ಆದ್ಯತ್‌ರ ಪುಸ್ತಕ 21:8 - ಕೊಡವ ಬೈಬಲ್

⁸ ಆ ಕುಂಞಿ ಬೊಳ್‌ಂದಿತ್‌ ಮೊಲೆಕುಡಿಪದ್‌ನ ಬುಟ್ಟತ್. ಆ ದಿವಸತ್‌ಲ್‌ ಅಬ್ರಹಾಮ ಬಲ್ಯ ಗದ್ದಾಳ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 21:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:3

ಆಚೇಂಗಿ ಲೋಟ ಅಯಿಂಗಳ ದುಂಬ ಒತ್ತಾಯ ಮಾಡ್‌ಚಿ. ಅದ್‌ಂಗ್‌ ಅಯಿಂಗ ಅಂವೊಂಡ ಕೂಡೆ ಅಂವೊಂಡ ಮನೆಕ್‌ ಪೋಚಿ. ಅಂವೊ ಪುಳಿಯಿಲ್ಲತ ಒಟ್ಟಿನ ಕೂಡ ಗದ್ದಾಳ ತಯಾರ್‌ ಮಾಡಿತ್‌ ಅಯಿಂಗಕ್‌ ಕೊಡ್‌ತತ್. ಅಯಿಂಗ ಅದನ ಉಂಡತ್.

ಆದ್ಯತ್‌ರ ಪುಸ್ತಕ 21:7

ಸಾರಳು ಮಕ್ಕಕ್‌ ಮೊಲೆಪಾಲ್‌ ಕೊಡ್‌ಪಾಂದ್‌ ಅಬ್ರಹಾಮಂಗ್‌ ದಾರೇಂಗಿ ಎಣ್ಣ್‌ವಕ್‌ ಸಾದ್ಯತೆ ಇಂಜತಾ? ಆಚೇಂಗಿಯು ಅಬ್ರಹಾಮಂಡ ವಯಸ್ಸಾನ ಕಾಲತ್‌ಲ್‌ ಒರ್‌ ಮೋಂವೊನ ಪೆತ್ತ್‌ ಕೊಡ್‌ತಿಯೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:9

ಒರ್‌ ದಿವಸ, ಐಗುಪ್ತ ದೇಶಕ್‌ ಕೂಡ್‌ನ ಹಾಗರ ಅಬ್ರಹಾಮಂಗ್‌ ಪೆತ್ತ ಮೋಂವೊ ಹೀಯಾಳ್‌ಚಿಡ್‌ವದ್‌ನ ಸಾರಳ ಕಂಡಿತ್,

ಆದ್ಯತ್‌ರ ಪುಸ್ತಕ 26:30

ಅಕ್ಕ ಇಸಾಕ ಅಯಿಂಗಕಾಯಿತ್‌ ಗದ್ದಾಳ ತಯಾರ್‌ ಮಾಡ್‌ಚಿ. ಅಯಿಂಗ ಉಂಡಿತ್‌ ಕುಡಿಚತ್.

ಆದ್ಯತ್‌ರ ಪುಸ್ತಕ 29:22

ಅಕ್ಕ ಲಾಬಾನ ಆ ಜಾಗತ್‌ರ ಜನಳೆಲ್ಲ ಕಾಕಿತ್‌ ಗದ್ದಾಳ ತಯಾರ್‌ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 40:20

ಮೂಂದನೆ ದಿವಸ ಫರೋಹನ ಪುಟ್ಟ್‌ನ ದಿವಸವಾಯಿತ್‌ಂಜತ್. ಆನಗೊಂಡ್‌ ಅಂವೊ ತಾಂಡ ಅದಿಕಾರಿಯಂಗಕ್‌ ಗದ್ದಾಳ ಮಾಡ್‌ಚಿ. ಜೈಲ್‌ಕ್‌ ಇಟ್ಟ ತಾಂಗ್‌ ದ್ರಾಕ್ಷಿರಸ ಮಾಡಿ ಕೊಡ್‌ಪಯಿಂಗಡ ಮುಖ್ಯಸ್ತನು ಅಡಿಗೆ ಮಾಡ್‌ವಯಿಂಗಡ ಮುಖ್ಯಸ್ತನು ಆಯಿತಿಂಜ ಆ ದಂಡ್‌ ಅದಿಕಾರಿಯಳ ಸಹ ಫರೋಹನ ಪೊರಮೆ ಕಾಕ್‌ಚಿಟ್ಟಿತ್‌ ಗೌರವ ಮಾಡ್‌ಚಿ.

ಎಸ್ತೆರ್‌ 1:3

ತಾಂಡ ಆಳ್‌ವಿಕೆರ ಮೂಂದನೆ ಕಾಲತ್‌ಲ್‌ ಅಂವೊಂಡ ಅರಮನೆರ ಪ್ರಬುವಯಂಗಕ್‌ ಪಿಂಞ ಸೇವಕಂಗಕ್‌ ಬಲ್ಯ ನಮ್ಮೇರ ಗದ್ದಾಳ ಏರ್ಪಾಡ್‌ ಮಾಡ್‌ಚಿ . ಅಕ್ಕ ಪಾರಸಿಯ ಪಿಂಞ ಮೇದ್ಯ ದೇಶತ್‌ರ ಸೇನಾಧಿಪತಿಯಳು, ಮುಕ್ಯಪಟ್ಟಯಿಂಗಳು, ದೇಶತ್‌ರ ಅದಿಕಾರಿಯಳು ಬಂದಿತ್‌ಂಜತ್.