ಆದ್ಯತ್‌ರ ಪುಸ್ತಕ 21:2 - ಕೊಡವ ಬೈಬಲ್

² ಅಬ್ರಹಾಮ ವಯಸ್ಸಾಯಿತ್‌ಪ್ಪಕ ಸಾರಳ ಕುಳುಮೆಕಾರ್ತಿಯಾಯಿತ್, ಯೆಹೋವನಾನ ದೇವ ನೇಮಿಚಿಟ್ಟ ಕಾಲತ್‌ಲ್‌ ಒರ್‌ ಕ್‌ಣ್ಣ ಕುಂಞಿನ ಪೆತ್ತ್‌ತ್.

ಆದ್ಯತ್‌ರ ಪುಸ್ತಕ 21:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 17:21

ಆಚೇಂಗಿ ನಾಡ ಒಪ್ಪಂದತ್‌ನ, ಸಾರಾಳ ನೀಕ್‌ ಪೆರುವ ಇಸಾಕಂಡ ಕೂಡೆ ಸ್ತಾಪನೆ ಮಾಡುವಿ. ಬಪ್ಪ ಕಾಲ ಇದೇ ಸಮಯತ್‌ ನೀಕು ಸಾರಾಳಕು ಇಸಾಕ ಪುಟ್ಟ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:10

ಅಕ್ಕ ಅಯಿಂಗಡಲ್ಲಿ ಒಬ್ಬ: ನಾನ್‌ ಕಂಡಿತವಾಯಿತು ಬಪ್ಪ ಕಾಲ ಈ ಸಮಯತ್‌ಲ್‌ ನೀಡಲ್ಲಿಕ್‌ ಬಪ್ಪಿ; ಅಕ್ಕ ನೀಡ ಪೊಣ್ಣ್‌ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ. ಸಾರಳ ಅಂವೊಂಡ ಬಯ್ಯತ್‌ ಗುಡಾರತ್‌ರ ಪಡಿರ ಬರಿಲ್‌ ನಿಂದಂಡ್‌ ಈ ತಕ್ಕ್‌ನ ಕ್‍ೕಟಡಿಂಜತ್.

ಆದ್ಯತ್‌ರ ಪುಸ್ತಕ 18:14

ಯೆಹೋವಂಗ್‌ ಕಯ್ಯತ್ತದ್‌ ಎಂತದೇಂಗಿ ಉಂಡಾ? ನಾನ್‌ ಎಣ್ಣ್‌ನನೆಕೆ ಬಪ್ಪ ಕಾಲತ್‌ ಇದೇ ಸಮಯಕ್‌ ತಿರಿತ್‌ ಬಪ್ಪಿ; ಅಕ್ಕ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:36

ನೀಡ ಬೆಂದ್‌ಕ ಎಲಿಸಬೇತ್ ಈ ವಯಸ್ಸಾನ ಕಾಲತ್‍ಲ್ ಇಕ್ಕ ಕೆಲಕರ್ತಿ ಆಯಿತುಂಡ್. ನಾಕ್ ಕುಂಞಿ ಆಪುಲೇಂದ್ ಎಣ್ಣಿಯಂಡಿಂಜ ಅವ ಇಕ್ಕ ಆರ್ ತಿಂಗ ಕುಳುಮೆಕರ್‌ತಿಯಾಯಿತುಂಡ್.

ಅಪೊಸ್ತಲ 7:8

ಇಂಞು ದೇವ ಅಂವೊಂಡ ಕೂಡೆ ಮಾಡ್‍ನ ಒಪ್ಪಂದತ್‍ರ ಗುರ್‌ತಾಯಿತ್ ಆಣಾಳ್‌ಕ್ ಸುನ್ನತಿನ ಎಣ್ಣ್‌ಚಿ. ಅನ್ನನೆ ಅಬ್ರಹಾಮ, ಇಸಾಕಂಡ ಅಪ್ಪನಾಚಿ, ಪಿಂಞ ಅಂವೊ ಪುಟ್ಟ್‌ನ ಎಟ್ಟನೆ ದಿವಸತ್‍ಲ್ ಅಂವೊಂಗ್ ಸುನ್ನತಿ ಮಾಡ್‍ಚಿ. ಇಸಾಕ ಯಾಕೋಬಂಗ್, ಯಾಕೋಬ ಇಸ್ರಾಯೇಲ್ ದೇಶತ್‍ರ ಪನ್ನೆರಂಡ್ ಗೋತ್ರತ್‍ರ ಮುತ್ತಜ್ಜಂಗಕ್ ಅನ್ನನೆ ಮಾಡ್‍ಚಿ.

ರೋಮ್ 9:9

ಸರಿಯಾನ ಸಮಯತ್‍ಲ್ ನಾನ್ ಬಪ್ಪಿ, ಅಕ್ಕ ಸಾರಾಳ ಒರ್ ಮೋಂವೊನ ಪೆರುವಾಂದ್ ಎಣ್ಣ್‌ನದೇ ಆ ವಾಗ್ದಾನ.

ಗಲಾತ್ಯ 4:22

ಅಬ್ರಹಾಮಂಗ್ ದಂಡ್ ಕ್‍ಣ್ಣ ಮಕ್ಕ ಇಂಜತ್‍ೕಂದ್ ದೇವಡ ವಾಕ್ಯ ಎಣ್ಣ್‌ವ; ಒರ್ ಮೋಂವೊ ಅಡಿಯಾಳಾಯಿತಿಂಜ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ, ಇಂಞೊಬ್ಬ ಸ್ವಾತಂತ್ರವಾನ ಅಂವೊಂಡ ಸ್ವಂತ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ.

ಇಬ್ರಿಯ 11:11

ನಂಬಿಕೇರ ಮೂಲಕ, ಸಾರಳ ಸಹ, ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೋಂದ್ ನಂಬಿತ್, ಕುಂಞಿ ಪೆರುವಕುಳ್ಳ ವಯಸ್ ಆಯಿಪೋಯಿತ್ಂಜತೇಂಗಿಯು, ಕೆಲಕರ್ತಿ ಆಪಕುಳ್ಳ ಶಕ್ತಿನ ಪಡ್ಂದಿತ್ ಕುಂಞಿನ ಪೆತ್ತತ್.