಂಗಡ ಅಜ್ಜಂಗಡ ಕೂಡೆ ದೇವ ಮಾಡ್‍ನ ಒಪ್ಪಂದಕ್ ಸಹ ನಿಂಗ ಮಕ್ಕಳಾಯಿತುಳ್ಳಿರ.

ರೋಮ್ 1:3

ಅದ್ ದೇವಡ ಮೋಂವೊನಾನ ಯೇಸುರ ನಲ್ಲ ಸುದ್ದಿರ ವಿಷಯವೇ. ಅಂವೊ ಮನುಷ್ಯನಾಯಿತ್ ನಂಗಡ ಅಜ್ಜನಾನ ದಾವೀದ ರಾಜಂಡ ಸಂತಾನತ್‍ಲ್ ಪುಟ್ಟ್‌ಚಿ.

ಗಲಾತ್ಯ 3:16

ದೇವ ಅಬ್ರಹಾಮಂಗು ಅಂವೊಂಡ ಸಂತಾನಕಾರಂಗಕು ವಾಗ್ದಾನ ಮಾಡ್‍ಚಿ. ಅಂವೊಂಡ ಸಂತಾನಕಾರಂಗಕ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತ್‌ಲ್ಲೆ. ವಾಗ್ದಾನ ಅಂವೊಂಡ ಮೋಂವೊಂಗ್‍ೕಂದ್ ಎಣ್ಣ್‌ನಗುಂಡ್ ಆ ಸಂತಾನಕಾರ ಒಬ್ಬನೇ; ಅಂವೊ ಯೇಸು ಕ್ರಿಸ್ತನೇ.

ಗಲಾತ್ಯ 3:18

ಅದಲ್ಲತೆ ದೇವಡ ಬಾದ್ಯತೆ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಕ್ ಮಾತ್ರ ಕ್‍ಟ್ಟ್‌ಚೇಂಗಿ, ಅದ್ ದೇವಡ ವಾಗ್ದಾನತ್‍ರಗುಂಡ್ ಕ್‍ಟ್ಟ್‌ನದಾಯಿತ್ ಆಪಕಿಂಜಿಲೆ. ಆಚೇಂಗಿ ದೇವ ಕೃಪೆಯಾಯಿತ್ ಇದ್‍ನ ಅಬ್ರಹಾಮಂಗ್ ವಾಗ್ದಾನವಾಯಿತ್ ಕೊಡ್‍ತತ್.

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.