ಆದ್ಯತ್‌ರ ಪುಸ್ತಕ 21:12 - ಕೊಡವ ಬೈಬಲ್

¹² ಆಚೇಂಗಿ ದೇವ ಅಂವೊಂಗ್: ನೀನ್‌ ಆ ಮೋಂವೊಂಡ ಪಿಂಞ ಆ ಪಣಿಕಾರ್ತಿರ ವಿಷಯತ್‌ ಬೇಜಾರ್‌ ಮಾಡಂಡ. ನೀಡ ಮೋಂವೊ ಇಸಾಕಂಡ ಮೂಲಕ ಪುಟ್ಟ್‌ವಯಿಂಗಳೇ ನೀಡ ಸಂತಾನಕ್‌ ಲೆಕ್ಕ ಆಪ. ಆನಗುಂಡ್‌ ಸಾರಳ ಎಣ್ಣ್‌ವನೆಕೆ ಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 17:21

ಆಚೇಂಗಿ ನಾಡ ಒಪ್ಪಂದತ್‌ನ, ಸಾರಾಳ ನೀಕ್‌ ಪೆರುವ ಇಸಾಕಂಡ ಕೂಡೆ ಸ್ತಾಪನೆ ಮಾಡುವಿ. ಬಪ್ಪ ಕಾಲ ಇದೇ ಸಮಯತ್‌ ನೀಕು ಸಾರಾಳಕು ಇಸಾಕ ಪುಟ್ಟ್‌ವಾಂದ್‌ ಎಣ್ಣ್‌ಚಿ.

ಗಲಾತ್ಯ 4:30

ಆಚೇಂಗಿ ಇದ್ಂಡ ವಿಷಯತ್ ದೇವಡ ವಾಕ್ಯ ಎಂತ ಎಣ್ಣುವ? ಅಡಿಯಾಳಾಯಿತಿಂಜ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ ಸ್ವಂತ ಪೊಣ್ಣ್‌ನಗುಂಡ್ ಪುಟ್ಟ್‌ನಂವೊಂಡನೆಕೆ ಹಕ್ಕ್‌ದಾರನಾಯಿತ್‌ಪ್ಪುಲೆ; ಆನಗುಂಡ್ ಅಡಿಯಾಳಾಯಿತಿಂಜ ಪೊಣ್ಣ್ ಪಿಂಞ ಅವಡ ಮೋಂವೊನ ಪೊರಮೆ ತಳ್ಳೀಂದ್ ಎಣ್ಣುವ.

ಇಬ್ರಿಯ 11:18

ಈ ಇಸಾಕಂಡ ಮೂಲಕವೇ ನೀಡ ಸಂತಾನ ಕಾಕ್‍ವಕ್ ಆಪಾಂದ್ ಅಬ್ರಹಾಮಂಗ್ ಎಣ್ಣಿತ್ಂಜತ್.