ಆದ್ಯತ್‌ರ ಪುಸ್ತಕ 22:11 - ಕೊಡವ ಬೈಬಲ್

¹¹ ಅಕ್ಕ ಯೆಹೋವಂಡ ದೂತ ಪರಲೋಕತ್‌ಂಜ: ಅಬ್ರಹಾಮನೇ, ಅಬ್ರಹಾಮನೇಂದ್‌ ಕಾಕ್‌ಚಿ. ಅಕ್ಕ ಅಂವೊ: ನಾನ್‌ ಇಲ್ಲಿಯೇ ಉಳ್ಳಂದ್‌ ಜವಾಬ್ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 22:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 16:7

ಯೆಹೋವಂಡ ದೂತ ಅವಳ ಮಣಬೂಮಿಲ್‌ ಶೂರಿ ಎಣ್ಣುವ ಊರ್‌ಕ್‌ ಪೋಪ ಬಟ್ಟೆಲ್‌ ಉಳ್ಳ ಬುಗ್ಗೆರ ಪಕ್ಕ ಇಪ್ಪಕ ಕಂಡತ್.

ಆದ್ಯತ್‌ರ ಪುಸ್ತಕ 21:17

ಆ ಕ್‌ಣ್ಣಂಡ ಮೊರೆನ ದೇವ ಕ್‍ೕಟತ್. ದೇವದೂತ ಬಾನತ್‌ಂಜ ಹಾಗರನ ಕಾಕಿತ್: ಹಾಗರಳೇ, ನೀಕ್‌ ಎಂತ ಆಚಿ? ಬೊತ್ತತೆ, ಆ ಕ್‌ಣ್ಣ ಬುದ್ದಂಡಲ್ಲಿಂಜ ಮೊರ್‌ಡೊದ್‌ನ ದೇವ ಕ್‍ೕಟತ್.

ಆದ್ಯತ್‌ರ ಪುಸ್ತಕ 21:18

ನೀನ್‌ ಎದ್ದಿತ್‌ ಅಂವೊನ ಸಮಾದಾನ ಮಾಡ್. ನಾನ್‌ ಅಂವೊನ ಬಲ್ಯ ಜನಾಂಗವಾಯಿತ್‌ ಮಾಡ್‌ವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:1

ಈ ಕಾರ್ಯಯೆಲ್ಲ ಆನ ಪಿಂಞ, ದೇವ ಅಬ್ರಹಾಮಂಡ ನಂಬಿಕೆನ ಪರೀಕ್ಷೆ ಮಾಡ್‌ಚಿ; ಅದ್‌ ಎನ್ನನೆ ಎಣ್ಣ್‌ಚೇಂಗಿ, ದೇವ: ಅಬ್ರಹಾಮನೇಂದ್‌ ಕಾಕ್‌ಚಿ. ಅದ್‌ಂಗ್‌ ಅಬ್ರಹಾಮ: ಅಕ್ಕು, ನಾನ್‌ ಇಲ್ಲಿಯೇ ಉಳ್ಳಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:10

ಪಿಂಞ ಅಬ್ರಹಾಮ ತಾಂಡ ಮೋಂವೊನ ಕೆತ್ತ್‌ವಕಾಯಿತ್‌ ತಾಂಡ ಕೈಯಿನ ನ್‍ೕಟಿತ್, ಕತ್ತಿನ ಎಡ್‍ತತ್.

ಆದ್ಯತ್‌ರ ಪುಸ್ತಕ 22:12

ಆ ದೂತ ಅಂವೊಂಗ್: ನೀಡ ಮೋಂವೊಂಡ ಮೇಲೆ ಕೈ ಇಡತೆ. ಅಂವೊನ ಒಂದು ಮಾಡತೆ; ನೀನ್‌ ಅಂವೊನ ನೀಡ ಮೋಂವೋಂದ್, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ನಾಕಾಯಿತ್‌ ಬಲಿಕೊಡ್‌ಪಕ್‌ ಒಪ್ಪಿಚಿಟ್ಟಗುಂಡ್, ನೀನ್‌ ಯೆಹೋವಂಗ್‌ ಬೊತ್ತ್‌ವಿಯಾಂದ್‌ ಇಕ್ಕ ನಾಕ್‍ ಗೊತ್ತಾಚಿ.

ಆದ್ಯತ್‌ರ ಪುಸ್ತಕ 22:16

ನೀನ್‌ ಅಂವೊನ ನೀಡ ಮೋಂವೋಂದ್‌ ನೋಟತೆ, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ಅಂವೊನ ಒಪ್ಪ್‌ಚಿಟ್ಟಿತ್‌ ಈ ಕಾರ್ಯತ್‌ನ ಮಾಡ್‍ನಗುಂಡ್,

ಆದ್ಯತ್‌ರ ಪುಸ್ತಕ 24:7

ನಾಡ ಅಪ್ಪಂಡ ಮನೆಯಿಂಜಲು, ನಾನ್‌ ಪುಟ್ಟ್‌ನ ದೇಶತ್‌ಂಜಲು ನನ್ನ ಕಾಕಿಯಂಡ್‌ ಬಂದಿತ್, ನೀಡ ಸಂತಾನಕ್‌ ಈ ದೇಶತ್‌ನ ತಪ್ಪೀಂದ್‌ ಎಣ್ಣಿತ್‌ ಆಣೆ ಮಾಡ್‌ನಂವೊನಾನ ಪರಲೋಕತ್‌ರ ದೇವನಾನ ಯೆಹೋವ, ನೀನ್‌ ಅಲ್ಲಿಂಜ ನಾಡ ಮೋಂವೊಂಗ್‌ ಒರ್‌ ಮೂಡಿನ ಕೂಟಿಯಂಡ್‌ ಬಪ್ಪಕಾಯಿತ್, ತಾಂಡ ದೂತನ ನೀಡ ಮಿಂಞತ್‌ ಅಯಿಪ.

ಆದ್ಯತ್‌ರ ಪುಸ್ತಕ 31:11

ಪಿಂಞ ಆ ಸ್ವಪ್ನತ್‌ಲ್‌ ದೇವದೂತ ಒಬ್ಬ: ಯಾಕೋಬಾಂದ್‌ ಕಾಕ್‌ಚಿ. ಅದ್‌ಂಗ್‌ ನಾನ್: ಇದಾ, ಇಲ್ಲಿ ಉಳ್ಳಂದ್‌ ಎಣ್ಣ್‌ನ.

ಆದ್ಯತ್‌ರ ಪುಸ್ತಕ 37:13

ಅಕ್ಕ ಇಸ್ರಾಯೇಲ್‌ ಯೋಸೇಫನ ನೋಟಿತ್: ನೀಡ ಅಣ್ಣಂಗ ಶೆಕೆಮ್‌ಲ್‌ ಆಡ್‌ಕೊರಿಯಳ ಮೇಯಿಚಿಡುವಕ್‌ ಪೋಚಲ್ಲ? ನಾನ್‌ ನಿನ್ನ ಅಯಿಂಗಡ ಪಕ್ಕ ಅಯಿಪಿ, ಬಾ ಎಣ್ಣಿಯಂಡ್‌ ಅಂವೊಂಗ್‌ ಎಣ್ಣ್‌ಚಿ. ಅದ್‌ಂಗ್‌ ಯೋಸೇಫ: ಇದಾ, ನಾನ್‌ ಪೋಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 46:2

ಅಂದ್‌ ಬಯಿಟ್ ದೇವ ಇಸ್ರಾಯೇಲ್‌ಂಗ್‌ ದರ್ಶನತ್‌ಲ್‌ ಅಂವೊನ ಕಾಂಬ್‌ಚಿಟ್ಟಿತ್: ಯಾಕೋಬನೇ ಯಾಕೋಬನೇಂದ್‌ ಕಾಕ್‌ಚಿ. ಅಂವೊ: ನಾನ್‌ ಇಲ್ಲಿ ಉಳ್ಳ್ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 48:16

ನನ್ನ ಎಲ್ಲಾ ಕ್‍ೕಡಿಂಜ ಕಾಪಾಡ್‌ನ ದೇವದೂತ ಈ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಡ್. ಈ ದಂಡ್‌ ಕ್‌ಣ್ಣ ಮಕ್ಕ ನಾಡ ಪೆದತ್‌ನ, ನಾಡ ಅಜ್ಜ ಅಬ್ರಹಾಮ ಪಿಂಞ ನಾಡ ಅಪ್ಪ ಇಸಾಕಂಡ ಪೆದತ್‌ನ ಕಾಪಾಡಡ್. ಇಯಿಂಗಡ ಸಂತಾನ ಬೂಮಿರ ಮೇಲೆ ಬೊಳ್‌ಂದಿತ್‌ ಬಲ್ಯದಾಡ್‌ಂದ್‌ ಎಣ್ಣ್‌ಚಿ.

ಅಪೊಸ್ತಲ 26:14

ನಂಗೆಲ್ಲಾರು ನೆಲಕ್ ಬೂವಕ: ಸೌಲ, ಸೌಲ, ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯ? ಮುಳ್ಳ್ ಕೋಲ್‍ಕ್ ಎದ್‍ರಾಯಿತ್ ಚೌಟ್‌ವದ್ ನೀಕೇ ಕಷ್ಟಾಂದ್ ಅರಾಮಿಯ ಬಾಷೆಲ್ ನಾಡ ಕೂಡೆ ತಕ್ಕ್ ಪರಿವ ಒರ್‌ ವಾಣಿ ನಾಕ್ ಕ್‍ೕಟತ್.

ಅಪೊಸ್ತಲ 9:4

ಅಂವೊ ನೆಲಕ್ ಬುದ್ದತ್. ಅಕ್ಕ: ಸೌಲ, ಸೌಲ, ನೀನ್ ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯಾಂದ್ ಎಣ್ಣ್‌ವ ಒರ್ ವಾಣಿ ಅಂವೊಂಗ್ ಕ್‍ೕಟತ್.