ಆದ್ಯತ್‌ರ ಪುಸ್ತಕ 22:1 - ಕೊಡವ ಬೈಬಲ್

¹ ಈ ಕಾರ್ಯಯೆಲ್ಲ ಆನ ಪಿಂಞ, ದೇವ ಅಬ್ರಹಾಮಂಡ ನಂಬಿಕೆನ ಪರೀಕ್ಷೆ ಮಾಡ್‌ಚಿ; ಅದ್‌ ಎನ್ನನೆ ಎಣ್ಣ್‌ಚೇಂಗಿ, ದೇವ: ಅಬ್ರಹಾಮನೇಂದ್‌ ಕಾಕ್‌ಚಿ. ಅದ್‌ಂಗ್‌ ಅಬ್ರಹಾಮ: ಅಕ್ಕು, ನಾನ್‌ ಇಲ್ಲಿಯೇ ಉಳ್ಳಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:1

ಈ ಘಟನೆಯೆಲ್ಲಾ ಆನ ಪಿಂಞ ಅಬ್ರಾಮಂಗ್‌ ಯೆಹೋವ ದರ್ಶನತ್‌ಲ್‌ ಬಂದಿತ್: ಅಬ್ರಾಮನೇ ನೀನ್‌ ಬೊತ್ತತೆ; ನಾನ್‌ ನೀಕ್‌ ಎದೆತಟ್ಟ್‌ ಆಯಿತ್‌ಪ್ಪಿ. ನೀಡ ಬಹುಮಾನ ಬಲ್ಯದಾಯಿತ್‌ಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:11

ತಾಂಡ ಮೋಂವೊಂಡ ವಿಷಯತ್‌ ಎಣ್ಣ್‌ನ ಈ ಕಾರ್ಯ ಅಬ್ರಹಾಮನ ದುಂಬ ಬೇಜಾರ್‌ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 22:11

ಅಕ್ಕ ಯೆಹೋವಂಡ ದೂತ ಪರಲೋಕತ್‌ಂಜ: ಅಬ್ರಹಾಮನೇ, ಅಬ್ರಹಾಮನೇಂದ್‌ ಕಾಕ್‌ಚಿ. ಅಕ್ಕ ಅಂವೊ: ನಾನ್‌ ಇಲ್ಲಿಯೇ ಉಳ್ಳಂದ್‌ ಜವಾಬ್ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 22:7

ಅಕ್ಕ ಇಸಾಕ ತಾಂಡ ಅಪ್ಪನಾನ ಅಬ್ರಹಾಮನ ನೋಟಿತ್: ಅಪ್ಪನೇಂದ್‌ ಕಾಕ್‌ಚಿ. ಅದ್‌ಂಗ್‌ ಅಬ್ರಹಾಮ: ಎಂತ ಮೋಂವೊನೇಂದ್‌ ಕ್‍ೕಟತ್. ಅಕ್ಕ ಇಸಾಕ: ಇದಾ, ನಂಗಡ ಪಕ್ಕ ತಿತ್ತ್‌ ಪಿಂಞ ಪುಳ್ಳಿ ಉಂಡ್, ಆಚೇಂಗಿ ದಹನ ಬಲಿಕ್‌ ಕೊರಿ ಎಲ್ಲಿ ಉಂಡ್‍ೕಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 37:13

ಅಕ್ಕ ಇಸ್ರಾಯೇಲ್‌ ಯೋಸೇಫನ ನೋಟಿತ್: ನೀಡ ಅಣ್ಣಂಗ ಶೆಕೆಮ್‌ಲ್‌ ಆಡ್‌ಕೊರಿಯಳ ಮೇಯಿಚಿಡುವಕ್‌ ಪೋಚಲ್ಲ? ನಾನ್‌ ನಿನ್ನ ಅಯಿಂಗಡ ಪಕ್ಕ ಅಯಿಪಿ, ಬಾ ಎಣ್ಣಿಯಂಡ್‌ ಅಂವೊಂಗ್‌ ಎಣ್ಣ್‌ಚಿ. ಅದ್‌ಂಗ್‌ ಯೋಸೇಫ: ಇದಾ, ನಾನ್‌ ಪೋಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 46:2

ಅಂದ್‌ ಬಯಿಟ್ ದೇವ ಇಸ್ರಾಯೇಲ್‌ಂಗ್‌ ದರ್ಶನತ್‌ಲ್‌ ಅಂವೊನ ಕಾಂಬ್‌ಚಿಟ್ಟಿತ್: ಯಾಕೋಬನೇ ಯಾಕೋಬನೇಂದ್‌ ಕಾಕ್‌ಚಿ. ಅಂವೊ: ನಾನ್‌ ಇಲ್ಲಿ ಉಳ್ಳ್ಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 17:3

ಜನ ಬೊಳ್ಳಿನ ತಿತ್‌ ಬೂಕ್ಕು ಪಾತ್‌ರತ್‌ಲು ಪೊನ್ನ್‌ನ ತಿತ್ತ್‌ ತೊಳೆಯಿಲು ಇಟ್ಟಿತ್‌ ಪರೀಕ್ಷೆ ಮಾಡುವ, ಆಚೇಂಗಿ ಜನಡ ಹೃದಯತ್‌ನ ಪರೀಕ್ಷೆ ಮಾಡ್‌ವಂವೊ ಯೆಹೋವನೇ.

1 ಕೊರಿಂಥ 10:13

ಎಲ್ಲಾ ಮನುಷ್ಯಂಗಕ್ ಬಪ್ಪ ಸೋದನೆನ ಬುಟ್ಟಿತ್ ಬೋರೆ ಏದ್ ಸೋದನೆಯು ನಿಂಗಕ್ ಬಂದಿತ್ತ್‌ಲ್ಲೆ. ದೇವ ನಂಬಿಕಸ್ತನಾಯಿತುಂಡ್. ನಿಂಗಡ ಶಕ್ತಿಕ್ ಮೀರ್‍ನ ಸೋದನೆಕ್ ನಿಂಗ ಒಳಪಡ್‍ವಕ್ ಅಂವೊ ಬುಡುಲೆ. ಆಚೇಂಗಿ, ಆ ಸೋದನೆಯಿಂಜ ತಪ್ಪ್‌ಚಿಡ್‌ವಕ್ ಬಟ್ಟೆ ಕಾಟಿತಪ್ಪ.

ಇಬ್ರಿಯ 11:17

ನಂಬಿಕೇರ ಮೂಲಕ, ಅಬ್ರಹಾಮ ದೇವ ಅಂವೊನ ಪರೀಕ್ಷೆ ಮಾಡ್‌ವಕ, ಇಸಾಕನ ಬಲಿಯಾಯಿತ್ ಅರ್ಪಿಚಿಟ್ಟತ್. ದಾಡ ವಿಷಯತ್ ವಾಗ್ದಾನ ಕ್‍ಟ್ಟ್‌ಚೋ, ಅಂವೊ ತಾಂಡ ಒರೇ ಮೋಂವೊನಾಯಿತ್ಂಜತೇಂಗಿಯು ಅರ್ಪಣೆ ಮಾಡ್‍ಚಿ.

ಯಾಕೋಬ 2:21

ನಂಗಡ ಅಪ್ಪನಾನ ಅಬ್ರಹಾಮ ತಾಂಡ ಕುಂಞಿ ಇಸಾಕನ ದೇವ ಎಣ್ಣ್‌ನ ಪ್ರಕಾರ ತ್ಯಾಗ ಅರ್ಪಣೆ ಮಾಡ್‌ವಕಾಯಿತ್ ಬಲಿಪೀಠತ್‍ಲ್ ಕೊಲ್ಲ್‌ವಕಾಯಿತ್ ಅರ್ಪಿಚಿಡುವಂತ ಕ್ರಿಯೇಯಿಂಜತಾನೆ ನೀತಿವಂತವೊನಾಚಿ?

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.