ಆದ್ಯತ್‌ರ ಪುಸ್ತಕ 21:34 - ಕೊಡವ ಬೈಬಲ್

³⁴ ಪಿಂಞ ಅಬ್ರಹಾಮ ಸುಮಾರ್‌ ಕಾಲ ಫಿಲಿಷ್ಟಿಯರಡ ದೇಶತ್‌ಲ್‌ ವಾಸ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 21:34 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:1

ಅಬ್ರಹಾಮ ಆ ಜಾಗತ್‌ನ ಬುಟ್ಟಿತ್, ತೆಕ್ಕ್‌ ಸೀಮೆಲ್‌ ಉಳ್ಳ ನೆಗೆವ್‌ ಎಣ್ಣುವ ಜಾಗಕ್‌ ಪೋಪಕ್‌ ಪ್ರಯಾಣ ಮಾಡಿತ್, ಕಾದೇಶಿಕು ಶೂರುಕು ಮದ್ಯತ್‌ಲ್‌ ವಾಸಮಾಡ್‌ಚಿ. ಚೆನ್ನಕಾಲ ಗೆರಾರಿ ಎಣ್ಣುವ ಬಲ್ಯ ಊರಲ್‌ ಇಂಜತ್.

ಆದ್ಯತ್‌ರ ಪುಸ್ತಕ 22:19

ಅಲ್ಲಿಂಜ ಅಬ್ರಹಾಮ ತಾಂಡ ಆಳ್‌ವಡ ಪಕ್ಕ ತಿರಿತ್‌ ಬಾತ್. ಅಯಿಂಗೆಲ್ಲಾರು ಬೇರ್ಷೆಬಕ್‌ ಪೊರ್‌ಟತ್; ಅಬ್ರಹಾಮ ಬೇರ್ಷೆಬಲ್‌ ವಾಸ ಮಾಡ್‌ಚಿ.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 11:9

ನಂಬಿಕೇರ ಮೂಲಕ, ಅಂವೊ ವಾಗ್ದಾನತ್‍ರ ದೇಶತ್‍ಲ್ ಬೋರೆ ದೇಶತ್‍ರಂವೊನೆಕೆ ಇಂಜಂಡ್, ಆ ವಾಗ್ದಾನತ್‍ರ ಬಾದ್ಯತೆಕಾರಳಾನ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗುಡಾರತ್‍ಲ್ ವಾಸ ಮಾಡಿಯಂಡ್ ಇಂಜತ್.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.