ಆದ್ಯತ್‌ರ ಪುಸ್ತಕ 21:3 - ಕೊಡವ ಬೈಬಲ್

³ ಅಕ್ಕ ಅಬ್ರಹಾಮ, ಸಾರಳ ಅಂವೊಂಗ್‌ ಪೆತ್ತ ಮೋಂವೊಂಗ್‌ ಇಸಾಕಾಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 21:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 17:21

ಆಚೇಂಗಿ ನಾಡ ಒಪ್ಪಂದತ್‌ನ, ಸಾರಾಳ ನೀಕ್‌ ಪೆರುವ ಇಸಾಕಂಡ ಕೂಡೆ ಸ್ತಾಪನೆ ಮಾಡುವಿ. ಬಪ್ಪ ಕಾಲ ಇದೇ ಸಮಯತ್‌ ನೀಕು ಸಾರಾಳಕು ಇಸಾಕ ಪುಟ್ಟ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:12

ಆಚೇಂಗಿ ದೇವ ಅಂವೊಂಗ್: ನೀನ್‌ ಆ ಮೋಂವೊಂಡ ಪಿಂಞ ಆ ಪಣಿಕಾರ್ತಿರ ವಿಷಯತ್‌ ಬೇಜಾರ್‌ ಮಾಡಂಡ. ನೀಡ ಮೋಂವೊ ಇಸಾಕಂಡ ಮೂಲಕ ಪುಟ್ಟ್‌ವಯಿಂಗಳೇ ನೀಡ ಸಂತಾನಕ್‌ ಲೆಕ್ಕ ಆಪ. ಆನಗುಂಡ್‌ ಸಾರಳ ಎಣ್ಣ್‌ವನೆಕೆ ಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:6

ಅಕ್ಕ ಸಾರಳ: ದೇವ ನನ್ನ ಕುಶಿಲ್‌ ತೆಳಿಪನೆಕೆ ಮಾಡ್‌ಚಿ. ಈ ವಿಷಯತ್‌ನ ಕ್‍ೕಪಯಿಂಗೆಲ್ಲ ನಾಡ ಕೂಡೆ ಕುಶಿಲ್‌ ತೆಳಿಪ.

ಆದ್ಯತ್‌ರ ಪುಸ್ತಕ 22:2

ಅಕ್ಕ ದೇವ: ನೀಡ ಒರೇ ಮೋಂವೊನ, ಅಕ್ಕು, ನೀನ್‌ ದುಂಬ ಪ್ರೀತಿ ಮಾಡುವ ಇಸಾಕನ ಮೊರಿಯ ಎಣ್ಣುವ ದೇಶಕ್‌ ಕಾಕಿಯಂಡ್‌ ಪೋ. ಅಲ್ಲಿ ನಾನ್‌ ನೀಕ್‌ ಎಣ್ಣ್‌ವ ಒರ್‌ ಕುಂದ್ರ ಮೇಲೆ ಅಂವೊನ ದಹನ ಬಲಿಯಾಯಿತ್‌ ಅರ್ಪಿಚಿಡಂಡೂಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 25:19

ಅಬ್ರಹಾಮಂಡ ಮೊಂವೊನಾನ ಇಸಾಕಂಡ ವಂಶಾವಳಿ. ಅಬ್ರಹಾಮ ಇಸಾಕನ ಪೆತ್ತತ್.

ಮತ್ತಾಯ 1:2

ಅಬ್ರಹಾಮಂಡ ಮೋಂವೊ ಇಸಾಕ. ಇಸಾಕಂಡ ಮೋಂವೊ ಯಾಕೋಬ. ಯಾಕೋಬಂಡ ಮಕ್ಕ ಯೂದ ಪಿಂಞ ಅಂವೊಂಡ ಅಣ್ಣತಮ್ಮಣಂಗ.

ಅಪೊಸ್ತಲ 7:8

ಇಂಞು ದೇವ ಅಂವೊಂಡ ಕೂಡೆ ಮಾಡ್‍ನ ಒಪ್ಪಂದತ್‍ರ ಗುರ್‌ತಾಯಿತ್ ಆಣಾಳ್‌ಕ್ ಸುನ್ನತಿನ ಎಣ್ಣ್‌ಚಿ. ಅನ್ನನೆ ಅಬ್ರಹಾಮ, ಇಸಾಕಂಡ ಅಪ್ಪನಾಚಿ, ಪಿಂಞ ಅಂವೊ ಪುಟ್ಟ್‌ನ ಎಟ್ಟನೆ ದಿವಸತ್‍ಲ್ ಅಂವೊಂಗ್ ಸುನ್ನತಿ ಮಾಡ್‍ಚಿ. ಇಸಾಕ ಯಾಕೋಬಂಗ್, ಯಾಕೋಬ ಇಸ್ರಾಯೇಲ್ ದೇಶತ್‍ರ ಪನ್ನೆರಂಡ್ ಗೋತ್ರತ್‍ರ ಮುತ್ತಜ್ಜಂಗಕ್ ಅನ್ನನೆ ಮಾಡ್‍ಚಿ.

ರೋಮ್ 9:7

ಅಯಿಂಗ ಅಬ್ರಹಾಮಂಡ ಸಂತಾನಕಾರಂಗಳಾಯಿತ್ ಇಂಜತೇಂಗಿಯು, ಅಯಿಂಗ ಎಲ್ಲಾರು ಅಂವೊಂಡ ಮಕ್ಕ ಅಲ್ಲ; ಅಂವೊಂಡ ಮೋಂವೊನಾನ ಇಸಾಕಂಡಲ್ಲಿ, ಇಂವೊಂಡ ಮೂಲಕವೇ ನೀಡ ಸಂತಾನ ಆಪಾಂದ್ ಅಬ್ರಹಾಮಂಗ್ ಎಣ್ಣಿತುಂಡಲ್ಲ?

ಇಬ್ರಿಯ 11:18

ಈ ಇಸಾಕಂಡ ಮೂಲಕವೇ ನೀಡ ಸಂತಾನ ಕಾಕ್‍ವಕ್ ಆಪಾಂದ್ ಅಬ್ರಹಾಮಂಗ್ ಎಣ್ಣಿತ್ಂಜತ್.