ಆದ್ಯತ್‌ರ ಪುಸ್ತಕ 22:12 - ಕೊಡವ ಬೈಬಲ್

¹² ಆ ದೂತ ಅಂವೊಂಗ್: ನೀಡ ಮೋಂವೊಂಡ ಮೇಲೆ ಕೈ ಇಡತೆ. ಅಂವೊನ ಒಂದು ಮಾಡತೆ; ನೀನ್‌ ಅಂವೊನ ನೀಡ ಮೋಂವೋಂದ್, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ನಾಕಾಯಿತ್‌ ಬಲಿಕೊಡ್‌ಪಕ್‌ ಒಪ್ಪಿಚಿಟ್ಟಗುಂಡ್, ನೀನ್‌ ಯೆಹೋವಂಗ್‌ ಬೊತ್ತ್‌ವಿಯಾಂದ್‌ ಇಕ್ಕ ನಾಕ್‍ ಗೊತ್ತಾಚಿ.

ಆದ್ಯತ್‌ರ ಪುಸ್ತಕ 22:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:11

ಅದ್‌ಂಗ್‌ ಅಬ್ರಹಾಮ: ಈ ಜಾಗತ್‌ರ ಜನಕ್‌ ಕಂಡಿತವಾಯಿತ್‌ ದೇವಡ ಪೋಡಿಯಿಲ್ಲೆ. ನಾಡ ಪೊಣ್ಣ್‌ರಗುಂಡ್‌ ನನ್ನ ಕೊಲ್ಲ್‌ವಾಂದ್‌ ನಾನ್‌ ಗೇನ ಮಾಡ್‌ನ.

ಆದ್ಯತ್‌ರ ಪುಸ್ತಕ 22:13

ಅಬ್ರಹಾಮ ಕಣ್ಣೆಡ್‌ತಿತ್‌ ನೋಟ್‌ವಕ ತಾಂಡ ಬೆಂಬರತ್‌ಲ್, ತಾಂಡ ಕೊಂಬ್ ಪೊದೆಲ್‌ ಚಿಕ್ಕಿತುಳ್ಳ ಒರ್‌ ಟಗರ್‌ನ ಕಂಡತ್. ಅಕ್ಕ ಅಬ್ರಹಾಮ ಪೋಯಿತ್, ಆ ಟಗರ್‌ನ ಪುಡ್‌ಚಿತ್‌ ತಾಂಡ ಮೋಂವೊಂಡ ಬದ್‌ಲ್‌ ಅದ್‌ನ ಬಲಿ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 22:16

ನೀನ್‌ ಅಂವೊನ ನೀಡ ಮೋಂವೋಂದ್‌ ನೋಟತೆ, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ಅಂವೊನ ಒಪ್ಪ್‌ಚಿಟ್ಟಿತ್‌ ಈ ಕಾರ್ಯತ್‌ನ ಮಾಡ್‍ನಗುಂಡ್,

ಆದ್ಯತ್‌ರ ಪುಸ್ತಕ 22:2

ಅಕ್ಕ ದೇವ: ನೀಡ ಒರೇ ಮೋಂವೊನ, ಅಕ್ಕು, ನೀನ್‌ ದುಂಬ ಪ್ರೀತಿ ಮಾಡುವ ಇಸಾಕನ ಮೊರಿಯ ಎಣ್ಣುವ ದೇಶಕ್‌ ಕಾಕಿಯಂಡ್‌ ಪೋ. ಅಲ್ಲಿ ನಾನ್‌ ನೀಕ್‌ ಎಣ್ಣ್‌ವ ಒರ್‌ ಕುಂದ್ರ ಮೇಲೆ ಅಂವೊನ ದಹನ ಬಲಿಯಾಯಿತ್‌ ಅರ್ಪಿಚಿಡಂಡೂಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:5

ನಾನ್‌ ನೀಡ ಸಂತಾನತ್‌ನ ಬಾನತ್‌ರ ಮೀನ್‌ರಚ್ಚಕ್‌ ಬಲ್ಯದ್‌ ಮಾಡುವಿ. ನೀಡ ಸಂತಾನಕ್‌ ಈ ದೇಶತ್‌ನೆಲ್ಲಾ ತಪ್ಪಿ; ನೀಡ ಸಂತಾನತ್‌ರ ಮೂಲಕ ಈ ಲೋಕತ್‌ ಉಳ್ಳ ಇಡೀ ಜನಾಂಗ ಆಶೀರ್ವಾದ ಪೊಂದುವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:18

ಮೂಂದ್‌ನೆ ದಿವಸತ್‌ಲ್‌ ಯೋಸೇಫ ಅಯಿಂಗಳ ನೋಟಿತ್: ನಾನ್‌ ದೇವಕ್‌ ಬೊತ್ತ್‌ವ ಮನುಷ್ಯ. ನಿಂಗ ಜೀವವಾಯಿತ್‌ ಇಪ್ಪಕ್‌ ಒರ್‌ ವಿಷಯ ಮಾಡಿ.

ಜ್ಞಾನತ್‌ರ ಪಡಿಮ 1:7

ಯೆಹೋವಂಗ್‌ ಬೊತ್ತಿತ್‌ ನಡ್‌ಪದೇ ಜ್ಞಾನತ್‌ರ ತೊಡಕ; ಆಚೇಂಗಿ ಮೂಡಂಗ ಜ್ಞಾನತ್‌ನ ಪಿಂಞ ಬೋದನೇನ ಕಡೆಗಟ್ಟ್‌ವ.

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಮತ್ತಾಯ 16:24

ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಮತ್ತಾಯ 19:29

ಇದ್‍ಲ್ಲತೆ, ನಾಕಾಯಿತ್ ನಿಂಗಡ ಅಪ್ಪವ್ವನ, ನಿಂಗಡ ಅಣ್ಣತಮ್ಮಣಂಗಳ ಅಕ್ಕತಂಗೆಯಳ, ನಿಂಗಡ ಮನೆನ, ನಿಂಗಡ ತೋಟ ಬೇಲ್‍ನ ಬುಟ್ಟಿತ್ ಬಂದಯಿಂಗಕ್ ನೂರ್ ಪಾಲ್ ಜಾಸ್ತಿ ಕ್‍ಟ್ಟ್‌ವ ಪಿಂಞ ನಿತ್ಯ ಜೀವತ್‍ಲ್ ಪೋಪಕ್ ಹಕ್ಕ್‌ದಾರಂಗಳಾಯಿತ್ ಇಪ್ಪಿರ.

ಮತ್ತಾಯ 5:16

ಆನಗುಂಡ್ ನಿಂಗಡಲ್ಲಿ ಉಳ್ಳ ಬೊಳಿ, ಜನಡ ಮಿಂಞತ್ ಪ್ರಕಾಶವಾಯಿತ್ ಕಾಂಗಡ್, ನಿಂಗ ಮಾಡ್‌ವ ನಲ್ಲ ಕೆಲಸತ್‍ನ ಕಂಡಿತ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪನ ತುದಿಪಕ್ ಕಾರಣ ಆಪ.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

ರೋಮ್ 5:8

ಆಚೇಂಗಿ, ನಂಗ ಪಾಪಿಯಳಾಯಿತ್ ಇಪ್ಪಕಲೆ ಕ್ರಿಸ್ತ ನಂಗಕಾಯಿತ್ ಚತ್ತಗುಂಡ್, ಅದ್, ದೇವ ನಂಗಡ ಮೇಲೆ ಬೆಚ್ಚಿತ್ಂಜ ಪ್ರೀತಿನ ಕಾಟುವ.

ರೋಮ್ 8:32

ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ?

1 ಕೊರಿಂಥ 10:13

ಎಲ್ಲಾ ಮನುಷ್ಯಂಗಕ್ ಬಪ್ಪ ಸೋದನೆನ ಬುಟ್ಟಿತ್ ಬೋರೆ ಏದ್ ಸೋದನೆಯು ನಿಂಗಕ್ ಬಂದಿತ್ತ್‌ಲ್ಲೆ. ದೇವ ನಂಬಿಕಸ್ತನಾಯಿತುಂಡ್. ನಿಂಗಡ ಶಕ್ತಿಕ್ ಮೀರ್‍ನ ಸೋದನೆಕ್ ನಿಂಗ ಒಳಪಡ್‍ವಕ್ ಅಂವೊ ಬುಡುಲೆ. ಆಚೇಂಗಿ, ಆ ಸೋದನೆಯಿಂಜ ತಪ್ಪ್‌ಚಿಡ್‌ವಕ್ ಬಟ್ಟೆ ಕಾಟಿತಪ್ಪ.

2 ಕೊರಿಂಥ 8:12

ಒಬ್ಬಂಗ್ ಮನಸ್ಸ್ ಇಂಜತೇಂಗಿ, ಅಂವೊಂಗ್ ಇಲ್ಲತ ಅಳ್‌ತೆರಚ್ಚಕ್ ಅಲ್ಲ, ಅಂವೊಂಗ್ ಉಳ್ಳಚ್ಚಕ್ ಕೊಡ್‍ತತೇಂಗಿ ಅದ್ಂಗ್ ಅಂಗಿಕಾರ ಕ್‍ಟ್ಟುವ.

ಇಬ್ರಿಯ 11:19

ಇಸಾಕ ಚತ್ತ್ ಪೋಚೇಂಗಿಯು, ಅಂವೊನ ದೇವ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿ ಉಳ್ಳಂವೋಂದ್ ನಂಬ್‍ಚಿ, ಅನ್ನನೆ ಅಂವೊಂಗ್ ಇಸಾಕ ಪುನಃ ಚಾವ್‍ಯಿಂಜ ಕ್‍ಟ್ಟ್‌ನನೆಕೆ ಆಚಿ.

ಇಬ್ರಿಯ 12:28

ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ.

ಯಾಕೋಬ 2:18

ದಾರೇಂಗಿಯು ಒಬ್ಬ: ನೀಕ್ ನಂಬಿಕೆ ಉಂಡ್, ನಾಕ್ ಕ್ರಿಯೆ ಉಂಡ್; ನೀಕ್ ನಂಬಿಕೆ ಉಂಡ್‍ೕಂದ್ ಎಣ್ಣುವಿಯಲ್ಲ ಅದ್‍ನ ನಾಕ್ ಕ್ರಿಯೆ ಇಲ್ಲತೆ ಕಾಟಿತಾ, ನಾನ್ ನಾಡ ನಂಬಿಕೇನ ನಾನ್ ಮಾಡ್‌ವ ಕ್ರಿಯೇಲ್ ಕಾಟಿತಪ್ಪೀಂದ್ ಎಣ್ಣುವಲ್ಲ.

ಪ್ರಕಟನೆ 19:5

ಅದಲ್ಲತೆ, ಸಿಂಹಾಸನತ್‍ರ ಕಡೇಯಿಂಜ ಒರ್ ವಾಣಿ ಬಾತ್; ಅದ್: ದೇವಡ ಸೇವಕಂಗಳೇ, ಅಂವೊಂಗ್ ಬೊತ್ತಿತ್ ನಡ್‍ಪ ಚೆರಿಯಯಿಂಗಳೇ, ಬಲ್ಯಂಗಳೇ ನಿಂಗ ಎಲ್ಲಾರು ದೇವನ ತುದಿಚಿತ್ ಕೊಂಡಾಡೀಂದ್ ಎಣ್ಣ್‌ಚಿ.